14 ديسمبر...يوم تاريخي لجهاز الـps3

[Lonely Hunter]

نعم

في هذا اليوم سيكون اول عرض لاحدى اقوى الالعاب المرتقبه على الكونسول




انها God Of War III

هل ستكون اللعبه قد التوقعات

هل ستظهر القدرات الحقيقيه للـps3 اللتي لطالما سمعنا عنها

لننتظر الى الرابع عشر من ديسمبر لنعرف الاجابه

---

و في هذا اليوم ايضا سيتم عرض اخر لـuncharted 2


المصدر


-----

الصراحه ...2009 بتكون سنه اسطوريه للجهاز

kill zone 2
uncharted 2
god of war 3
heavy rain
white knight chronicl
ff 13 (اليابانيه اتوقع بتنزل 2009)
isomeniac next game

و غيرهم من الحصريات

و هذا غير العاب الملتي

بس ناقص سوني اترخص من سعر جهازها و بنرتاح من ازعاج xbox fanboys

[Yamato]

ما اظن انه يحتاج انه نقلق بخصوص جود اوف وار..

كل اصدار لها يتفوق على اللي قبله.. اللعبة وراها ناس على مقدرة من تحسينها في كل مرة.. مثل ميتل جير..

هل في اي خبر عن وجود التروفيز بها.. << شي بيهتم له محبي التروفيز

تسلم عبدالعزيز!

[Lonely Hunter]

هل في اي خبر عن وجود التروفيز بها.. << شي بيهتم له محبي التروفيز

لوول
لأ مافيها P:

الحين خل تطلع صور للعبه على شان اتفكر بالتروفي

بس قريت ان من بداية 2009 بتكون كل الالعاب فيها تروفيز

الا يمكن اللي تعاند و ماتحط P:

[عاشقOnimosha]

بس ناقص سوني اترخص من سعر جهازها و بنرتاح من ازعاج xbox fanboys
^^
لا يا الحبيب انا مستعد أشتري جهاز البلاي3 وبالسعر الحالي
ولكن فقط وفقط فقط إذا بينزل..(الكوبي)..على الجهاز
وشكرا

[Matso]

يا جماعة تعوذوا من ابليس ..

ماني مفتي بحرام أو حلال لأني لست من كبار المشايخ .. و إنما بتكلم من باب اني مسلم لديه غيره على دينه ..

يا جماعة .. يقولون لك هالشخص الله .. أو هالوحش هو الله ..

من باب التنزيه .. المفروض انك تترك هاللعبة .. لان أصلا انت قاعد تدعمهم و تشجعهم بشراءك لهذه اللعبة .. فيزيد التطاول أكثر وأكثر ..

انا عارف ان انتوا اللي يهمكم فيها فقط الإثارة و الأكشن و اللعب بشكل عام .. مالكم علاقه بالقصه ولا شي .. لكن مثل ما قلت لكم .. ليش ما يطرحون ألعابهم بدون ما يمسون الله أو الرسول أو الإسلام بصورة عامه ..

لازم ينتهون عن هالشي .. يقدرون ينزلون احلى لعبة .. بدون ما يحطون فيها هالشغلات ..

لازم نعلمهم ان في خط احمر .. كلنا ما نرضى انهم يتجاوزونه ..

[الفتاة المشاكسة]

^^
لا يا الحبيب انا مستعد أشتري جهاز البلاي3 وبالسعر الحالي
ولكن فقط وفقط فقط إذا بينزل..(الكوبي)..على الجهاز
وشكرا

لا و الف لا للكوبي
ما صدقنا بس سوني قامت تهتم بالمنطقه العربيه (واكبر دليل المعرض في الرياض قبل كم اسبوع ) تبيها تنسانا مره ثانيه !!
لا مستحيل ان شاء الله الـCoby لم و لن ينزل

و مشكور اخ عبد العزيز على الخبر و لو اني ما لعبت اللعبه بس صاير عليها فوضى واجد
يترى هل صحيح ان القصه فيها مساس بالدين الى هاذي الدرجه ؟
اقصد ان كلمة God تعني اله يعني مو شرط قصدهم رب العالمين و شي ثاني هاذي مو اول لعبه يتم التطرق فيها لموضوع الآله
على سبيل المثال و ليس الحصر Onimusha تحدثت عن الاله في كل اجزاءها و حتى في آخر جزء كان عليك قتل آله النور و مع ذلك اللعبه ما طلع عليها كلام و لا احد حرمها ...
ليش يعني التحريم على العاب دون غيرها ؟؟

[dro]

كنت متوقع من ها الردود خاصة بعد ما شفت مان اوف وور . . . . .

يا جماعة ملينا ! . . تعرفو معنى الملل ؟ . أنا ما لعبت ولا جزء ! . . بس صارت عندي حالة نفسه كل ما جاء طاري اللعبة طلعو عندنا ها الأعضاء وتكلمو بنفس الكلام راح ياصل الموضوع 23 صفة بنفس الكلام و الأشكال ! . . الـــــ games مو معتمد على ها اللعبة بس ! . . فكونا عاد !!!

ليش يعني التحريم على العاب دون غيرها ؟؟

الله يسلمك الضجة الي صارت من الألعاب من بعض الي يكتبو في الجرايد الي والله هم هناااااااك و الألعاب هناااااااك ! . . ومن بعد ها الكتاب طلع لنا برنامج 99 الي كان يعجبني لكن من بعد حلقته الغبية عن الألعاب وحطو الي يلعبون ها الألعاب يتاجر با المخدرات و يروح يزني حتى لو كان في اخته !!؟ . . وجايبن ضيف دكتور نفسي و وضيف ثاني والله العظيم ما يدرون أي شي عن الألعاب لو تسئلي أيش شركة ويينج اليفن راح يسو كذا ----> (وشي ها الشركة ..... ؟ ) . . وتكلمو عن مان اوف وور ليييين قالو بس وجابو العاب كلمة غبية قليلة عليها ! . . المهم برنامج 99 يعجبني في حلقاته عن المخدارات والعمالة ومشاكل المجتمع . . لكن حلقته عن الألعاب ( جهل × تخلف × %^$#@! ) !

وشكرا على طلب الصداقة اختي =)

uncharted 2
white knight chronicl
ff 13 (اليابانيه اتوقع بتنزل 2009)

لو كان عندي الجهاز كان ها الألعاب هم افضل شي افكر فيهم وطبعا الأخيرة ما يحتاج لها تفكير

[عاشقOnimosha]

لا و الف لا للكوبي
ما صدقنا بس سوني قامت تهتم بالمنطقه العربيه (واكبر دليل المعرض في الرياض قبل كم اسبوع ) تبيها تنسانا مره ثانيه !!
لا مستحيل ان شاء الله الـCoby لم و لن ينزل

و مشكور اخ عبد العزيز على الخبر و لو اني ما لعبت اللعبه بس صاير عليها فوضى واجد
يترى هل صحيح ان القصه فيها مساس بالدين الى هاذي الدرجه ؟
اقصد ان كلمة God تعني اله يعني مو شرط قصدهم رب العالمين و شي ثاني هاذي مو اول لعبه يتم التطرق فيها لموضوع الآله
على سبيل المثال و ليس الحصر Onimusha تحدثت عن الاله في كل اجزاءها و حتى في آخر جزء كان عليك قتل آله النور و مع ذلك اللعبه ما طلع عليها كلام و لا احد حرمها ...
ليش يعني التحريم على العاب دون غيرها ؟؟

بالنسبة للكوبي...(كل واحد وله رأي..وكل واحد له فلوس !)
+
أنا لاعب جميع أجزاء الاسطورة Onimosha مافي أبدا بالمرة من الكلام يلي تقولينه!

[الجام العربي]

إلى الإخوان الذين يسألون سبب تحريم اللعبة دون غيرها

كل هذا من اسم اللعبة!!

اسم اللعبة لا يليق بنا كمسلمين!

أتمنى من كل قلبي تغيير اسم اللعبة وتغيير مجرى القصة وابقاء اكشن اللعبة كما هو

[Sparta Ghost]

لا تنسوا بعد infamous هذي من اوائل الالعاب في اللسته حقتي .

kill zone 2
uncharted 2
god of war 3

هالثلاثي والله حريقه في اشد الانتظار حق هالثلاثي .
و بغى اشوف عرض جود اوف ورر ابغى اشوف جيم بلاي اللعبه ما بقى عليها شئ و للحين ما نزل عنها شئ . ليكون بيسووا زي gta محد شاف الجيم بلاي إلا لما نزلت .
انا عندي في top list لسنة 2009 god of war ما اتوقع واحد بيخترب دينه لما يلعبها حتى الجاهل يشوف قصتها ما يصدقها . .

[ERGO PROXY]

انشاء الله يكون قيم بلي
او لقطات صغيره نقدر نشوف الرسم فيها

[كركر 10]

ياجماعه ,,


في احد يعرف موعد عرض god of war 3

اتمنى الاجابه على السؤال ,,

[XORO]

الحين الريال فاتح موضوع بيخبركم ان فيه عروض جاية لاقوى الالعاب وكل واحد جالس يفتي او يتعصب للكوبي

اللعبة طبعا تحتوي على ما يخالف عقيدتنا الاسلامية والديانات السماوية الاخرى لكن هذه مجرد سرد لقصة يونانية
مثل ما كانوا يعلموننا عن الهة اليونان في كتاب التاريخ لما كنا في صف 2 ثانوي ليش ما علمونا اياه لما كنا في صف 2 ابتدائي ؟؟؟؟

المغزى ان صاحب الايمان الضعيف وهم كثر الوحيدون من سيتأثر بهذه اللعبة

وشكرا لصاحب الموضوع

على فكرة بعد ما تنزل اللعبة بترجع لنا مواضيع ( لعبة بطلها يقاتل الله )

[the fantasy man]

شي عجيب.... ما تلاحظون كلام هيب هوب قيمر نصه صح.!!!

بس في سؤال يطرح نفسه.... نعرف ان الps3 راح تجيه كل الالعاب العجيبه هذي
المساكين xbox360fanboy شنو راح يجيهم؟؟؟

اما عن اللي يقول god of war 3 حرام.....
انا ما لعبت الاول و الثاني لخوفي انه حرام..... كان صاحبي يلعبه و كان ينصحني اني العبه بس ما رضيت.... و نصحته يتركها و لا يلعبها




الحين متحسف كثر شعر راسي ان ما لعبتهم

[skith]

شباب بالنسبه لتحريم اللعبه سبق وان طرحت عدة مواضيع عن الجزء الاول والثاني وما نبغى نتكلم عن هالشي مره ثانيه.
اشكرك يا عبد العزيز على ما قدمت ومنك نفيد ونستفيد وتقبل مروري
تحياتي
سلام