||___ أنتـــي عنـــد أي بوابــــــة ؟؟ ___||
الســـــلام عليـــــــكم ورحمـــــــــة اللـــــــــــه وبركــــــــــاته
-------------------------------------------------------------
أمس السبت الموافق 22-2-2009 م
طلعت للسوق مع اهلي -الله يحفظهم-
نشتري شوي اغراض ونتوّنس
كنت أنا واختي الصغيرة (فرح)وأمي واختي الكبيرة (ليلى)
وهي اسماء حركيه
نتمشى ونتبضع من المحلات ،، انا واختي فرح بالمقدمه
وأمي واختي الكبيرة ليلى في الخلف>> جنود ماشااءالله
وكنا عند بوابــــــــ4ـــــة و وجهتنا التالية كانت عند بوابـــ7ـــــــة
لكن محل Bossini استوقني بدربـــي
اللي حصل هو ...
امي وليلى كملوا طريقهم ..انا وفرح دشينا المحل بدون "اي تنبيه" ×.×"
وشريت لي بلوزة بينك توّنس حلوةوالتفت بالمحل مالقيت لا امي ولا اختي
قلت اي اكيد ينطروني برا ..حاسبت وطلعت ..
وياااغافليييين لكم الله ..مالقيت احد قاعد ع الكراسي غير ياهال اولاد يلعبون
>> كراسي مجمع الظهران شكلها مثل صخرة جبيله تقعدين على طرفها
والاطفال يتزحلقون عليها ويندفون بظهرج XD
المهم ..ذكرت نصيحة شفتها بمسلسل The Unite لما البطل تحطمت طيارته على جزيرة مجهوله وهو نجا مع شخصية ثانية
قال لها : أفضل مكان نتواجد فيه هو مكان الحطام نفسه .
>> لأن لو يجي احد بيدور بيشوف منو عند الهوليكوبتر الطايحه ..ماراح يدور
بطرف الجزيرة ولا بالغابه ..صح مو ؟
قلت بنفسي What a piece of advice !
خلاص اوقف عند المحل اللي انقطع فيه حبل اتصالي فيهم (نقطة الضياع)،،
وبهالطريقة راح نلقى بعض !
وليت ماظننته كان صااائـــــــــــبا!!
قعدت ع الصخرة انتظر ماكو احد ×.× "
طليت ببعض المحلات قلت يمكن دشوا بمحل ؟؟..هم ماكو احد ×.×"
قلت خنشوف اختي ليلى من شنطتها البيضاا ..ولا ماكو احد الاو لابس شنطة بيضا ×.×" ..قولو ماكو لون ماطاحو فيه بالموضه الا الابيض الحيييين XD
>> أكــــو ..ماكـــــو غنــــــّو معــــي
فكرت قلت دااااااا وين عقلج يا بنت ..افتحي جوالج ودقي
الا جوالي الحلو مخلصه شحنته وطفي
>> امي تقول شغالتنا احسن منج ..كل يوم تشحن جوالها وتحطه بالمطبخ
الحين انا توهقت لا اتصال لا حذف اجابتين
قلت حـــلو.. أسوي نـــــــــدااااء اللي عند بوابة 3
بس شنو اقول ؟؟
"الرجــــاء من الطفلـــــه ليلى (اختي الكبيرة) التوجــــه الى البوابة 3"
>>> عشان تسطرني
ولا
"الرجـــــــــاء من العائــــــــلة الكريمـــــــة التوجه الــى البوابة 3 "
>> عشان القى اللي اعرفهم واللي مااعرفهم من اهلنا متجمعين هناك XD
على اي حال اخترت النداء الثاني ..بطريقي متوجهة لمركز الاستعلامات وخدمه الزبائن
الا أذن المغرب وسكرت المحلات والاستعلامات كلللهم طلعوا للصلاة ..
فاصـــــــــــــــل :
الحين اذا اذن للصلاة تسكر المحلات ..اوكيه
بس ليش يسكرون مركز الاستعلامات ؟؟
بلكي في احد بحاله طوارئ ،عنده سؤال،ضاااااايع مثل اختكم بالله !!
اذا على بيروحون يصلون ..اوكيه يخلون ع الاقل 4 موظفين 2يتناوبون وقت الصلاة و2 يروحون يصلون..!
يسرو ولا تعسروا
نــــــرجع لمحـــــــــور حديثنـــــــــــا :
وبدربي وبكل يأس واحباط رجعت لنقطه الضياع الا وهي ....الصخــــــرة
>> قبال محل Bossini ذكرتوا
--------------------------------------
لحظة ..لما لقيت مركز الاستعلامات مسكر للصلاة ..تنّحت عالكاونتر حقه
وبديت اتبج بج ..يعني أبكي بالسعودي
بس عقب 3 ثواني تمالكت نفسي قلت اذا انا أم طعش سنه جتها حاله Panic يعني ذعر بالعربي
شبتسوي ام 5 سنين اللي معاي ؟
جان اقوم اضحك >>اللهم لك الحمد والشكر
اقصد تمالكت نفسي ومسكت زمام الامور ..
-----------------------------------
المهم ...بدربي راجعه لنقطة الضياع للصخره كأني عنزة ضايعه بجبل >.>"
لقيت لي سيكيورتي يمشي ،" استوقفته قائلة" :
لو سمحت اخوي انا جوالي مخلصه شحنته واحتاج ضروري لمكالمه اسويها
السيكيورتي : تفضلي اختي اكيد .
>> شكله من البحرين الشقيقه
المهم .. مسكت الجوال بتذكر رقم امي مو متذكرته
>> هم ضايعه وهم ناسية رقم امج XD !!!!
بغيت اقوله مشكور خلاص نسيت الرقم
بس اشوى الله ستر علي والهمني الرقم بلحظتها ودقيت على امي وجرى الحوار التالي
امي : الو ؟
انا : ماااماااا انتــــــــــي فيــــــــــــــــــــن؟؟
>> حسيت اني جندي سنه 1940 راجع من الحرب العالمية الثانية والتقى بخطيبته ..ماله دخل بالسالفه ادري
امي : انا عند بوابة 7 انتي اللي وين XD
انا : ويحك !! انا عند بوابة 3
>> جوكنج ماقلت ويحك ..×.×
امي : شلون عند بوابة 3 ؟!
مو انتي قاااايله اننا بنروح عند بوابة 7 ؟؟؟
>> ببداية الموضوع ذكرتوا ؟
انا : اي صحيح بس حسبت انكم شفتوني لما دخلت المحل ×.× "
مو مشكله حقكم علي انا مرة ثانية لا دخلت محل بقولكم
ونمشي صف واحد احسن ×.× " ..
امي : اوكيه خلاص تعالي احنا ننتظرج هناك .
- أُنهيت المكالمه -
>>> انتو مستوعبين المسافة من بوابة 3 ليــــــــن 7 !! XD
يعني امشي من المبنى القديم لين التوسعه ..وبفضل الله ثم بعد المسافه خسرت
مايقارب الـ3 كيلو والله العظيم والله العظيم والله العظيم ×____×
>> مستانسة بغت تخسرهم بشهر خسرتهم بيوم
مااشااااءالله قولو
جان اعطي للسيكيورتي جواله وقلت له مشكوووور يزاااك الله خييير يااوليدي
بميزان حسناتك..
Mission Accomplished
>> العب PS وايد
من كثر ماحسيت بروح التعاون والتفريج على المسلم وحب المساعده
>> وكلاهما كلمات مترادفه لا يغركم طول الجمله XD
قمت دعيت للبحرين كللللها ولأهلللللللللللها
قووولووو امييييييييييين يااا مسلمين عسى الله يستجيب دعواتي
||___العبـــــــــــرة من القصــــــــــة ____||
- أبدا أبدا لا تدخلين محل بدون ماتعطين علم للي معج يمكن يكون مشغول بشي او باخر وقتها وماينتبه انتي وين رحتي .
- اشحنوا جواااالاااتكم دااائما اول ماترجون من اي طلعه ركبوها ع الشاحنXD
- اذا جتكم حاله ذعر او Panic خذوا شهيق عميق وزفير عميق فكرو بشنو لازم تسوونه بطريقه صحيحه وتغلبو على السلبية وكونوا ايجابيين
- اذا ضعتوا بمكان اقعدوا فيه بعض الوقت ..ماحصلت نتيجه ..سوو نداء
- غضــــــــــــــوااا ابصااااااركم بالسوووووق وبكل مكااااان خلو عيونكم بالارض
وانتووو تمشووون ..سمعتوااا ياااابناااات سمعتواااا يااااولاااااااد @.@- "كان الله في عون العبد مادام العبد في عون اخيه" اذا شفتوا اي احد محتاج مساعده ضايع او عنده سؤال ..ساعدوه من بااب الاخوة في الانسانية واحتساب الاجر ..حتى لو كان اجنبي غير مسلم وباشد حاجه للمساعده ..الاخوة في الانسانية تذكروا اللي قلته .
-------------------------------------
أرجوا ان موضوعي وقصتي نالت على اعجابكم
انا البيد قيرل من القسم الترفيهي
والسلام عليكم ورحمة الله وبركاته
-------------------------------------
جميع الحقوق محفوظة لصالح Al Bhed Girl ©
يمنع منعا باتا نسخ الموضوع ووضعه في مكان اخر
>>
..
!
