خبر عاجل تم فك شفرة bluray

[rare games]

ما يضرك شي لو نزل

يعني مو اجباري تشتري كوبي
انت وراحتك
خذ إلي تريد
اشتري اصلي

خلي الكوبي لأصحابه

ما فية احد بيضربك على يدك تشتري كوبي .......!!

" ويا دار ما دخلك شر "

لا راح يضرنا اول شي سلم على مبيعات السوفتوير PS3 الملتي والحصري ايضاً

الي راح تضرر بشكل كبير فوق ما هي متضرره حالياً

[جنغر]

واذا فكت الحماية راح نخسر قرابة 300 \ 400 ريال لتعديل الجهاز ، وبعد التعديل نخاف نخش الاونلاين لان سوني ببتدارك الوضع وبتصك نظام الباند ، وما اظن احد مستعد يضحي باونلاين mgo و cod4 والبقية و زد على ذلك التضحية بمحتويات الستور وباتشات التصليح ...الخ ... ايضا غير خوفك على جهازك من العطل بسبب العبث فيه . زد على ذلك حرمانك من مميزات التحديثات اللي تنزلها سوني .

واجد هه ؟

عين الصواب اخوي شادو
زد على ذلك ان نفس القرص فاضي قيمته 70 ريال يعني اذا صارت اللعبة منسوخة يعني راح سعرها 001 ريال او اكثر يعني زد عليها 100 وخذ اصلي والعب اون لاين
وانا ما لعبت الاون لاين الا في الPS3 COD4 واللعبة لو اني شاريها ب500 ريال ما تحسفت
وهذا رايي ولن اجبر احد على اخذه

[BIG BOSS]

واذا فكت الحماية راح نخسر قرابة 300 \ 400 ريال لتعديل الجهاز ، وبعد التعديل نخاف نخش الاونلاين لان سوني ببتدارك الوضع وبتصك نظام الباند ، وما اظن احد مستعد يضحي باونلاين mgo و cod4 والبقية و زد على ذلك التضحية بمحتويات الستور وباتشات التصليح ...الخ ... ايضا غير خوفك على جهازك من العطل بسبب العبث فيه . زد على ذلك حرمانك من مميزات التحديثات اللي تنزلها سوني .

واجد هه ؟

كلامك فية فكرة جميلة

لا تستبقوا الاحداث ..... الهاكنج راح يحصلوا لهذي المشاكل حل

[BIG BOSS]

لا راح يضرنا اول شي سلم على مبيعات السوفتوير PS3 الملتي والحصري ايضاً

الي راح تضرر بشكل كبير فوق ما هي متضرره حالياً

لكل حادثتاً حديث ....

[Lonely Hunter]

للحين على سوالف كوبي و هكر للـps3 -__-

اللي يبي الرخيص يشتري البوكس

يعني لازم 20 لعبه بالشهر يالله تقدر تستمتع بالجيمز

[rare games]

للحين على سوالف كوبي و هكر للـps3 -__-

اللي يبي الرخيص يشتري البوكس

يعني لازم 20 لعبه بالشهر يالله تقدر تستمتع بالجيمز

كله من الاخ يورو

عور روسنا كل يوم والثاني يجيب خبر fake وموضوع ماله فايده وكله عن الكوبي

[Lonely Hunter]

^
اي والله

يعني خلاص الحين اكثر الناس اقتنعت بالاصلي على ps3 و اعرفت مميزاته من اون لاين و محافظه على الجهاز و ايضا يأتيك كاملا و ليس ملعوب فيه

ماتقدر تشتري جديد اخذلك مستعمل

ايام البلي2 كنت اتحصل شريط "اصلي" مستعمل..مستحيل ماتحصل بسبب الكوبي

الحين مكودين و باسعار زهيده ..على 7 و 8 و بالكثير 10 دنانير

[The Shadow]

صحيح والله ، تصدق شرينا Pro Street و Ratchet Tools of Destruction بـ 100 ريال بس ( 10 دينار ) !؟ وكانوا من انظف ما يكون .

الحمدالله الان انتشرت ثقافة استعمال الاوريجنال بين اغلب المستخدمين للجهاز ، وهالشي عاد علينا بالكثير من النفع ، لو تشوفوا الشركات الكبيرة بدات تنظر لسوق الشرق الاوسط بنظرة جادة وبدات تبذل جهود لجذبنا مثل معرضي الالعاب اللي اقيما في دبي و معرض sony gamers day المقام حاليا بالرياض .

[Lonely Hunter]

^
فعلا ..بدت تتغير نظرة سوني للمنطقه بسبب ارتفاع مبيعات العاب "الاصلي" و يمكن في المستقبل بنشوف ترجمه عربيه و منيووات عربيه داخل الالعاب المستقبليه القويه (و ليس كلعبه سيئة الذكر P: )..مع اني ماراح استخدمها لاني افضل الانجليزي بس اكيد في ناس بتفضل الترجمه العربيه خاصه بالكات سين

---

100 ريال = 7 دنانير ...بس اتصدق اني حصلت هاللعبه جديده ب10 دنانير (شريتها شهر 8) نسخه اوروبيه