القصة يا كرام
قبل فترة اكتشفنا لما تلعب السالفج تقدر تخلي اي دروب داخل السالفج يتكرر على عدد البارتي الموجودة داخل فكنا ندخل allinece ثلاث بارتيات كل بارتي شخصين و نعمل disolve داخل السالفج،ف كل بارتي تحصل نفس عدد الاغراض في البارتي ثاني، كان خلل غبي من سكوير اينكس لما اكتشفنا هذا الشي ما خبرنا غير الاصدقاء و ربعنا و يوميا نعمل سالفج
خلال 3 اسابيع قدرنا نحصل معظم الاغراض الي كنا محتاجينها و زيادة فوقهم فلوووووس طبعا سكوير اينكس اكتشفت قبل شهر و حلت المشكلة طبعا مو مشكلة عندنا لان الحمدالله كل شخص فينا قدر يحصل غرض و استفدنا كثير
أمس سكوير اينكس عملت باند على كل شخص استفاد من هذي الحركة طبعا المجموعة الي معاي كلهم بااااااند الغباء انهم حاسبونا بعد شهر من بعد ما حلوا المشكلة و نجا منها الاشخاص الي ما حصلوا شي بذك تنهي علاقتي مع فاينل و سبحان الله قبل فترة كتبت في المنتدى قلت اتمنى احصل باند عشان اتركها و شكلها كانت ساعة استجابة
الحلو كل ربعي معاي في هذا الباند الغبي ما بحس بالحنين للعبة magesan , plue , alzeer, rakwarrior , nouf, alkaizer, jojoke هذي المجموعة الي يوميا كنا نسوي سالفج، بالنسبة لي انتهت علاقتي بفاينل خصوصا انهم اكدوا لنا انه باند نهائي رغم انه هذا الاول الحمدالله ارتحنا و لا عودة مرة اخرى لهم الي يضحكنا انهم حاسبونا على شي صار قبل شهر، بدايتي كانت في مارس سنه 2004 و النهاية 22 يناير 2009
اخيرا لكل شخص عرف mojahid في اللعبة او خارجها يسامحنا لو غلطنا في حقه كل شخص عربي قابلته شرفتني معرفته و اعتزيت باللعب معاه الاخوة العرب ما شاء الله وااايد و دايما ما كنت احب العب وياهم و اسولف معاهم و تحياتي لكل من swordman majed لان بس هذا المنتدى طريقة تواصلي معاهم اما باقي الاخوة فهم وياي بالتلفون
المشاركة الأصلية كتبت بواسطة mojahid00
؟
