ال360 جهاز ناجح !

[FARES360]

ما يحتاي اذكر او اييب ادله .. لكن فتحت هالموضوع مع الخبر اليديد الي نازل اليوم في teamxxbox .. يقولك انه ال360 للأول مره سوا هالقفزه في اوربا بالأخص..
حيث باع 7 مليون في نوفمبر.. ويذكر انه مبيعاته من قبل كانت 23 مليون.. اذا ما خاب ضني
نرجع لي ورا ويا اول جهاز نزل من مايكروسوفت.. كانت خطوه خطره من شركة يديده تدخل بين
الشركات مثل العريقه نيتندو وسوني الي اثبت جدارتها في سوق الألعاب بجهازها الثاني على التوالي البلاي 2 ..برغم من قدم شركة نينتدو الا انها لم تقدر ان تنافس سوني.. وهالشي تغير في هالجيل
تراجع سوني 3 الى الثالث وقفزه ساحقه للنيتندو بشكل محد كان يتوقع ..وفي هالجيل مايكروسوفت
اثبت للشركات انه قادره على المنافسه ! , الحين هذا مو موضوعنا بس سويت استرجاع معلومات فقط .. الموضوع اساسه كالعاده ..التصويت الا اذا حاب تتفلسف شوي معانا .. حياك!
الجهاز له اسباب كثيره في نجاحه .. لكن ابيك تختار سبب واحد رئيسي ! من اعتقادك فقط ..

[meshofesho]

اعتقد ان الاسباب التي ذكرتها جميعها سبب نجاح الـ360

لكن الفترة الاخيرة السبب الاقوى رخص سعر الجهاز بشكل مو معقول

[Sanabsie]

هلا
بالنسبه لي كثرت الاعاب الحصريه ورخص الاعاب الاكس بوكس بعكس العاب البلاي الاصليه توص ل500 اما الاكس اول ماينزل ب220

[Ice Moon]

لاتنسى الجهاز نزل مبكر اول الاجهزة ولولا الريد لايت في البداية كان سحق الجميع وثانيا الالعاب الكثيرة المتوفرة ولاننس ان ننتيندو والوي ليس منافسين بل تسير مع الباقين ولاتتقاطع معهم بل تسير مع اي جهاز بخط متوازي

[STING UK]

خدمةاللايف
وريد لايت الي كان عيب الجهاز صار الورقة الرابحة في مبيعات الجهاز!

[kingx11]

اعتقد الدعايه القويه للجهاز هي اقوى سبب , والاسباب الباقيه مكمله لنجاحه مافيه سبب واحد مطلق

لكن برايي الجهاز بيفقد دعم المطورين مستقبلا لاسباب معروفه وبينزل تدريجيا للمركز الثالث لان مبيعاته احتمال كبير تنحدر من منتصف 2009 وطالع , الجهاز هذا بالذات مستوا فالسوق غامض وغير متوقع على عكس الاجهزه المنافسه اللي مستواها ثابت باتجاه واحد

[ERGO PROXY]

انا اشوف انه السبب في نجاح الجهاز هو الالعاب الحصريه وبصراحه تحس كل فتره في لعبة قويه تنزل عكس الاجهزه الاخرى

[Max Kane]

خدمة اللايف من اكثر اسباب نجاح الجهاز ويليها سعرها الرسمي الي طاح بشكل ملحوووظ وبعد اجهزة الكوبي

يعني مايكروسوفت رابحة من جميع النواحي لانها تحصي بعدد الاجهزة وليس بالالعاب اهم شي الجهاز ينباع

حتى انه صارت شعبيته اكبيرة ومنافسة وخصوصا انها اكثر الاجهزة بأسباب مقنعة للشراء بحصرياته ومواصفاته المغرية

وحتى انه جهاز ملتيميديا رائع بحيث انك تقدر تأجر افلام او تشتري العاب وانت في بيتك وخصوصا الملاااااين الي مشتركين بخدمات اللايف والي الاشتراكات الي تكلف ايضا ولا تنسى dlc والاكسسورات مثل السماعات كنترول الخ ............

هذا كله مخطط له صح من قبل مايكروسوفت فهم لاعبينها صح بحيث نسبة الخسارة مراح تأثر عليهم اهم شي يبيعون الاجهزة وبصراحة ما استغرب انه جهاز ناجح وشوف وين وصل من 2005 الى الان

مشكور اخوي على الموضوع

[ShinGundam]

السبب بسيط شوف أي دعاية للعبة مالتي أو حصرية راح تلقى Starts from 199$
هذول هم الكاشول الي سوني محربتهم XD أحسن

[ايوب الحسن]

والله ... انه اشوف انه كمية الالعاب الحلوة مع الحصريات وخدمة اللايف القوية اهي اللي شكلت النجاح للجهاز ،،

[Mr.Tommy]

والله يا فارس باختصار مدام في العاب مثل قيرز وفيبل وهالو حصرية اكيد الجهاز بيوصل للي وصله اليوم, الجهاز بصراحة رووعة من ناحية الالعاب والايف هذه وجهة نظري الشخصية

وشاكرلك على هالموضوع

[أمير الرياض]

فارس كلمة لك شخصياً أعتذر عن الإشراف وقم بتسجيل خروج في المنتدى ولا ترجع تدخل مره ثانية وأنس شيء أسمه منتدى المنتدى و المنتدى العام للإكس بوكس وأرتح مثل ما أنا أرتحت. فقط نصيحة ولو في موقع عربي ممتاز كان نصحتك به للكن لا يوجد!

[FARES360]

فارس كلمة لك شخصياً أعتذر عن الإشراف وقم بتسجيل خروج في المنتدى ولا ترجع تدخل مره ثانية وأنس شيء أسمه منتدى المنتدى و المنتدى العام للإكس بوكس وأرتح مثل ما أنا أرتحت. فقط نصيحة ولو في موقع عربي ممتاز كان نصحتك به للكن لا يوجد!

لوووووووول شدعوه xD
المنتدى صج ميت .. بس ما اقدر اسوي هالشي لول شوف تاريخ تسجيلي =] صعبة شوي ..

[شر شبيل]

من رأيي انا ان سبب نجاح الجهاز هو جودة خدمة اللايف

وكثرة الالعاب الحصريه على الجاهز

وحاليا فيه عروض على الجهاز و هذا سبب في إزدياد مبيعات الجهاز

[tekken1663]

أرى أنه جهاز ناجح من حيث
1 خدمة الايف
2-كمية الألعاب الوفيره والحصريات