السلام عليكم ورحمة الله وبركاته
أتمنى الجميع يكونون بصحه وخير
قبل كم يوم سمعت بالصدفه برنامج بالراديو على إذاعة الرياض ... اسمه ( ردة فعل )
فعجبني البرنامج لأنه يتكلم عن موضوع ( موقف ) واحد
لكن ردود المستمعين تختلف عن بعض
فحبيت انقل فكرة الموضوع للمنتدى ..والمواقف راح تكون من أختياري أو اختياركم
( إذا عندك موقف أرسله لي على رساله خاصه وان شاء الله أضيفه هنا)
الموضوع هو عباره عن موضوع أسبوعي .. اطرح كل أسبوع موضوع ( موقف )
بحيث.. لو كنت في هذا الموقف .. وش راح تكون ردة فعلك .؟
الموضوع ليس موضوع نقاشي إنما عباره عن ردود أفعال لموقف معين
وتختلف ردة الفعل من شخص إلى أخر
/
راح أبدا بالموقف اللي ذكر في الإذاعة على حسب ما أتذكره
-----------
الموقف ( 1 )
انت متزوج منذ فتره ليست قصيرة ... وتتحدث انت وزجتك عن بعض أسراركم
لكن في احد المرات قلت لها سر وشددت عليها ان لاتخبره لشخص اخر.. لأنه سر خاص جدا
وبعد فتره ليست طويله ... دخلت البيت وسمعتها تتكلم ( تسولف ) عنه في الهاتف لأحد صديقاتها
ماذا ستكون ردة فعلك .؟
//
\\
//
\\
راح أبدا بنفسي وأقول ردة فعلي...
راح أخليها تخلص مكالمتها عادي ... وبعد ما تخلص .. اسألها أنا وش قلت لك .؟
أكيد بتتلخبط أو تصرف أو أي حجه ثانيه .. وبتأكيد أنا بزعل واخذ بخاطري
لان الخطاء مو منها الخطاء مني لأني قلت لها سر وهي موب كفو تشيله
وبعدها بكل اختصار ما عاد أقول لها أسرار مهمه أو قويه ...
يعني هذا وأنا سمعتها ..اجل وشلون اللي ما ادري عنه .!
يعني باختصار ممكن أسامحها.. بس ما اضمن ثاني إنها ما عاد تعلم بأسراري ثانيه مره
وعلى قولة المثل لا تعطي سرك لمره ( حرمه..امرأة)
في انتظار مشاركاتكم وردود أفعالكم
( السموحه ما ركزت على الكتابه بالفصحى لاسباب مزاجيه ^^: )
فهرس المواقف :
الموقف ( 2 )
الموقف ( 3 )
تحياااااااااتي
بدون ما اشعر في تأنيب الضمير 
