استفسار يا ابطال

[عـزيـزونا]

باديء ذي بدء
السلام عليكم ورحمة الله وبركاته

اول شي استسمحكم لان موضوعي طويل شوي و تحملوني

معلومات عني

العمر ..\ 22

الوزن ..\ 55 كلجم ( اتوقع ان نصها شحوم بعد )

الطول ..\ 176

الحاله النفسيه : جداً مترديه بسبب الجسم


اسئلتي

هل ممكن اني ابني جسمي ويصير مشدود ومقسم ؟

يقولون مو كل الناس ينفع معهم الحديد .. يعني مو اي واحد يقدر يبني جسمه بالحديد .. هل هذا صحيح ؟

هل صحيح انه مثل مايقولون .. قبل لاتلعب حديد لازم يكون جسمك خالي من الدهون ( جلد وعظم وعضل بس ) ؟

الشحوم اللي في منطقة الصدر هل هذي مستحيل تنحرق ؟

كم المده المتوقعه للوصول للهدف اللي ابيه بناء على جسمي ؟
( ملاحظه انا ما استعجلت بس ودي اعرف )

هل لازم اسجل في نادي ولازم يكون فيه مدرب ؟ ام اشتري لي اجهزتي واحطها بالبيت واتعلم من الكتب والنت واتدرب ؟

هل فعلا يقولون ان مدرب الحديد مايلتفت للمبتدئين ولا يعطيهم وجه ؟

هل صحيح اذا لعبت حديد وتركته يصير جسمي اسواء من اول ؟

سؤالي ليه المنتدى هنا مهتمين بالمنشطات مع انها خطره كما يقال ؟

هل اقدر ابدى في رمضان ؟

الصراحه ابي خبير يجاوبني على الاسئلة
وابيه يعطيني نصايح وارشادات ومواقع تعليميه وكتب اتثقف منها قبل لا ابدا بالحديد

انا تلميذكم

ويعطيكم الف الف عافيه

[Krato0oS]

اخوي مافي شي مستحيل .. راح تقدر تحقق الي تبيه اذا التزمت

اول شي انت عندك دهون بجسم حوال 18% لان طولك 176 ووزنك 55 .. لازم توصل الى 8 % يعني تتخلص من 10 %

انت تحتاج انك تاكل اكل صحي ومقسم على 5 او 6 وجبات يعني تاكل كل 3 ساعات ( اكل بسيط يعني ما تشبع )
ويكون فيه كاربوهيدرات و بروتينات ودهون ( دهون اساسيه : تكون موجوده بزيت الزيتون وبعض المكسرات كالوز ) ابتعد عن الدهون المشبعه الموجوده بالاطعمه الدهنيه والماكولات السريعه والمشروبات الغازيه

ثانيا طبعا هذا مو صحيح يعني عادي تلعب وانت عندك دهون ..

بالنسبه للشحوم الي بمنطقه الصدر انا بنظري انك لما تلعب صدر تخلي الصدر 4 جولات والجوله الخامسه تكون وزن خفيلف حيل .. ويكون 15 عده انشالله تحرقها

طبعا المده بالتزامك اما بخصوص النادي هذا شي يرجعلك اذا انت مقتدر ماليا وعندك مكان بالبيت تقدر تسويلك جم بالبيت وتتثقف وتخلي احد من صحابك يلعب معاك يكون افضل عشان تتساعدون وتتشجع .. اما اذا كان النادي قريب منك وتقدر تروحله ليش لا


بخصوص المدرب .. ياخي هذا طبيعه انسان كل انسان يختلف عن الثاني وبكل مكان تلاقي الشين والزين

وبالنسبه اذا انت بنيت عضل صافي ولعبت صح صدقني لو تترك سنه ماراح يتغير شي ولو تبدي تلعب من اول تحس من اول اسبوع جسمك شد ووصل لمرحلته السابقه

بالنسبه للمنشطات انا انصح بالابتعاد عنها اي شي فيه لعب بالهرمونات وخر عنه .. يعني احنا نلعب عشان صحه الجسم مو عشان نخربه .. وانت تقدر تلعب بشهر رمضان ليش لا بس على شرط انك تلتزم باكلك وتلتزم بالتمرين .. واهم شي الاكل وانشالله جاوبتك على كل اسئلتك

[عـزيـزونا]

Krato0oS

يعطيك العافيه والله على الرد السريع

اثريت معلوماتي


انتظر اراء باقي الاخوان

[عـزيـزونا]

معليش بس وش معنى الكارديو

وشي الجلسه او الجوله

وماهو التكرار ؟

يعطيكم العافيه