صباحكم / مسائكم ضحك ووناسه
حبيت اليوم اشارك معاكم بقصه من تأليفي المتواضع
وراح تكون ان شاءالله على شكل اجزاء
واليوم كتبت لكم الجزء الاول واتمنى ان شاءالله انها تعجبكم وتوسعون صدركم معها
::
::
بطل القصه هو المصرقع فهيدوهو راح يحكي لكم عن
يوميااااته من خلال هذه الاجزاء
الحين اترك الميكرفون لفهيد
::
::
السلااااااام عليكم
كيفكم شباب عسى اوقاتكم كلها حلى وسكر وبقلاوة
قررت انا اليوم قراااااار خطيرررررر جداااااا وهو اني انا الموقع ادناه رااح افضفض لكم عن
يومياتي لان بصراااحه ماحد معطيني وجه .. هع هع
عاد ان شاءالله القى عندكم من يستحمل سوالفي عن يومياتي المصرقعه
::
::
مثل كل يوم في حياتي اجلس من نومي على صوت اختي المصون وهي تصحيني بكل كلمات السب
والشتم اللي تعرفها.. طبعا ماتتخيلون كيف هذا الشئ يعطيني حماااس لبدايه يوم جديد
افتح عيوني المغمصهواحذف عليها المخده بعد ان ارد لها الصاع صاااعين في مشهد
درامتيكي يتكرر كل صبحيه..
:
:
لآفاجأ منها بهديه صغيره اتلقفها على وجهي!!!!
وعلى فكره اختي ماتقصر كل يوم تغير نوع الهديه اللي آخذها على وجهي وما انسى اني في احدى
هداياها اصبت بعاهه مستديمه على وجهي المملوووح
بعد مااستسلم واجلس من النووم اتقاااء لشر اختي عديمه الضمير>>>> اتحداك لو تقول
هالكلام قدامها
التفت نحو اخوي الراااقد جنبي بسلاااااام رهيب واللي حتى مارف له جفن اثر الحرب العالميه اللي
كانت تدور بالغرفه قبل شوي.. لانه متعود من يحط راسه عالمخده يبدأ في عزف سيمفونياته
اللي تتغير في كل يوم واللي بسببها ادخل في سباااق غاشم
كل ليله مع
اخوي عشان انام قبله وما اتعذب بسماع سمفونياته والحانه الفانتازيه
احاول اخذ نفس عميييقواعطي نفسي دفعه امل ببدايه يوم مشرق وسعيد فأتوجه الى نافذه
غرفتنا بحماااسفافتحها لاستنشق ذرات الغبار والتي استنشقها بإبتسامه عريضه
تعطرها لفحات الحر الساخنه التي تصفع وجهي المسكين
:
:
اااه بس تعبت يدي من الكتابه ..
ان شاءالله اكمل لكم باقي يومياتي المره الجايه
اخوكم المصرقع : فهيد
::
::
اتمنى اليوميات الى الان تكون عجبتكم
واذا لقيت تفاعل منكم راح اكملها ان شاءالله
لكم ودي واحترامي
