السلام عليكم
اخر ما كتبت اتركها لقلوبكم
طـفـلـه اسـمها أشــواق
ولا أحــدن ..لـهـا يـشـتاق
أبـوها ماله أي وجـود
ولا بالاسم بعد موجـود
أما الأم عـافـتها... وباعـتهـا
وفـي المسجـد ... على أقـرب باب حـطتـها
ولا بـاقـي منهـا شـي
سـوى طـرحـه .. فيـها أخـفتـها
وكـل ليله تـضم الطـرحه وتـقبلـهـا
وكل اللي تعـرفـه أشـواق
كلامن من هـنا وهـنـاك
يـقـولون انـهـا غـلـطـه
يعني غـيـر عـن الـباقـين
وحـيـده بالـزمـن هــذا
بلا أب .. وبلا أم .. وبلا إخوان
بلا اقراب .. بلا أصحاب .. بلا أحباب
وكان الـذنـب ... انـهـا غـلطـه
ماهي الـسـبـب فـي الـفعـل
بس هي مـن تحـملـهـا..!
وكـل الـكـون بالـمرصاد ..!
طـفولـتهـا بـلا مـعـنى
وضحـكـتهـا بـلا مـعـنـى
وكل الـكون بعين أشـواق ... بـلا مـعـنى
ولو عانت مـن اللي حولها أو جار
ما تـدري تـشتكـي لـميـن ..!!
وحزن القلب يشكى لمـيـن .. !!
ما غـيـر الـدمعه تـرحـمهـا
ومـحـدن غـير يـد أشـواق ... تـمـسحها
تمنـت أم تحضنـها
تمنـت أب يـرعـاهـا
تمنت كل ليله أمها تحكي لها قصه
مثـل هـنـد الصغيـره .. في حـكايـتهـا
صـدق مسكيـنه يـا أشــواق
بـكـل نـظـره نـتعـبها
وبـكـل كـلمه نعـذبـها
وكلن يـبتعـد عـنهـا
ويستغفر .. إذا يدري انـهـا غـلـطه
وكـل دفـاعـهـا ... دمـعـه
صـدق مسكيـنه يا أشــواق
تـعانـي مـن قـسى الـدنـيا
وهـي تـوهـا طـفـلـه ..!
أجـل لـو كبرت أشــواق ..!
ومثل أي بنت تـتمـنى .. يجـيها فارس الأحـلام
ويحقـق حلمها الـوردي
وتنجب منه أحلى أطـفـال
أو مـن الاحـلام محـرومه.. !
وبتبقى أشـواق مضلـومه ..!
ومـدام انها غـلـطه
بالله منهو يـاخـذها ؟
منهو بيرضى بأشــواق ؟!
منهو بيرضى بزوجه أصـلها غـلطـه ؟
شكرا للوصول الى هنا
تحياااااااااااااااتي
المشاركة الأصلية كتبت بواسطة رابعة العدوية
