سلسله burnout سلسله معروفه ظهرت بشكل بارز في الجيل السابق
وفي هالجيل برزت اكثر وكما هي الأفضل من عدة نواحي
هي لعبة سيارات من نوع اركيدي .. اللعبة صارلها فتره طويله نازله
ولي يومك المحتويات تنزل بين فتره وفتره ..الي ما شرى اللعبة وهو محب للسيارات
لا يفوتها اهي افضل لعبة سيارات في هالجيل ..
هذا مو موضوعنا.. مجرد مقدمه فقط للي ما يعرف للعبة..
الموضوع راح اتكلم فيه عن الdlc المتواجد والي راح ينزل .. نظره سريعه
نبدأ بالFree packages المجانيه للتنزيل
عندكم CAGNEY pack محتوايتها
- 70 تحدي جديد بالخريطه
- سيارتين جدد
- سيارتين من القدم لها رسمه معينه الي اهي سياره الvan والtempesta
- تحسين نظام الranked في السباق
bike's pack من الأسم
- طقس ديناميكي..اي السماء تصير ليل ونهار مع مرور الوقت باللعب كذلك الجو
- دراجتين ناريتين
- ايضا 70 تحدي في الخريطه..
الحين الparty pack
هذا المحتوى يكون مجاني اذا تشتري نسخة الجديده من burnout paradise
الي نزلت قبل فتره قصيره .. . هالمحتوى مبدئيا الوحيدين ما يستفيدون منه او محبي الأون لاين
المستفيد منها هم شباب الديوانيات والقعدات وربما بعض الأسر المجتمعه ..
وهو انه نظام السكورات والتحديات الي يكون في الأون لاين.. يمديك تلعبه بين ربعك بالبيت
مع بعض ..
- المنيو ايضا يتغير وهو مجاني للتنزيل
الحين نبدأ بالدفع عاد $
آخر dlc نزل هو الlegendry package بسعر 640 نقطه
( يمديك تشتري سياره وحده منهم لو تبي بسعر 160 ..الا السياره الي تطير ب320 )
يحتوي على 4 سيارات لها ميزات ظريفه .. لما تضغط boost ..
مثلا السياره المكسيكيه كافالاري.. لها صوت هرن كلاسيكي
سياره صقر الليل والي يقول ان تم منعها من قبل الحكومه الأمريكيه ..
بسبب سرعتها.. ميزتها انه تشب ليت متحرك من جدام وورا
سياره روح مانهاتن
تشبه سياره شباب ghost busters .. الي يميزها عندها انذار شرطة على طول الطريق
حق ازعاج الناس ..
اخر سياره هي Jansen .. وميزتها انها تقدر تطير.. لكن بشكل واطئ مو فوق المباني !
هذا كله متواجد في الماركت بليس او البلاي ستور
الحين نبدأ بالDLC القادم..
محتوى الTOY PACK ..
وهي 5 من السيارات الأساسيه موجوده باللعبة .. لكن بشكل طفولي ومصغر كالتالي
محتوى الBOOST SPECIALS
عندك سيارات ليجندري .. طلعت كل السيارات حتى الفورملا !
عيل هالPack يحتوى على اسرع سيارتين في اللعبة ..راح يسلمون على سياراتك الباقيه
لو حاب تسابق هههههه
يقولك الفريق انه البوست فيها .. غير عن الي شفته
وهذي بتكون اسرع سياره باللعبة
وحق شباب التفحيط هم راح تعجبهم .. لأنه قالو التفحيط بيكون واقعي اكثر من قبل
وهذي صوره لها .. ترا اهم سيارتين لكن السيارات الثانيه قالو خلوها سر بعدين نوريكم شكلها
محتوى الbig surf ..
وهي جزيره عالساحل راح تضاف الى الخريطه
راح يكون فيها اماكن حلوه للتسكع خصوصا محبي القفزات والحركات البهلوانيه
واخيرا التحديث الأخير القادم وهو cops & robbers
راح تضاف مطارده الشرطة في اللعبة مع اطوار اخرى للأون لاين تخص هذا المجال
وبس
التعديل الأخير تم بواسطة FARES360 ; 03-03-2009 الساعة 07:21 PM
ما قادر اصبر انطر الساعه 1 اروح انزل والعب بعد المدرسه
ياخي حماس
الله يخليك لا تقولي المدرسة لأني كرهت الساعه الي دخلت فيها المدرسه و خص أني من الفجير أنا ما محصل وقت أشغل جهازي حتى و لو أريد ألعب نص ساعه يلا شو نسوي هاذي سنة الحياة
على العموم الصراحة الإضافات حلوة
الله يخليك لا تقولي المدرسة لأني كرهت الساعه الي دخلت فيها المدرسه و خص أني من الفجير أنا ما محصل وقت أشغل جهازي حتى و لو أريد ألعب نص ساعه يلا شو نسوي هاذي سنة الحياة
على العموم الصراحة الإضافات حلوة
لووول انا قريب منك انا من حتا ياريال من كم ساعه كنت في الفجيره اتمشى
خلنا نشوفك ..,^^
مجموعة DLC لعبة Burnout paradise
$
المشاركة الأصلية كتبت بواسطة GHOST 360
