السلام عليكم
هلا بالحلوين ^_^
أخباركم إن شاء الله بخير ؟؟
تصدقون أحس بشي غريب مدري ليه !! يعني المنتدى مقفل يومين و بعدين فجأة كذا دخلت لقيته مفتوح و قلت خلني أنزل موضوع ^_^ هع هع و الله شعور رهيب جربوه و ردوا لي خبر أوكي .. يعني لما تسونه تحسون مدري كيف ودكم تسون شي كذا مدري وش هو << خلك ساكت لألعن بليسك *_*
المهم كعادتي و كما قال عني الأخ الجميل الدمع الحزين .. بدون مقدمات أدخل بالموضوع
طبعاً هذا الموضوع هو الجزء الثاني .. لموضوع تقدر و لا لأ ؟؟ .. و إلي يبي الجزء الأول يدور عليه ^_^
القصة و مافيها اليوم .. هو أنه في يوم الثلاثاء الفائت ( كيف الكملة ^_* بالله مب رهيبة ) .. طلعت أنا و الشباب الفاضين نتمشى لأن يوم الخميس كان عندنا أنا و الشفاف الزهري أختبار أنجليزي فاينل ( الشفاف الزهري أنسان للمعلومية ) ..فقلنا خلنا نطلع يوم الثلاثاء عشان ندرس يوم الأربعاء
طبعاً إلي كان يسوق ذاك اليوم الشايب .. فأتصل علي و قال ..
الشايب :: ألــــو
أنا :: هلا و الله
الشايب :: يالله ترى بنمرك لأني غسلت الفورد اليوم ^_^
أنا :: مبروك .. تلعن خيرها بالعافية
الشايب :: الله يبارك فيك .. يالله جاينيك
أنا :: أوكي أنتظرك
في أقل من دقيقتين ..
الشايب :: ألو .. أطلع أنا عند الباب
أنا :: الله يلعن بليسك .. مداك توصل يامريض !!
الشايب :: ههههههههه أطلع و لا يكثر
أنا :: يالله يامعوق جايك
ركبت السيارة و سلمت على الحلوين .. إلي هم المنغولي الرهيب و الشفاف الزهري و الشايب .. و دردشنا شوي قبل لا يحرك السيارة من قدام بيتنا !_!
المهم أول ماتحركنا و مشينا .. دار بيننا هذا الحوار ( ياعيني على الأسلوب )
أنا :: أقول شيبون .. بالله مر تويز أر أس !!
الشايب :: بالله وش تحس فيه ؟؟
أنا :: لا و الله صدق مر .. أبي أشتري ملابس سبايدر مان !!
الشايب :: وش تحس فيه ؟؟
الشفاف :: إيه بالله مر و أنا أبي ملابس باتمان
المنغولي :: ههههههههههههه ( قاله أنه يضحك ألحين )
الشايب :: ليه طيب ؟
أنا :: أبي أداوم الجامعة بملابس سبايدر مان و الشفاف بملابس باتمان ^_^
الشايب :: خخخخ يالله بروح
المهم مشينا و مشينا و مشينا .. و في أقل من دقيقتين وصلنا !_! طبعاً السبب سواقة الشايب !! أقسم بالله عليه سواقة تخوف يقعد يفحط بالشارع العام و مدري وش يسوي *_* و إلي يشوفه يقول بنفذ علمية إنتحارية *_* طبعاً أحنا تعودنا على سواقته فسار الوضع عندنا تمام ^_^
المهم وصلنا تويز أر أس .. و قبل ماننزل من سيارة شيبون ( تدليع شايب ) ..
المنغولي :: عبدالعزيز أتحداك تلبس هل شماغ و تنزل فيه !!
أنا :: وش تحس فيه يامحلوس ( و أنا أتعرق بسبب كلمة أتحداك !! )
المنغولي :: يالله لو أنك رجال سوها !!
أنا :: بالله ؟؟ يعني وش الهدف أني ألبس شماغ و أنزل فيه ؟؟
المنغولي :: أنت سوها بس و مالك شغل
أنا :: أوكي ماعندك مشاكل
طبعاً لبست الشماغ .. و العقال .. و شخصت تمام .. و أقتحمت تويز أر أس على طول !!
و بالفعل نزلت و تمشيت و الناس تناظر علي نظرات تعجب !! و حسيت أني مريض مدري ليه !!
المهم و رحت و سألت عن ملابس سبايدر مان ..
أنا :: صديق .. في ملابس سبايدر مان ؟؟
العامل :: أيه فيه
أنا :: طيب وش فيك معصب ؟؟ و الله ماسويت شي
العامل :: كم عمر ؟؟
أنا :: يعني 18 و إذا في حق 20 يكون أحسن
العامل :: إيس كلام أنت هغ هغ هغ ( قال أنه يضحك ألحين )
أنا :: ههههههه
العامل :: هغ هغ هغ
أنا :: أنكت أنا عندك .. عطني ملابس سبايدر مان ياحلو !!
العامل :: مافي حق 18 سنة .. في حق 12 بس
أنا :: ليه كذا ؟؟ و الله حرام .. يعني ليه تحاربون المهارات إلي عندنا ؟؟ ليه ؟؟
العامل :: و الله مافي
أنا :: ياخي حرام عليك .. دور بالله .. كل أصحابي عندهم ملابس سبايدر مان إلا أنا P:
العامل :: مافي و الله هذا
أنا :: طيب باتمان أو حتى سوبر مان ماعندك مشاكل
العامل :: خلاص مافي
أنا :: طيب تويتي توم أو جيري أي شي ؟؟
العامل :: يمكن محل ثاني في
أنا :: وش تصرفني أنت ؟؟ يعني لهل درجة تحارب مواهبي أنت ؟؟
العامل :: ........ !!
أنا :: الله يسامحك بس ما أقول غيرها *_*
و كملت رحتلي بتويز أر أس و أنا حزين ( لا تصدقون ) .. و أنا أمشي و الناس تناظر علي عشان الشماغ !! صح على فكرة .. ماقلت لكم وش الغريب بسالفة الشماغ هع هع
يالله خلني أوضح لكم سالفة الشماغ و التحدي .. هذا ياحلوين .. أنا كنت طالع بجنز و تي شيرت .. و المنغولي تحداني ألبس الشماغ فوقهم و أدخل !_! طبعاً تحدي غبي زي ماتشوفون !! بس وش أسوي للمنغولي المتخلف ذا ..
هذي صورة توضح كيف كان شكلي P:
المهم كملت المشي و نزلت و درت شوي .. و دورت شي أشتريه بس مالقيت للأسف ..
فقررنا نطلع من الخياس تويز أر أس .. و ندور محلات ثانية .. و بعد ماطلعنا و درنا حوالي 4 محلات و كل محل ندخله و نسأل عن ملابس سبايدر مان مانلقى للأسف إلا لـ 12 سنة بس *_*
و صراحة أنا تحطمت نفسياً و حسيت أني مارح أقدر أمثل فلم سبايدر مان الجزء الرابع بعنوان ( إقتحام جامعة الملك سعود ) .. لكن تفألت بالخير و قلت العطلة بتجي و إن شاء الله إن مالقيته بالرياض بلقاها بره الرياض ^_^
المهم قبل مانطلع من أحد المحلات .. لقيت قناع رهيب صراحة .. مدري أول ماشفت هل قناع حبيته !! مدري ليه !!
هذا القناع كان على شكل .. دب باندا .. كان القناع رهيب جداً و ينور بشكل غريب ( *_* خخخ وش أحس فيه )
المهم شريت القناع .. و المنغولي تحمس و شرى معي قناع ثاني .. و لما طلعنا و ركبت السيارة و لبست القناع و حسيت بطاقة غريبة !_! و سار ودي أسوي مغامرة جديدة مدري ليه .. فقلت للشباب ..
أنا :: ها في أي تحدي جديد ؟؟ ودي أسوي شي جديد بالقناع ؟؟
المنغولي :: رح الفيصلية !!
أنا :: كل كبر راس الشفاف .. وش الفيصلية مارح يدخلونا يامريض .. عوائل !!
الشايب :: يالله فيصلية
أنا :: يالله رح عشان نتقشع سريع سريع
بعد دقيقتين ونص !! و صلنا الفيصلية
و نزلنا و مشينا و أحنا متأكدين أنهم بيقولون لنا .. أطلعوا بره عوائل !! كالعادة يحسبون أن الشباب ياكلون البنات و لا مدري وش يحسون فيه !!
المهم مشينا و وصلنا البوابة !! و دخلنا !! و محد قال لنا أطلعوا !! فأستغربنا جميعاً و سار ودنا نركض من الحماس *_*
و أحنا نمشي شفنا مقابلة !! بنت تسوي مقابلة مع الناس و كاميرات و حركات !!
طبعاً كالعادة ..
المنغولي :: أتحداك تروح ورى الكاميرا و تسوي حركة و لا تقعد تفحط !!
أنا :: يلعن أبو التخلف ياشيخ ..
المنغولي :: سوها يالله
أنا :: طيب لو سويتها وش بتعطيني ؟؟
المنغولي :: وش أعطيك يعني ؟؟
أنا :: إذا سويتها العشاء على الشفاف اليوم
المنغولي :: يالله موافق
الشفاف :: وش دخلني أنا يامعوق أنت وياه
المنغولي :: خلاص العشاء علي
الشايب :: دام العشا عليك أجل بروح أنا بعد
أنا :: يالله أنا و الشايب بنروح وراهم و نفحط شوي .. خلاص ؟؟
المنغولي :: أوكي
لما قررنا نروح أنا و الشايب تفاجأنا أن المقابلة خلصت *_*
أنا :: يامنغولي خلصت المقابلة يالله أعزمنا على العشاء
المنغولي :: لا مافي ماسويت شي
الشايب :: وش ذنبنا طيب ؟؟ المقابلة خلصت
الشفاف :: هههههههه ( خشه غلط )
المهم كملنا طريقنا و مشينا و طلعنا فوق و نعشينا و خلصنا بالفيصلية ^_^ ( غريب صراحة ) و طلعنا من السوق .. و قمنا ندور و أنا لابس قناع الباندا حقي ^_^ كان شعور رهيب صراحة
هذي صور لنا مع القناع ..
و بعد مافرينا و فرينا .. لقينا حديقة فاضية بالشارع .. طبعاً كان الجو بارد و مافي أحد *_* فقررنا ننزل و نلعب شوي *_*
و بالفعل نزلنا و لعبنا شوي و تزحلقت أنا ( هع هع و الله شعور رهيب ) .. و طبعاً بالحديقة جاني كم تحدي كالعادة *_*
أتحداك تلعب بذي اللعبة !! أتحداك تنط من فوق ذا الكرسي !! أتحداك تدخل ذاك البيت !!
و غيره من التخلف الذي لن و لم ينتهي للأسف *_*
بس تصدقون شعور رهيب لما تسوي تحدي صعب ^_^ مدري تحس أنك رهيب
زي أذكر مرة .. تحدوني الشباب أروح أدخل حديقة مليانة ^^ يعني كلها عوايل و زحمة بقوة
قالوا لي .. أتحداك تروح تصف مع الورعان ( جمع ورع و هو الطفل باللغة العامية ) .. و تروح تتزحلق معهم
طبعاً كانت الزحليقة صغيرة بقوة ( الزحليقة لعبة خايسة يلعبها الورعان .. يطلعون فوق و يتحلقون عليها و ينزلون تحت بعدين !_! ) .. المهم أنا طبعاً رحت صفيت معهم بالطابور .. و الناس يناظرون علي &_&
و جا دوري و طلعت تزحلقت معهم .. و طبعاً كانت الزحليقة متعرجة .. لكن لما تزحلقت سارت مستقيمة !_! و إلى يومك هذا الزحليقة سارت مستيمة و لم يعد فيها تعرجات كما كانت *_* و أحس كل إلي بالحديقة قاموا يدعون علي لأني خربت عليهم لعبتهم ( *_* قصة حزينة صح )
المهم ياحلوين إلى هنا نوصل لنهاية الموضوع ^_^
و طبعاً نزلته عشان أجرب الشعور الرهيب ^_^ لما تنزل موضوع بعد مايكون المنتدى مقفل ^_^
نشكركم على حسن إستماعكم P:
Peace Out
