موضوع كامل للطلبات والاستفسارات .. تمارين .. مكملات .. تغذية !!

[homaid]

الاخ روضان

موضوع الضخامة انت لو تغذيتك زينة وعندك فلوس وتبي تخسر شوي ممكن في بعض المنتجات بتساعدك في موضوع الضخامة فتحتاج إلى

* جينر بروتين بس يكون نوع كويس


تحياتي

الكابتن برساوشحالك
ممكن تعد انواع الجينر الممتازه

[AI_BARCA]

اولاً من الان اعتذر عن التأخير في الاجابات بسبب بدء الكورس والدراسة من جديد لذلك لا اجد الوقت الكافي لدخول الانترنت

الاخ prouder

اولاً النظام الغذائي ثم النظام الغذائي ذو 2000 سعرة حرارية ما اقولك احسبها بالمللي ولكن تقريباً

حيث انك تقسم وجباتك على 5 - 6 وجبات صغيرة يومياً

بعدين تركز على الكارديو اللي هي تمارين الحرق سواء الدراجة او المشي السريع او الجري او السباحة او اي رياضة تحرق سعرات .. لو فرضنا الدراجة او المشي السريع مدة لا تقل عن نصف ساعة على الجهاز .. وتحاول تزيد اسبوع بعد اسبوع لين توصل الى 45 دقيقة

عدم السهر والنوم من 6-9 ساعات يومياً

مع بعض تمارين الحديد خلي المدرب في الصالة يضعلك جدول عادي لتمارين الحديد

لانه المهم حالياً بالنسبة لحالتك الاكل السليم والنظيف + الكارديو

---------------------------

الاخ EVIL KNIGHT

بخصوص العمر دائماً يُفضل ان يلعب الشخص في عمر الـ 18 ورايح لامور عديدة منها مرحلة النمو والتغييرات في جسم الشخص تحت 18 وما إلى ذلك

وبخصوص المكملات يمنع منعاً باتاً على اي شخص تحت 18 سنة استخدام اي مكمل غذائي وهذا التحذير موجود على كل المكملات تقريباً لا بروتين ولا غيره

------------------------------

الاخ JUDYAR

القطع ايام يعني لو تتمرن يومين في الاسبوع بعد تمشي حالك لين تخلص الامتحانات ممتاز

علشان تحافظ على العضل دائماً اكرر البروتين اللازم للعضل والاكل السليم

-----------------------

الاخ حميد بالنسبة للبروتينات الجنر سبق وقلنا من افضل الانواع السيروس ماس والميجا ماس 4000 والترو ماس وهناك انواع اخرى ولكن هذه الاكثر شهرة واستهلاك

تحياتي

[" عبدالله "]

يعطيك العافيه ياكابتن على خدمه الأعضاء .. وانا الحقيقه ماسجلت في المنتدى إلا بسبب موضوعك هذا
لانه ماشالله واضحه خبرتك من ردودك على الشباب .. الله يعطيك القوه والصحه

بالنسبه لي .. ببدا في طولي 168 .. قزم خخخخ .. وزني 58 تقريبا وشوي ..
بدأت في لعب الحديد من ثلاث شهور والحمدلله فيه نتائج مرضيه لحد ما بس يبي لي شغل زياده
جسمي موب معضل .. لكن مقسم وفيه عضلات خفيفه

اليوم شريت cell tech و nitro tech بنصيحه واحد من الشباب وقالي شهرين بالكثير ويبي يصير جسمك مختلف عن حاليا وبشكل كبيرر!! اقصد من ناحيه الضخامه والعضل

انا بيني وبينك ماابغى اكون ضخم لأني قصير.. ابغى جسم معضل ومتناسق وغير نحيف متوسط الحجم

sexy بالعربي

فماادري هل تعتقد إن السيل تيك و النيترو تيك مناسبات لوضعي او فيها خطوره لاسمح الله

وياليت لو تقولي كيف أستخدم السيل تيك .. قبل او بعد التمرين .. وكم مره في اليوم
نفس الشئ كيف استخدم النيترو تيك .. قبل اوبعد التمرين .. وكم مره في اليوم

الف شكر لك ياكابتن مره ثانيه

[homaid]

الكابتن البرسا مشكور على موضوعك
بخبرك تجربتيه وشوف المشكله
انا يوميا الصبح احط في الخلاط موزه وملعقة الشاي الكبيره من العسل وملعقةفول سوداني 3ملاعق شوفان وملعقة لوز مطحون وحليب 500ملل قليل الدسم وسكوب سيريوس ماس ومره ميجا ماس وخلطه ومن عقب يوم اصبه في الكوب يمزر تقريبا 3 اكواب وربع الكوب واشربهن كلهن لكن من عقب هذي الوجبه حتى ماروم اشرب ماي لين الساعه 11 الظهر وان قول شربت البروتين الساعه 6 الصبح لين الساعه 11 يعني تقريبا 5ساعات ما اقدر اكل شي وحتى مرات اسرب قلاصين والثالث ينعق في الزباله الله يعزك ويعز المشاهدين والقارئين شورايك وشو نصايحك كابتن

[AI_BARCA]

الاخ " عبدالله "

شكراً لإطرائك واهلاً فيك بأي وقت

بخصوص حالتك طبعاً اولاً ركز على الاكل السليم وزيد في اكلك وخصوصاً في البروتينات والكربوهيدرات السليمة

بخصوص السيل تيك والنتروتيك طبعاً بيفيدونك ولكن لا تخاف مو بالطريقة اللي في شهرين بيكون اختلاف 180 درجة فالمكملات عامل مساعد وليس عامل سحر

بتلاحظ تغير نعم ولكن تغير كلي لا علشان من البداية ما احبطك ولا اقص عليك في نفس الوقت وتنتظر نتايج خيالية وتتفاجئ بنتايج غير

المهم طريقة استخدام السيل تيك اول خمس ايام فترة التحميل حصة اول ماتصحى من النوم واعتقد الحصة 2 سكوب من الموجود داخله وتقدر تتأكد من العلبة مكتوب عليها .. والحصة الثانية (2سكوب) بعد التمرين مباشرة طبعاً مع ماء دايماً

في ايام الراحة خلال هالخمس ايام تاخذه مرة الصبح والمرة الثانية بعد 12 ساعة من الحصة اللي خذتها

عقب ماتخلص الخمس ايام خلاص بعدين تستخدم حصة وحدة فقط بعد التمرين وفي ايام الراحة تستخدم الحصة الصبح فقط اول ماتصحى

اما بخصوص النترو تيك .. تقدر تاخذه 2-3 مرات باليوم ممكن تاخذه بين وجبة الفطور والغداء وكذلك بعد التمرين وقبل النوم

بس بعد التمرين مثلاً عقب ماتاخذ السيل تيك بـ 45 دقيقة جذيه تاخذ النتروتيك

-----------------------------------

الاخ حميد لو الكمية كبيرة قلل منها خذ نص الكمية وبس

تحياتي

[راعي الكوبرا]

أخي البارسا الله يوفقك ويزوجك اذا عازب وييسر لك جميع امورك كلها يارب ويقويك على الدراسه والتمرين في نفس الوقت .. انا اتاخرت في الرد عليك علشان كنت في فترة التجربة بخصوص موضوع الخلطه السحريه قبل التمرين ههههه جربتها والله ماشي حالها لاباس مزبوووووطه 100% تسلم الايادي ..

اشكرك جزيل الشكر حبيبي ماقصرت

[Freezard]

السلام عليكم
اول شي الف شكر على الجهد الجبار يا كابتن و عسى الله يوفقك دنيا و آخره و ادري كلمات الشكر ما تكفي بس عندي اسئله اول شي لازم معلومات عشان تاخذ خلفية
------------------------------------------------
الوزن : 59 كان 50
الطول :171
نسبة الدهون : اقل من 15% على ما اعتقد (المعدة مقسمه و لكن احتاج شوي شغل بس لأوصلها للperfect )
الفتره الي لعبت فيها : 3 شهور و 20 يوم حاليا
الاكل : 4-6 وجبات يوميا مع المحاوله على الموازنه في الفوايد من الجسم .
المكملات : فقط بروتين ولا اكو نيه ازيد
protein : super gainers fuel
http://www.bodybuilding.com/store/tl/super.html
البعض يقول ان 33 جرام دهون كثير بعد شهرين و 20 يوم من استعماله تقسيم المعده ما راح مع اني ما كنت العب معده , لكن حرق الدهون عندي سريع مشي 5-10 دقايق قبل التمرين للتسخين
قاعد اخذ منه كوب و نص قبل التمرين و كوبين قبل النوم المكمل معطيني حاجتي من البروتين مع الاكل الصح

النتايج : الحمدالله مرضيه الى حد كبير عضلات بارزه و تقسيم و لكن احتاج القليل من الضخامه ابي وزن 64-65 ولا في نيه اوقف انشالله

المهم ما اطول عليك شكلي اذيتك
1-عندي بتمرين اكتاف دمبل الرفرفه الي ترفع دمبلين على جانبيك لتمرين الاكتاف الكتف الايسر فيه عصب مؤلم وقت التمرين هل فيه حل لتقليل الم الاعصاب في بعض التمارين مع العلم و التأكد من تأدية التمرين بشكل صح.
2- في مجال ادش معدة ؟ و بغيت تمارين المعدة لأنه اشوف تقسيم المعده اطمع فيها

هذي اس~لتي فقط و الله يعطيك العافيه

[al3neeed]

السلام عليكم
اول شي الف شكر على الجهد الجبار يا كابتن و عسى الله يوفقك دنيا و آخره و ادري كلمات الشكر ما تكفي بس عندي اسئله اول شي لازم معلومات عشان تاخذ خلفية
------------------------------------------------
الوزن : 59 كان 50
الطول :171
نسبة الدهون : اقل من 15% على ما اعتقد (المعدة مقسمه و لكن احتاج شوي شغل بس لأوصلها للperfect )
الفتره الي لعبت فيها : 3 شهور و 20 يوم حاليا
الاكل : 4-6 وجبات يوميا مع المحاوله على الموازنه في الفوايد من الجسم .
المكملات : فقط بروتين ولا اكو نيه ازيد
protein : super gainers fuel
http://www.bodybuilding.com/store/tl/super.html
البعض يقول ان 33 جرام دهون كثير بعد شهرين و 20 يوم من استعماله تقسيم المعده ما راح مع اني ما كنت العب معده , لكن حرق الدهون عندي سريع مشي 5-10 دقايق قبل التمرين للتسخين
قاعد اخذ منه كوب و نص قبل التمرين و كوبين قبل النوم المكمل معطيني حاجتي من البروتين مع الاكل الصح

النتايج : الحمدالله مرضيه الى حد كبير عضلات بارزه و تقسيم و لكن احتاج القليل من الضخامه ابي وزن 64-65 ولا في نيه اوقف انشالله

المهم ما اطول عليك شكلي اذيتك
1-عندي بتمرين اكتاف دمبل الرفرفه الي ترفع دمبلين على جانبيك لتمرين الاكتاف الكتف الايسر فيه عصب مؤلم وقت التمرين هل فيه حل لتقليل الم الاعصاب في بعض التمارين مع العلم و التأكد من تأدية التمرين بشكل صح.
2- في مجال ادش معدة ؟ و بغيت تمارين المعدة لأنه اشوف تقسيم المعده اطمع فيها

هذي اس~لتي فقط و الله يعطيك العافيه

هلا اخووي .. شوف اذا وصلت لللوزن المطلوب .. أفضل تخلي الجينر وتستعمل الوي بروتين العادي .. وفي انواع كثيرة .. مجرد وجهة نظر ..
تمرين الاكتاف .. اما انك تعمل تمارين اطالة قبل ماتتمرن ( اذا تبي شرح ) .. وتسخن عدل . ..
او انك تقلل الوزن وتزيد تدريجياً .. لان ادري صعب في البداية ها التمرين والأغلب مايعملونه بـ اوزان ثقيلة ..
كيف يعني في مجال ادش معدة .. .. ؟؟ .. يعني انكـ ماتمرن المعدة اطلاقاً .. !! ؟؟
المهم الـ ABs ترمنها 2-3 مرات بالأسبوع .. والـ بطن فيه قسم علوي .. وسفلي .. والجانبي(Oblique) .. ( مشكلة مااعرف اسماء العضلات بالعربي ) .. .. امم في تمارين كثيرة ..

المهم التمارين كلها تاخذها كـ جسلة واحدة .. يعني تلعب علوي وسفلي وجانبي .. وبعدين تريح شوي (10 ثواني ) .. وتبدي تعدي كـ جلسة ثانية

اولاً .. الجزء العلوي ..

Swiss Ball Crunches - 3 sets of 15-20 reps

ثانياً .. الجزء السفلي


Leg Lifts on Decline Bench - 3 sets of 15-25

والجانبي ( Oblique )

Bicycle Crunches - 3 sets to ( حتى الإجهاد )

في تمارين حلووة .. وكثيييررة .. هذا مجرد مثال ..
اهم شي الترركيييييييييز ثم التركيييييز ... يعني مش تحرك راسك ورقبتك ويدكـ
عندي فكرة .. غمض عينك وقت التمرين .. وريح جسمك بالكاامل .. وحاول تركز مع عضلات بطنك .. يعني ان جسمك كله مرتخي بس شد على عضلات البطن .. وثبت في حالة الإنقباض العضلي لمدة ثانيتين .. حس فيها .. يعني 20 تكرار مع تركيز .. افضل من 200 تكرار مامنه فايدة .. كثير من اللاعبين يغفلون عن هذي النقطة ... والمهم تمرنها 2-3 مرات بالأسبوع .. مع الاكل النظيف والسليم . وكارديو مرتين ع الأقل اسوعياً .. ( والله اهم شي الكارديو )
وهذا كل شي .. Good LucK

[Freezard]

هلا اخووي .. شوف اذا وصلت لللوزن المطلوب .. أفضل تخلي الجينر وتستعمل الوي بروتين العادي .. وفي انواع كثيرة .. مجرد وجهة نظر ..
تمرين الاكتاف .. اما انك تعمل تمارين اطالة قبل ماتتمرن ( اذا تبي شرح ) .. وتسخن عدل . ..
او انك تقلل الوزن وتزيد تدريجياً .. لان ادري صعب في البداية ها التمرين والأغلب مايعملونه بـ اوزان ثقيلة ..
كيف يعني في مجال ادش معدة .. .. ؟؟ .. يعني انكـ ماتمرن المعدة اطلاقاً .. !! ؟؟
المهم الـ ABs ترمنها 2-3 مرات بالأسبوع .. والـ بطن فيه قسم علوي .. وسفلي .. والجانبي(Oblique) .. ( مشكلة مااعرف اسماء العضلات بالعربي ) .. .. امم في تمارين كثيرة ..

المهم التمارين كلها تاخذها كـ جسلة واحدة .. يعني تلعب علوي وسفلي وجانبي .. وبعدين تريح شوي (10 ثواني ) .. وتبدي تعدي كـ جلسة ثانية

اولاً .. الجزء العلوي ..

Swiss Ball Crunches - 3 sets of 15-20 reps

ثانياً .. الجزء السفلي


Leg Lifts on Decline Bench - 3 sets of 15-25

والجانبي ( Oblique )

Bicycle Crunches - 3 sets to ( حتى الإجهاد )

في تمارين حلووة .. وكثيييررة .. هذا مجرد مثال ..
اهم شي الترركيييييييييز ثم التركيييييز ... يعني مش تحرك راسك ورقبتك ويدكـ
عندي فكرة .. غمض عينك وقت التمرين .. وريح جسمك بالكاامل .. وحاول تركز مع عضلات بطنك .. يعني ان جسمك كله مرتخي بس شد على عضلات البطن .. وثبت في حالة الإنقباض العضلي لمدة ثانيتين .. حس فيها .. يعني 20 تكرار مع تركيز .. افضل من 200 تكرار مامنه فايدة .. كثير من اللاعبين يغفلون عن هذي النقطة ... والمهم تمرنها 2-3 مرات بالأسبوع .. مع الاكل النظيف والسليم . وكارديو مرتين ع الأقل اسوعياً .. ( والله اهم شي الكارديو )
وهذا كل شي .. Good LucK

السلام عليكم ما قصرت حبيبي
بالنسبه للبروتين انشالله لا وصلت 65 باٍذن الله راح آخذ وي بروتين عادي وجهة نظرك بالبال حبيبي
و تقسيم المعدة بسبب قلة الدهون عندي و اهتمامي بعضلات الأرجل كأي عضله ثانية مما ساعدني في المعدة ما كنت ادش معدة بالمرة كل الناس قالولي انطر لين يزيد وزني ما الومهم اول الايام صراحه كان جسمي كارثه من الضعف منهم المدربين لين اقتنعت (جسمي يحرق الدهون بسرعه كبيره ) الحين وصلت بروز الصدر عن المعدة بس بقسم المعدة بشكل مثالي المعده فيها تقسيم خفيف من الاصل,الكثير من الناس تهمل الأرجل خصوصا و لاٍضافة معلومه تمارين الارجل خصوصا الفخذ تساعد في تنشيف المعده و تحفز الجسم لاٍفراز هرمون النمو للقسم العلوي للجسم ,نرد للمهم المعدة بحاول ادش 3 مرات انشالله و الكارديو كم ادش يعني ربع ساعه مع العلم ما عندي دهون ذاك الزود عشان احرق الكثير من الدهون على العموم الله يعطيك العافيه حبيبي كفيت و وفيت

[روضان]

اخوي ادري كلفنا عليك
لكن انا هالشهر عندي شوية التزامات فراح تكون ميزانية الجيم شوي محدوده هالشهر .. لذلك راح اخذ شغلتين بس مو ثلاث وبغيت رايك اذا اخذت الانابولك والنانو بس راح احصل على نتيجه طيبه ؟؟ ام تنصحني اني استبدل النانو بالبروتين النايترو تك ؟؟ .. يعني بختصار( انابولك هالو ونايترو تك ) او ( انابولك هالو و ونانو فابور ) ؟

[al3neeed]

اخوي ادري كلفنا عليك
لكن انا هالشهر عندي شوية التزامات فراح تكون ميزانية الجيم شوي محدوده هالشهر .. لذلك راح اخذ شغلتين بس مو ثلاث وبغيت رايك اذا اخذت الانابولك والنانو بس راح احصل على نتيجه طيبه ؟؟ ام تنصحني اني استبدل النانو بالبروتين النايترو تك ؟؟ .. يعني بختصار( انابولك هالو ونايترو تك ) او ( انابولك هالو و ونانو فابور ) ؟

بصرااحة .. انصحكـ بـ super pump250 .. رهيب .. عن تجربة شخصية ...
مع النيتروتكـ .. ( chocolate ) .. بيكلفك تقريباً . 520 درهمـ ..

[al3neeed]

السلام عليكم ما قصرت حبيبي
بالنسبه للبروتين انشالله لا وصلت 65 باٍذن الله راح آخذ وي بروتين عادي وجهة نظرك بالبال حبيبي
و تقسيم المعدة بسبب قلة الدهون عندي و اهتمامي بعضلات الأرجل كأي عضله ثانية مما ساعدني في المعدة ما كنت ادش معدة بالمرة كل الناس قالولي انطر لين يزيد وزني ما الومهم اول الايام صراحه كان جسمي كارثه من الضعف منهم المدربين لين اقتنعت (جسمي يحرق الدهون بسرعه كبيره ) الحين وصلت بروز الصدر عن المعدة بس بقسم المعدة بشكل مثالي المعده فيها تقسيم خفيف من الاصل,الكثير من الناس تهمل الأرجل خصوصا و لاٍضافة معلومه تمارين الارجل خصوصا الفخذ تساعد في تنشيف المعده و تحفز الجسم لاٍفراز هرمون النمو للقسم العلوي للجسم ,نرد للمهم المعدة بحاول ادش 3 مرات انشالله و الكارديو كم ادش يعني ربع ساعه مع العلم ما عندي دهون ذاك الزود عشان احرق الكثير من الدهون على العموم الله يعطيك العافيه حبيبي كفيت و وفيت

حالتك نفس حالتي سابقاً .. بديت الاهتمام بال Abs .. وقللت كارديو .. نتايج حلوة كانت ..
بس مع الوقت ومع زيادة اكلك .. بيبدا الفات يزيد .. شي طبيعي .. إذا ماكنت تمارس اي رياضة جانبية مثلاً كرة القدمـ .. المهم العب كارديو 20-30 دقيقة وتاخذلك إذا لياقتك حلوة دقيقة جري بأقصى سرعة ودقيقتين مشي .. إلى ان تكمل 20-30 دقيقة .. مرتين اسبوعياً يكون حلوو .. بيساعدك على انك تحافظ ع نسبة دهونك ..

[روضان]

شكراً لك العنيد على ردك وتفاعلك
وننتظر رد الكابتن AI_BARCA

[بوعرفة]

سلام عليكم
لقد بدأت في هده الرياضة مند أسبوع وأريد بعض النصائح
وهل ميغاماس صحية وهل لها من أضرار على الجسم
وشكرا

[بوعرفة]

هل من رد ...........