احيانا لايجد الأنسان في نفسة ان لدية موهبة الشعر وكتابة الشعر
لكن يتفاجأ ان غيرة من الشعراء من يتحدت بلسانة
اعجبتني هالقصيدة جدا , يأثر فيني الشعر اللي فية عتب
وهالقصيدة للشاعر : عطاللة فرحان العنزي
اجمل ما اعجبني الابيات الاخيرة
اتمنى تعجبكم
أتعبني الحلم لين الواقـع أنكرنـي
كني مسكت الفرج بيدي وهديته
مافيه داعي على فرقـاك تجبرنـي
حتى الجفا منك ولعنـي وحبيتـه
الجرح عدى زمانـه لاتذكرنـي
هذاك وقـتٍ تعذرتـه وجافيتـه
لوشفت دمع القصايد كان تعذرني
تصور إن الشعر يضحك وبكيتـه
ماغيرونـي ياكـود الله يغيرنـي
كم واحدٍ عنك يبعدنـي ورديتـه
وفيت وأدري وفايـه مايصغرنـي
صوبت يم الهدف لكني أخطيتـه
من طار سرب الغلا والشوق طيرني
شف ماعلى الأرض واحد ماتعديته
خذني على صدرك الدافي وسيرني
بعض الولع ياخذ الرجال من بيتـه
أبنشغل فـي عيونـك لاتدورنـي
ودي بشيٍ أشوفه مابعـد جيتـه
خليت قلبي معـك والله يصبرنـي
مبطي وأنا أقول قلبي وين خليتـه
نسيت أعلمك طيفك جا يسهرني
بس أنت ماشفتني وشلون ضميتـه
إشتقت لك مابغيتك عاد تشكرني
تغيب والشوق ماعمري تباطيتـه
ماخذ على خاطري والبعد قاهرني
مدري شسوي وأنا كل شي سويته
العام يوم الوعد تسبـق وتنطرنـي
مستغرب شلون هالموعد تناسيتـه
وين أنت رايح ولاكنك معبرنـي
ماكني اللي علـى العالـم تمنيتـه
لاصار هذي علومك راح تخسرني
ماعمر أحد راح من كيفه وناديته
عند الكرامه أبيعك وأنت خابرني
الله وكيلك ترى كل شي مريتـه
كانه هجر بالسلامه روح وإهجرني
أخوي لاصـد عنـي ماترجيتـه
أخوكم مشاري العصيمي
kkuw_24@hotmail.com
