تـماارين الـشاامل ... سؤااال .. ارجووووكم ...

[Kuwaty]

كيف حالكم شبااااب ...

اناا صاارلي شهر بالناادي كنت داايماا العب شاامل ماكنت اخصص يووم صدر او يوم ظهر

لا كنت العب شاامل والحين انا داخل عالشهر الثااني في ناس قالو الشهر الثاني الحين لازم

تخصص لكل يوم تمرين .. وفي ناس قالولي خلك على الشامل ...

انا احس ان الشاامل اسهل لأن انا احس بصعوبه لما اطلع اجهزه الباي مثلا او اجهزه الصدر

فلما العب شامل احس اسهل لأني اشتغل على كل الاجهزه و على عدد من الجولات ...

فيااليت تنصحووني ...

اقدر اواصل على الشاامل للشهر الثااني او لازم اخصص كل يوم تمرين ...

ارجوو الافاااده منكم ارجوووووووووكم



وشكراا لكم ...

[rachidworld]

لم تتمرن شامل العضلة كم من مرة بتتمرنها في الاسبوع ?

وكيف هو برنامجك الشامل هل فيه راحة بين حصص التمرين

[Kuwaty]

يعني قصدي بالشامل اخي العب العضلات ككل في يوم وااحد

يعني مثلا انا جدولي ...

السبت شاامل

الاحد شاامل

الاثنين رااحه

الثلاثااء شاامل

الاربعااء شاامل

الخميس شاامل

الجمعه رااااحه

الشامل المقصوود منه التمرن على كل الاجهزه ولكل العضلات يعني ما اخص يوم ظهر و يوم تراي و صدر

اتمنى تكون وصلك التوضيح

[Sultan Sam]

اخوي على حسب علمي والله اعلم

انا اول مادخلت النادي قعدت اسبوعين العب شامل

الين جات القوه الخفيفه للعضلات ومن ثم بدات انظم التمارين

يعني يوم صدر باي - ضهر وتراي وهكذا وهاذا الكلام اللي قالولي ياه المدربين

اسبوعين شامل تفكي وابدا نظم بأوزان خفيفه مو شرط ثقيله ..

اتمنا اكون افدتك

تحياااتيـ

[Sultan Sam]

اخوي على حسب علمي والله اعلم

انا اول مادخلت النادي قعدت اسبوعين العب شامل

الين جات القوه الخفيفه للعضلات ومن ثم بدات انظم التمارين

يعني يوم صدر باي - ضهر وتراي وهكذا وهاذا الكلام اللي قالولي ياه المدربين

اسبوعين شامل تفكي وابدا نظم بأوزان خفيفه مو شرط ثقيله ..

فانت داخل على الشهر الثاني .. مره الوقت طويل يعني لو نظمت

كان راح تستفيد اكثر من الشامــل

اتمنا اكون افدتك

تحياااتيـ

[Krato0oS]

اول شي .. اذا كانت هاذي اول مره تلعب فيها حديد يعني اكيد لازم تقعد اسبوع شامل على اقل تقدير عشان تهيأ العضلات اما بالنسبه لو كنت تلعب من قبل وقطعت وبترجع فا اعقتد ان ايام كافي تلعب على كل الاجهزه

بالنسبه لك الحين انا شايف ان شهر واااايد كافي بس حبيت اسألك .. دخلت اوزان ؟ يعني بتشيل اوزان معقوله ؟ ولا ليلحين اوزان خفيفه

الحين انت تلعب شهر يعني لازم تدش جدول لانك جذيه انت قاعد تتعب لاعضلات تخيل انت شهر كامل قاعد كل يوم تلعب صدر !!! وكل يوم تلعب باي وكل يوم تلعب تراي

هذا كله يتعب العضلات انت لازم الحين تخصص جدول لك .. هذا الرابط راح يوضحلك الجداول الي تقدر تستخدمها شوف انسبلك والي ترتاح فيه واتبعه :
http://www.montada.com/showthread.php?t=514566

بالنسبه للاجهزه .. الاجهزه ماراح تسويلك شي العضله تتجاوب مع اللعب الحر يعني حاول تلعب حر اكثر ومافي ضرر اذا نوعت يعني مثلا اذا كان عندك اول يوم من هالاسبوع صدر ووصلت عند تمرين التجميع راح تلعب حر الاسبوع الي وراه العب تجميع جهاز فراشه .. يعني باختصار في بعض التمارين تقدر تنوع فيها بس لازم تبلش تلعب حر وتدش جدول عشان عضلتك تستفيد

انشالله اكون افدتك

[Kuwaty]

شكراا لك اخوي على الرد

انا كنت لعبت شهر حديد شاامل بعدين قطعت اسبوعين و الحين جددت الاشترااك

اناا ودي اخصص لكل يوم عضله .. لكن المصيبه اني ما اعرف افرق بين الاجهزه

يعني ما اعرف افرق ان هالجهااز باي و لا ترااي و لا صدر و لا ظهر ولا اكتااف

يعني انا سويت جدول اول يوم صدر و باي لكن ماني عارف بالضبط اجهزه الباي

والصدر يعني مثلا انا شاايف اجهزه كثييره جداامي فصعب علي كمبتدأ اني افرق بين

الاجهزه يعني انا ما اعرف الاجهزه ....

لما تقولي طلع اجهزه تلعب للصدر و البااي احتاار صعب اطلعهم يمكن لأني ما اعرف


اليوم لما سألت المدرب عن تمارين للصدر قااالي هذي الاجهزه وكانو ثلاث اجهزه بس

قلتله شنو بس هذوول حق الصدر يعني اذا خلصت ثلاث جولات لكل جهاااز بعدين اطلع

مافي اجهزه للصدر الا ثلاث فـ شنو اسوي في هالحااله .....



اما اذا انا اشيل انا اشيل اوزاان معقووله بالنسبه لحجمي يعني 20 الى 30 كيلو ما ادري اذا الوزن زين ولا لا ...




شكراا لك على سعه صدرك معاي

[Krato0oS]

ما عليه اهوا مع الوقت والتكرار انت راح تعرف هذا الجهاز يسوي شنو بس الاهم انك تعرف هذا التمرين شنو الفايده منه يعني مثلا تمارين الصدر لو دشيت جدول بيكون جذيه ..
1 - بار مستوي - 2- بار مرتفع - 3- دامبل مستوي - 4- دامبل مرتفع -5 - تجميع ( جهاز فراشه او دامبل )
يعني هذا جدول اساسي بالصدر وتمارين اساسيه فهمت قصدي يعني انت لما تعرف كل عضله وتعرف شنو لعبت الاسبوع الي فات راح تعرف شنو تلعب هالاسبوع

[Kuwaty]

اي اخوي امس عطوني ورقه فيهاا تماارين شهريه و ليست شاامله

ومقسم على كل يوم عضله

هذا اهو الجدول اللي عطوني اياااه

اليوم الأول : صدر + تراي + بطن

اليوم الثاني : ظهر + باي + بطن

اليوم الثالث : كتف + أرجل + ترابس + سواعد + بطن

اليوم الرابع : صدر + تراي + بطن

اليوم الخامس : ظهر + باي + بطن

اليوم السادس : كتف + أرجل + ترابس + سواعد + بطن

بس المصييبه اناا ما اتمرن على الدامبل فـما اعرف شلون طريقه الدامبل للصدر او التراي او للبااي

طريقه استخدام الدامبل للصدر و الظهر و الاكتاف و البااي و الترااي ما اعرف استخدمهاا

انا لما يقولي المدرب هذي اهي اجهزه الصدر اشتغل على كل جهااااز 3 جولات ما عندي مشكله

لكن الصدر مو كله على الاجهزه الثلاث هذوول لان في تماارين بدامبل هذي اللي اناا مو عاارف طريقه استخدامهااا و كل عضله طريقه تمرينهاا بالداامبل

اتمنى اني ما اكون اذيتك معااي

تسلملي و الله

[Kuwaty]

الحمدلله اخووي كرااتووس انحلت المشكله تقريبااا

حصلت على موقع يوضح كيفيه ادااء تماارين كثييره على حسب كل عضله

http://www.exrx.net/Lists/Directory.html

وسااعدني كثييير و الحمدلله عرفت كل جهااز و فاائدته و على اي عضله يشتغل

وانشاااله بداايه الاسبووع اليااي رااح ابدأ في الجدول اللي سويته

السـبت : صدر + تراي+ بطن
الاحد : ظهـر + باي + بطن
الاثنين: رااااااااااااااااااااااااااااحه
الثلاثاء: كتوف + أرجل+ ترابس + بطن + مساعدات
الاربعاء : صدر + تراي+ بطن
الخميس : ظهـر + باي + بطن
الجمعه : رااااااااااااااااااااااااااحه

اتمنى تعطيني رأيك فيه ... طبعاا الكارديو او المشي على الجهااز او الدراجه ضروري كل يووم من ربع سااعه الى ثلث سااعه قبل ما ادخل عالحديد ..

و سؤاال بسيط : هل التمارين الحره للصدر مثلا او الباي و التراي تفييد اكثر من الاجهزه ؟ يعني التمرن بالدامبل مثلا او الباربل ...

ومثلا سويت الجدول هذا لمده اسبوع لما يخلص الاسبوع ابدأ نفس الجدول ولا اغير ؟ اذا يصير نفس الجدول اتم عليه احسن صح ؟

شكراا لك اخوي كراتووس على سعه صدرك معااي

والحمدلله تعبك ما ضاااع بلاش ...

[Kuwaty]

وينكم شبااااب خاصه كراتوووس

ارجووو تردوون على استفسااري هذاااا


السـبت : صدر + تراي+ بطن
الاحد : ظهـر + باي + بطن
الاثنين: رااااااااااااااااااااااااااااحه
الثلاثاء: كتوف + أرجل+ ترابس + بطن + مساعدات
الاربعاء : صدر + تراي+ بطن
الخميس : ظهـر + باي + بطن
الجمعه : رااااااااااااااااااااااااااحه

اتمنى تعطيني رأيك فيه ... طبعاا الكارديو او المشي على الجهااز او الدراجه ضروري كل يووم من ربع سااعه الى ثلث سااعه قبل ما ادخل عالحديد ..

و سؤاال بسيط : هل التمارين الحره للصدر مثلا او الباي و التراي تفييد اكثر من الاجهزه ؟ يعني التمرن بالدامبل مثلا او الباربل ...

ومثلا سويت الجدول هذا لمده اسبوع لما يخلص الاسبوع ابدأ نفس الجدول ولا اغير ؟ اذا يصير نفس الجدول اتم عليه احسن صح ؟

شكراا لك اخوي كراتووس و بقيه الاعضاااء على سعه صدركم معااي

والحمدلله تعبكم ما ضاااع بلاش ...

[Krato0oS]

جدول جميل وزين اذا كنت مبتدأ وفي فترتين راحه يعني كل شي اوكي .. الدامبل اخوي طبعا احسن من الجهاز
هذا شي معروف .. وانا قلتلك اذا مثلا هاذي المره لعبت جهاز المره الجايه لما تبي تلعب نفس التمرين العب حر
( دامبل) يعني والمره الثالثه ترد مره ثانيه جهاز يعني تنوع عشان عضلتك لا تتعود على شي معين وثابت
انشالله اكون افدتك