{ قولنا اضحك واحرج موقف مريت فيه }

[ايوب الحسن]

السلام عليكم


هالمرة نطلع عن المألوف شوي .. ونفرفش شوي ..

ببساطة قولنا موقف مضحك مريت فيه
واحرج موقف مريت فيه

طبعا يصير نعلق على مواقف البعض ونضحك بس بشرط من غير تجريح .. !!


انه ببدأ :-

-------------------

موقف مضحك ...

كنت قاعد العب لعبة GOW ووصلت عند الرئيس الاخير .. وعدتها يمكن 20 مرة تقريبا ... والمرة الاخيرة .. من كثر ما انه عصبت عليه ... قمت وكسرت اليدة بقوة بعد ...

وبعد شوي قعدت وقلت الحين شلون العب ؟؟؟ .. ورحت ثاني يووم وشريت يدة ثانية .. !!

-----------

موقف محرج ...

مرة كنت مندمج بلعبة .. وحدي مندمج كنت طبعا ... وفجأة يوم خسرت بمرحلة .. قمت وطقيت الارض برجلي حييل وبقوة .. عاد وقتها خوالي كلهم زايرينا وانه ما ادري ! بعدين يوم صكيت الجهاز ونزلت .. وكنت الوحيد الموجود فوق .. جان يقولي خالي اشفيك اطق الارض ؟؟ وطبعا وجهي هني .. خو صار معجوون طماط وقمة الاحراج كان .. والله لا يجيب ذاك اليوم مرة ثانية


--------------------------------------------------------

يالله .. الكل يشارك .. ومابي احد يقولي لا فشلة ومادري شنو .. !! قول بسم الله وتوكل على الله .. وقول ... عادي هني فرفشة وضحك بس طبعا بحدود الغيمز طبعا ..

[التيرس]

الموقف المضحك كنت العب كورة في الاكس بوكس في الشوط الثاني الاضافي اخر الدقايق كنت متقدم بهدف وكنت العب بستهزاء مع اخوي وناولت للحارس وجاء هدف وفاز علي بالبلتيات ههههههههههه


كان واحد من اصحابي يلعب نينجا جادين 2 ووصل عند الوحش وقرب يفوز وكنت ابي اشبك شاحن الجوال وطفى الحهاز ههههههههههههه وزعل مرة وبطل يكمل

[PS Player]

الموقف المحرج

اول مرة العب GOW وكنت مع اجانب طبعا واللي وياي 2 اطفال صغار مبين من اصواتهم

المهم بعد بداية القتال ماتوا ربعي الاثنين وبقيت انا

طبعا بقى واحد من الفريق اللي ضدنا كنت افتر ادورة فجأة لقيتة ارميه مو قادر اصيبة ( اول مرة العب ) عاد اهو فنان وقام يرميني انا نحشت

واهو يلحقني

تقريبا مدة دقيقتين وانا قاعد انحاش وطول هالمدة الاطفال يقولون لي Fight hem like a man

Be a man

Be a man

وقتها حسيت بأحراج مو طبيعي طفل ويقول لي جذي

اما الموقف المضحك مو على بالي الحين

[FARES360]

موقف مضحك
- كل ما اخسر بالأون لاين في سول كاليبور لازم اقوم من مكاني اقط حرتي بالهوا .. انط واعطيكي kick بالهوا وارد اقعد ههههههه !

- لما افوز في لعبة بتل فيلد بالأون لاين .. وتطلع النغمه ذيج .. لازم اسوي بأيدي حركة اني ماسك غيتار
واحرك اليده على الغيتار ويا النغمة الي تطلع مالت الفوز ..

موقف محرج
- في بتل فيلد بالأون لاين ..الشباب معتمدين علي اسوق الهلكوبتر .. لأنه اهما بينطون بالبراشوت
وانا الي اسوق.. فركبنا الطياره وصعدت فيها ما كملت دقيقه ولا لقيت نفسي طايح بالأرض فيهم xD ما اعرف اسوقها لووول

[rare games]

الموقف يمكن يكون مو محرج قد ما هو يحرق اعصابي

وهالمواقف كلها من اخوي الصغير

-لعبت هافنلي سورد كلها ولما وصلت للزعيم الاخير وفي الجوله الثالثه والاخيره غلبني يمكن 6 مرات لما قلت بطفي واكمل بعدين قالي ابي اجرب يمكن افوز واخذ اليده وفاز عليه+(بعد عده محاولات اكيد)

-نينجا غايدن2 جاني صداع منها بعد شابتر 9 وقلت ماراح العبها خلاص وكملها من شابتر9 وختمها الحين صار فيني بدون

- كله يغلبني في SC4 ب TAKI لين قلتلها ما يصير تختارها(تسلط الاخ الاكبر)

+اذكروه الله لا يحط يعطيه عين

[bader686]

موقف مضحك

و انة العب gta iv اونلاين كنت الكنج يعني انة الي اختار قمت و اخترت المطار و السلاح بس بازوكا عاد الي لعبت معاهم فنانين كل مايذبحوني اقول لاخوي الي اصغر مني هاي عندهم برامج هاك انة متأكد (من القهر ) p:

مرة كنت قاعد العب لعبة للبلاستيشن3 من كثر الحماس صميت اخوي الصغير طراااق ههههههه

موقف محرج :

مرة كنت العب اونلاين gta iv و كنت مركب المايك طبعا انة كنت مخلي راسي براس واحد اجنبي كلة اذبحة و طول الوقت طايح اهو سب فيني و انة ساكت لين وصلت حدي قمت و سبيتة سب بالانجليزي بدون ادراك واله اشوف كل اخواني يطالعوني بأستغراب و على ويهم علامات تعجب !!!!!!!

حسيت بأحراج شلون طلع مني الكلام حتى ذاك خاف قام يقولي : كوم داون دوود ..كوم داون دوود ههههههههههه


مرة و انة العب twisted metal 4 على بلاستيتشن ون وصلت للرءيس الاخير الي هو sweet tooth و كان صعععععععععععععب و قوي عدت معاه يمكن 20 مرة و بالمرة الاخيرة كان بورة شوية و بوري نفس الشي و انة توني باطلق علية الي قام و لف سيارتة و دعمني و فجر سيارتي

عاد تدرون شسويت من القهر ؟... قمت و رقعت راسي بالطوف بالقوة من القهر و نزلت اتغدة توني قاعد على الطالولة الة كل بيتنة قاعد يطالعوني ..قلت لهم شنو ؟ الة يقولون لي راسك يطلع منة دم

تفشلت خصوصا انة كانو خوالي موجودين تفشلت اقولهم بسبة لعبة


عندي وااااااااااااااااااااااااااااااااااااااااااايد مواقف محرجة بعد بس والله اتفشل اقولة
اما مواقف مضحكة من كثرهم نسيتهم


و مشكوور ايوب على الموضوع الكوميدي هههه

[xoxo.zozo]

اقو موقف صار لي هو محرج على مضحك على مزعل..... الموقف...تشاجرت مع اخي الي اصغر مني كان يريد اصقاط الاكس بوكس لني عيت اخليه يشوف توم وجيري.هههههه..ونا توني شاريه ...وهاوشته ...وبعدين رحت للمطبخ ..مدري الى اسمع صوت طووووو.. وطلع وجي بسرعه ..شوي الى اخوي طارح الاكس بوكس..من على الطاوله.. واضرب اخي الصغير في الدور الي فوق...فجئه دخل عمي ولقاني اضرب اخي الصغير ونحرجت ........

.................................................................................................... ........

هاذا موقف محرج ومفضح ..

انا العب gta iv ورح للكزنو ودخلت الغرفه ...مدري الي يوم جا العرض..الى اخوي الكبير داخل على في الغرفه... ونا افتشل بدال ما اضغط ستارت ضغت الي جنب ستارت ...هههههه وبعدها اخوي يكمل العرض ويشوف ...

[obie trice]

^
^
الله يهديك
على الموقف المحرج و الفضيحة .. و الأعظم . أخوك بدل ما يعاتبك . قعد يتفرج ههههههههههه

و الموقف المضحك
هههههههههههههههههههههههه مسكين اخوك هههههههههههههههههههههههه
بس انت معاك حق ..
---------------------------------------------------------------------------------------------
بالنسبة لي الموقف المضحك :
و انا ألعب بالأون لاين كول أف دوتي .. الصدف خلتني أقتل لاعب واحد (اللاعب نفسه) 12 مرة بالضبط في تيم ديث ماتج .. و هو قام يسبني سب هههههههه و انا أضحك هههههههههه هههههههههههه هههههههه

الموقف المحرج :
أول ما شريت الأكس بوكس .. مستانس بشغله .. جان أركب لبلاك غلط . جان تطفى الكهرباء . جان يبهذلني أبوي .. و يزفني زف ...

[ايوب الحسن]

لووووول ... مواقفكم مضحكة ..

موقف مضحك
- كل ما اخسر بالأون لاين في سول كاليبور لازم اقوم من مكاني اقط حرتي بالهوا .. انط واعطيكي kick بالهوا وارد اقعد ههههههه !

- لما افوز في لعبة بتل فيلد بالأون لاين .. وتطلع النغمه ذيج .. لازم اسوي بأيدي حركة اني ماسك غيتار
واحرك اليده على الغيتار ويا النغمة الي تطلع مالت الفوز ..

اشوى علبالي بس انه اللي اسوي جذي ... !!

عاد تدرون شسويت من القهر ؟... قمت و رقعت راسي بالطوف بالقوة من القهر و نزلت اتغدة توني قاعد على الطالولة الة كل بيتنة قاعد يطالعوني ..قلت لهم شنو ؟ الة يقولون لي راسك يطلع منة دم

الله ... يمعود ماتسوى ترى يصير فيك شي على لعبة !! ...

الموقف المحرج :
أول ما شريت الأكس بوكس .. مستانس بشغله .. جان أركب لبلاك غلط . جان تطفى الكهرباء . جان يبهذلني أبوي .. و يزفني زف ...

احلى شي ... بس جان قلت له .. ترشييد

[meshale]

اكثر شي فيه مواقف جهاز الوي .. ولد عمي عنده الويي او لما نطلع مزرعه او شاليه حطها او خل الشيااب اجابلووونها ( اللي اطامر او اللي يزلق او اطيييح ) لووووووول شكلهم فلم

و الاحراج لما انت تلعب لوووول