epic: راح نغير الRank system
الكل كان يشتكي من الsearch system البطئ.. الي تصلح في اخر ابديت الحمدلله
لكن تضل فيه مشكلة الrank .. وepic لاحظت انه اللاعبين يشتكون من نظام الrank
وانه ما يبين عندك ليفل الخبره .. يعني ممكن تكون الرانك الرابع.. فجأ تخسر وتنزل للثاني
من غير سابق انذار .. وهم في مشكلة ثانيه انه ارتفاع الرانك ما يعتمد على فوزك شخصيا وعدد الkills
..يعتمد على الفريق.. يعني حتى لو انت ذبحت بس اثنين لكن الفريق يفوز عنك ..الرانك مالك يرتفع معاهم .. واذا طبيت ويا فريق ما يلعب عدل انت تخسر.. فهالشي ضايق الكثير خصوصا المحترفين الي
يطبون ويا فريق نووبز مثلا.. , فعشان جذي epic راح تحط نظام رتب جديد يعتمد على نفسك شخصيا وليس على الفريق..
والرتبه راح تضل ثابته .. وبتكون 99 ليفل .. وكل ما تييب سكور اعلى تزيد رتبتك وهكذا
الليفل يزيد اسرع بعد اذا تنوع في اللعب + تنوع في اختيار الMODES .. مو تشكل في الANNEX مثلا فقط .. لازم تغير بينهم ... واحتمال راح ينزل اجيفنت حق الرانك في DLC قادم..
...مافي خبر متى يسون هالشي.. لكن epic قاعده تدرس الموضوع وناويه تطرحه قريبا
الخبر حلو حيل.. ها شرأيكم ارد حق جيرز 2 ولا اقعد على لعبة L4D
