موضوع نقاش لعبة Street Fighter IV

[CreepyShadow]

السلام عليكم

شباب انا ناوي ادش وياكم عالاونلان و بقوه :P

بس ناقصني ستيك و الصراحه ما عرف شي في هالسوالف

الصراحه ما اهتم في الفصوص و الدقم وايد (المهم يكونن مب داخلات وايد عداخل) بس الستيك اهم شي يكون مرن لاني دايما اتوتر في المباريات و احرك الanalog بسرعه... :P

يالله نشوفكم على خير(ياريت حد يرد عليه بخصوص الستيك لانه اليوم الجمعه و عندي امتحانات لين الثلاثا و بعدها اجازه اسبوع, فناوي اطلب الستيك من احين عشان يوصل قبل الاجازه)

[CreepyShadow]

للي ناوي يتعلم اللعبه in a proffesional way مثل ما يقولون

http://www.eventhubs.com/guides/2008...ints-and-tips/

هذا guide عجيب و تقريبا من احسن اللي شفت

[Black_Berserker]

السلام عليكم

شباب انا ناوي ادش وياكم عالاونلان و بقوه :P

بس ناقصني ستيك و الصراحه ما عرف شي في هالسوالف

الصراحه ما اهتم في الفصوص و الدقم وايد (المهم يكونن مب داخلات وايد عداخل) بس الستيك اهم شي يكون مرن لاني دايما اتوتر في المباريات و احرك الanalog بسرعه... :P

يالله نشوفكم على خير(ياريت حد يرد عليه بخصوص الستيك لانه اليوم الجمعه و عندي امتحانات لين الثلاثا و بعدها اجازه اسبوع, فناوي اطلب الستيك من احين عشان يوصل قبل الاجازه)

وعليكم السلام

شوف هذيله سعرهم معقول

1

2

3

4

5

لو تبى جودة فبيكونون غاليين إلا إذا تعرف واحد من أصحابك يقدر يعدل الستيك عالعموم شوف التالي

1

2

3

4

طبعا النصب عيني عينك....شوف الشباب لأنهم أبخص في هالأمور وأنا أشوف الهوري ممتازة لو الأزرار والستيك تكون معدلة

بالنسبة للتوتر فأنصحك تعالج هالمشكلة بالأول...لأنه صاحبي يعاني منها ويصيرله block في التفكير لازم تحل هالمشكلة وتتعلم تسيطر على أعصابك...لو عندك واحد يعينك على هالشي بتقدر تحل المشكلة تدريجيا لأنه الأعصاب عامل مهم جدا في اللعب خصوصا لو في بطولة

لو تريد تشوف واحد الدنيا عند بخير شوف دايجو هادي إلى أبعد الحدود وحتى لما يخسر تحصله نفس الحالة

[Dukefleed]

للي ناوي يتعلم اللعبه in a proffesional way مثل ما يقولون

http://www.eventhubs.com/guides/2008...ints-and-tips/

هذا guide عجيب و تقريبا من احسن اللي شفت

نزل الجايد الرسمي .. موجود في هالموضوع تورنت. من احسن الجايدات صراحة لا يفوتك يعني

أما بخصوص الأركيد فأخوي برسيركر ما قصر.. انته بس تأكد من احتياجاتك.. صراحة ما انصحك باللي سعرهم رخيص. القطع اللي فيهم كلها من Hori وحجمهم ما يساعد. (أنا عندي Hori Real Arcade Pro 3 على البي اس.. و Hori EX2 على الاكس بوكس.. وبصراحة فرق..)

هو حالياً احسن ستيك اييك جاهز ويا احسن القطع هو الـTournament Edition. وبسبب هذا الشي هو اغلى واحد، ومادري متى بيتوفر مرة ثانية. HRAP3 من احسن الستيكس بعد.. وبسهولة تغير الفصوص فيها لنفس الفصوص اللي في التورمنت اديشن.. فـ لو مستعد تسوي هالشي، عيل توكل وخذ HRAP3.. لو مب مستعد وعندك امكانية تنتظر التورمنت اديشن عيل انتظر. ترا الفصوص العاديين اللي في الـHRAP3 مب لهالدرجة خايسين يعني، لكن ما يوصلون لمستوى الفصوص اللي من sanwa or seimitsu اللي هم احسن شركتين في هالمجال. لو يديد على الستيكس مثلي يمكن ما تكون عندك مشكلة ويا الفصوص.. لكن انا قريب بطلب فصوص عشان اغيرهم ..

بيرسركر حط لك بعد ستيكس مال البي اس 2، تقدر تلعب فيهم عن طريق PS2 -> PS3 converter.. لكن معظم الخبيرين في هالمواضيع يقولون يمكن هالشي يسبب "لاج" خفيف (input lag) .. يمكن ما تحس فيه لكن بما انك تقول ناوي تدش الاونلاين بقوة (مثلي يعني متحمس لستريت فايتر ) ف أحسن لو تشوف هالأشياء.. مع انه الـ HRAP2 SA اييك فيه كل القطع الزينة(full sanwa.. مثل التورنمت اديشن، يعني ما يحتاي تغير فيه اي شي). المشكلة الوحيدة انه وايد ناس صاروا ميانين ستريت فايتر، فمعظم الستيكس out of stock في كل المواقع الكبيرة مثل امازون. يمكن تقدر تحصلها في محلاتنا لانه ربيعي من فترة قصيرة اشترى HRAP-EX على الاكس بوكس.. حتى لو كانت اسعارهم غالية لا تنسى الشحن.. انا طلبتها من امازون وندمت صراحة. الشحن عن طريق ارامكس للإمارات كلفني قريب الـ70$.. وهذا شبه سعر الHRAP

على طاري القطع.. اخيراً paypal ردولي بيزاتي.. عقب 3 اسابيع من عوار الراس. (للي كان يقرا اللي اكتبه.. كنت طالب قطع من موقع وسوولي مشكلة من ولا شي وما حلوها، فقلتلهم كنسلوا المعاملة وخلاص.. ف رجعولي فلوسي من كم يوم). إن شاء الله اليوم بطلب من الموقع الثاني إن شاء الله ما تصيرلي مشكلة مرة ثانية عاد

أنا للحين عندي مشكلة في شي واحد.. للحين ماعرف اسوي link لـ LP -> MP في كومبو، مرات تطلع وياي.. لكن وايد اغلط وما يتكمل الكومبو = reversal and take lots of damage من جذي قريب بحاول ادخل التريننج وبس اتعلم على هالشي.

على فكرة، الليست اللي حاطينه ترا مول مب واضح.. اقدر افهمه لاني ضايف اللي موجودين هني.. لكن للي اول مرة يدخلون الموضوع صراحة ما تقدر تعرف اي واحد الـID في البي اس وأي واحد اسم العضو في المنتدى.. يا ريت يكون مرتب اكثر من جذي. وتسلم عبدالعزيز على هالجهد

(مادري ليش كل ما احط رد في المنتدى يكون طويل.. آسف لوول)

[Lonely Hunter]

السلام عليكم

شباب انا ناوي ادش وياكم عالاونلان و بقوه :P

بس ناقصني ستيك و الصراحه ما عرف شي في هالسوالف

الصراحه ما اهتم في الفصوص و الدقم وايد (المهم يكونن مب داخلات وايد عداخل) بس الستيك اهم شي يكون مرن لاني دايما اتوتر في المباريات و احرك الanalog بسرعه... :P

يالله نشوفكم على خير(ياريت حد يرد عليه بخصوص الستيك لانه اليوم الجمعه و عندي امتحانات لين الثلاثا و بعدها اجازه اسبوع, فناوي اطلب الستيك من احين عشان يوصل قبل الاجازه)

انصحك بهذه



http://www.amazon.com/Playstation-Re...6943806&sr=8-6

اذا انت من الكويت تقدر اتحصلها بالرحاب بجيم سنتر - سبوت و المركز الكويتي

يبيعونها على 50 فأتوقع تطلع عليك ارخص من لو انك تطلبها من النت

على فكرة، الليست اللي حاطينه ترا مول مب واضح.. اقدر افهمه لاني ضايف اللي موجودين هني.. لكن للي اول مرة يدخلون الموضوع صراحة ما تقدر تعرف اي واحد الـID في البي اس وأي واحد اسم العضو في المنتدى.. يا ريت يكون مرتب اكثر من جذي. وتسلم عبدالعزيز على هالجهد

العفو
بس اشوف ان القائمه واضحه و حاط فيها المعلومات المطلوبه للتفرقه ..و ماتوقع في واحد مايعرف مثلاً ان مايصير يكون في ايدي عربي

بس على شانك

للتعليمات اضغط على

توجد قائمتين هنا , واحده بها اسماء اعضاء المنتدى و هي في اليسار و هي باللون الاسود و اخرى لاسمائهم في شبكة الـPSN و هي على اليمين و باللون الرمادي و تفصل بينهم علامة = و اذ لم تستطع التعرف او التفرقه بعد هذه التعليمات ابحث عن من يساعدك

Nickname = PSN ID

half life 2 fan = medwin1234
Abdulaziz cs = LonelyHunter86
ahmadkb = ahmadkb
Lara Croft = UAEonline_US & UAEonline_EU
KKK_KKK = FaHaD-UAE
Pika-Chu = Pika-Chu_UAE
germany luver = pal_ad
Mr.Mohsen = xDetective
Black_Berserker = Xblack_berserker
hishamxx = hisham2020
AhmadTheGreat = AhmadTheGreat
marshall d teac = soul_boy77
F7TeeN = CAHEae
S A R U M A N = LOST_q8
Guilty Gear X = Alkaiser
N O X = X2XO
Dukefleed = Dukefleeed
devante = ginuwine
hell-bottom = Hell-bottom
tsubasa010 = kalkaoosh23
Synyster Gates = Dezert-Fury
uaeUAEMAXuae = مايد عيناوي
om1406 = om1406

[CreepyShadow]

شو هالردود الغاويه ما توقعت حد يرد عليه بهالسرعه.

انا قررت اخذ stick رخيص و العب عليه هالاجازه و عقب بنقعلي واحد اوكي , لانه لين احين ماعرف شو ابا بالضبط فباخذلي واحد من الرخاص بلعب عليه و بشوف شو يريحني بالضبط و شو ناقصني في الستيك و بعدين بطلب على هالمواصفات(عقب بفر الستيك على اخوي عسب يوم اغلبه ما يحشرني و يقول عندك ستيك و مادري شو :P)

مشكور اخوي عبدالعزيز

و انا من الامارات.

احين انا محتار بين الـ

Hori Arcade Fighting Stick
و
Real arcade pro 3

مدري اخاف خذ الـ real arcade pro 3 و يطلع ما تستاهل, يعني يطلع الفرق بينه و بين الهوري مب كبير :S
و عندي سؤال بعد
في امكانيه احصل ستيكات في دبي

(لووول مدري ليش تذكر ايام الـ css و الـ mouse pads و الـسماعات و هالخرابيط)

[Black_Berserker]

شو هالردود الغاويه ما توقعت حد يرد عليه بهالسرعه.

انا قررت اخذ stick رخيص و العب عليه هالاجازه و عقب بنقعلي واحد اوكي , لانه لين احين ماعرف شو ابا بالضبط فباخذلي واحد من الرخاص بلعب عليه و بشوف شو يريحني بالضبط و شو ناقصني في الستيك و بعدين بطلب على هالمواصفات(عقب بفر الستيك على اخوي عسب يوم اغلبه ما يحشرني و يقول عندك ستيك و مادري شو :P)

شباب في امكانيه احصل ستيكات في دبي

دبي الله أعلم

بوظبي في مدينة زايد عندهم الستيك مال ستريت فايتر 4 على ماظن ب 450 درهم


على ماظن بتحصلها عند أرض الأحلام

[Dukefleed]

شو هالردود الغاويه ما توقعت حد يرد عليه بهالسرعه.

انا قررت اخذ stick رخيص و العب عليه هالاجازه و عقب بنقعلي واحد اوكي , لانه لين احين ماعرف شو ابا بالضبط فباخذلي واحد من الرخاص بلعب عليه و بشوف شو يريحني بالضبط و شو ناقصني في الستيك و بعدين بطلب على هالمواصفات(عقب بفر الستيك على اخوي عسب يوم اغلبه ما يحشرني و يقول عندك ستيك و مادري شو :P)

مشكور اخوي عبدالعزيز

و انا من الامارات.

احين انا محتار بين الـ

Hori Arcade Fighting Stick
و
Real arcade pro 3

مدري اخاف خذ الـ real arcade pro 3 و تطلع ما تستاهل, يعني يطلع الفرق بينها و بين الهوري و مب كبير :S
شباب في امكانيه احصل ستيكات في دبي

(لووول مدري ليش تذكر ايام الـ css و الـ mouse pads و الـسماعات و هالخرابيط)

هلا.. لا ياخوي وين .. فرق كبير والله بين الـReal arcade pro والfighting stick.. انا عندي الثنتين .. وصراحة فرق فرق يعني. خصوصاً في الحجم! لا تحط في بالك والله اول باخذ الرخيصة بتدرب عليهم و وو و.. الرخيصة عادي تكرهك في الاركيد لوول.. فإبدا صح من البداية. (Real Arcade Pro 3 ترا تعتبر من الغالين ها.. سعرها 100$.. لو حصلتها خذها!)

ولا خذ رخيصة وتريا لين ما اجرب اسوي اركيد ستيك بروحي، لو نجحت السالفة بسويلك وحدة طبعاً ما بتكون رخيصة لانه من احسن القطع وتعب و و و و!

في دبي صراحة مادري، لكن انا ربيعي خذها من المحل اللي في الخوانيج، اللي اعرفه انه معروف هالمحل.. ف شوف عنده

عبدالعزيز تسلم على القائمة اليديدة ههههههههه الحين احسن !

Edit: اللي اعرفه انه Hori real arcade pro (HRAP3) i احسن من الmad catz standard edition.. ف حط في بالك هالشي بعد.

[Lonely Hunter]

قريت في النت ان في مشاكل مع هالاركيد تطلع بعد مده من الاستعمال !

[Black_Berserker]

قريت في النت ان في مشاكل مع هالاركيد تطلع بعد مده من الاستعمال !

ممممم والله ماقريت عن هالشي....عيل الأحسن لو تقدر تحصلك وحدة من الtournament edition على ماظن بتكون متوفرة مره ثانية شهر 4 بسعر150 دولار فالواحد يلحق قبل النصابين مال ebay يستغلون الوضع...من فترة وصل النصب إنهم يبيعونها ب 1000 دولار!!!!

[Lonely Hunter]

^
بمنتدى شوريوكن في ناس شروها و حاشتهم شوية مشاكل معاها
http://forums.shoryuken.com/showthread.php?t=176026

[hell-bottom]

الHRAP3 معدلة(Buttons) بالنسبه لي ما زالت أفضل من الMadcatz TE لأن صناعة و جودة الMadcatz كشركه لا تقارن بHori وكثير ناس عطوا feedback سيء للMadcatz SE و الTE وهذا اللي ما يصير مع ستيك كالhrap ابدا.

ملاحظه: المشاكل في الTE في الغالب هي في الPCB و التخدش السريع في اللوحه الاماميه و مشاكل مثل سقوط العصى الstick يعني المشاكل كلها من قطع مصنوعه من madcatz اما الازرار و الستيك نفسه فلا يعلى عليها.

[Synyster Gates]

شباب ايش رايكم تفتحون موضوع ثاني للستكات ....خلونا ننظم لعب جماعي لنا كلنا علشان نتمرن مع بعض

والله كذا ترتفع مستوياتنا

انا ضفت اللي اقدر عليه..واللي متحمس يضيفني

يالله بالتوفيق

[Black_Berserker]

شباب ايش رايكم تفتحون موضوع ثاني للستكات ....خلونا ننظم لعب جماعي لنا كلنا علشان نتمرن مع بعض

والله كذا ترتفع مستوياتنا

انا ضفت اللي اقدر عليه..واللي متحمس يضيفني

يالله بالتوفيق

بالضبط هذا المطلوب...نبى موضوع نقاشي بحت عن اللعبة عشان نتطور

ياخي مادري هل المشكلة معاي لوحدي لأنه اليوم النت مشفر...فصل خمس مرات وأنا ألعب مع واحد مع إني سويت للراوتر ريستارت...الله يعين بس

حتى لما لعبت مع synyster اللاق كان مش طبيعي...شو السالفة

[Lonely Hunter]

^
انت تستعمل وايرلس ؟

اذا اي من باجر روح السوق و اشترلك كيبل لانه احسن بوايد من الوايرلس (مع ان يمكن ماراح يحلك مشكلة الاق اللي حاشتك اليوم لانها من الشركه)