انطباعـــات ديمــو فاينل فانتسي XIII

[kingx11]

صباح الخير اليوم فالساعه 7,14 صباحا استلمت طرد من فيديكس .... اقوول خلني ادخل فالززبده ابرك لي



فالبدايه خلنا نتكلم عن القصه

الظاهر ان البطله برق جايه مع خويها الخال كمتسللين مع الاعداء اللي ماسكين اسرى حرب ومهتهم كما يبدو هي انقاذ الاسرى لكن برق في خاطرها شي ثااني من تصرفاتها والخال معها لنفس السبب يعني متعاون معها فالسالفه وماله احد غيرها , فالجزء الثاني من الديمو ثلج مع مجموعة الاسرى المساكين يحاولون يتعاونون على مقاومة الاعداء والهروب طبعا معاه شخصيات ثانيه نسيت اسماءهم لكنهم بيساعدونه في مهمته لكن المشكله ان الاسرى اللي مع ثلج خوافين وقليل منهم اللي تشجع ومسك السلاح لذلك عاتق المهمه بيطيح على ثلج واصدقائه


الشخصيات

برق
شخصيتها غامضه وقليلة الكلام لكنها قوويه وعنيفه وسريعه وقووتها في ضربات السحر

الخال
شخصيه على قد حاله وطيب وحبووب ومفيد في الضربات بعيدة المدى لان سلاحة مسدسات

ثلج
شخصيه قائد يمتلك مواصفات جيده مثل القدره على قيادة الفريق والروح المررحه والقووه الجسديه وقووته في اللكمات السحر عنده عادي

واكا VER.2
ابو شعر سبايكي معاه رشاش ومساعد ممتاز في المعارك لكنه يتخفى من ورا الاعداء ويضربهم ومايفزع لك اذا حشروك في زاويه لوول

ريكو+لولو+يونا (اللي لبسها فاضح شوي)
ممتازه فالمعارك لانها تهتم بمعالجة الفريق اكثر من الهجووم بس انها تعطيك ضحكه سخريه وهي تعالجك يعني احمد ربك اني عندك ولا كان كليتها لوولز والبنت حركاتها احم احم


سوري ماقدرت اصور لهم شي لان مافيه خيار PAUSE الا يغطي لك الشاشه كلها وماتشووف شي


المعارك
نظام المعارك مثل مانعرف هو نظام تعاقب الادوار لكن مطور بشكل مميز , لك الخيار بالهجوم بضربه وحده او2 او 3 وفيه عداد الوقت ماتقدر تهجم الا يوم يكتمل بس لو تبي تهجم بسرعه تقدر تضرب ضربه وحده لان العداد مقسم لثلاث اقسام يوم يتعبى الاول يمديك تضرب مره وتكنسل الهجمه كامله بعدها او تختار هجماتك الثلاث وتنتظره لين يتعبى وبتهجم شخصيتك مباشره

ارض المعركه تفاعليه مب روتين مكرر يعني لو اخترت 3 ضربات بهجمه وحده وضربت مرتين والعدو عنده ضربه ماراح ينتظرك بيضربك وبيقطع الضربه عليك لين يخلص بعدين تكمل ضربتك الثالثه واحيانا يكنسلون ضربتك الثالثه اذا كان زعيم مثل النمر الابيض في معركة ثلج , وشي ثاني في المعارك هو ان الشخصيات الثانيه تقوم بالتحكم بنفسها اتوماتيكي يعني لو احتجت معالجه بيعالجونك الا اذا كانت الشخصيه ماعندها هالخاصيه بيطنشك وبيكمل هجوم وهنا يجي دورك وتسووي اوامر معالجه واذا اخترت 3 اوامر معالجه بتقوم الشخصيه بمعالجة نفسها اولا لين تكتمل الطاقه وبيعالج الي معاه تقائيا وتقدر تعالج غيرك مباشره لو بغيت



البيئه
تفاعليه ومتحرركه دائما كانك قاعد بكيل زون 2 , يوم تمشي في طائرات تضربك من فووق وفيه طائرات بتمر فوق راسك مبااشره واذا عندك نظام صوتي محيط بتسمع قووة المؤثرات الصوتيه فاللعبه , واحيانا الشخصيه المرافقه معك بيتقدم عليك فالمشي شووي والا طياره ضاربه صاروخ قدامه ويطيح ويلتفت عليك ويطلب مساعدتك ...الخ يعني شي جميل وغير روتيني مثل العاب الاربيجي الباقيه


الجرافكس
واااو على رزلوشن 1080p اللعبه فيها شغلات لاتووصف كانها CG فعلا التكستشرز على اجسام الشخصيات ممتازه وقوويه والاضاءه على الوجووه رائعه وتبين قووة الجرافيك فعلا لكن الاطارات فيها تقطع خاصة فالمعارك اذا اكنو الاعداء كثير والهجمات كثيره بتنزل عدد الاطارات الى 20 تقريبا والمعدل الطبيعي للعبه هو 30 اطار اعتقد


الموسيقى
ماكان فيه موسيقات كثيره لكنها جميله وخليط بين الروك والسمفوني


الانطباع النهائي this game roxxxxxxxxxx


فيه تعديلات لازم يكملونها فاللعبه وبعض المشاكل مثلا يوم يحشرك عدو كبير في زاويه ماتقدر تهررب منه خلاص بتعلق معاه لين ربعك يذبحونه وهالشي صار لي في معركة ثلج مع النمر الابيض والكاميرا مع انها ذكيه وتقوم باخراج سنمائي بنفسها الا انها احيانا تزعجك يوم تبي توجهها بمكان معين يعني تبي تشوف من وراك وكذا الكاميرا تلتف بس انها تكون مركزه على الشخصيه اكثر بحيث انها تغطي على الخلفيه وماتشوف اللي وراك وهالشي يصير احيانا مب دايما , وغير كذا اللعبه ممتازه وقوويه وطبعا ديموو مانقدر نحكم عليها بهالقسووه لكن ملاحظات لا اكثر =)



باقي الصور الي قدرت التقطها







فيديو

http://www.2shared.com/file/5394561/.../MOV00410.html

وشكرا للقراءه بحااول احط صور اكثر بعدين

[ShinGundam]

تسلم على الإنطباعات و لي عودة

[limited1]

يا جماعة وش هي فاينل فانتسي حرب ولا رعب؟

[ShinGundam]

يا جماعة وش هي فاينل فانتسي حرب ولا رعب؟

لا هذا و ذاك نظامها قصة خيالية مع تحكم بأكثر من شخصية عن طريق خيارات و اوامر
و كل شخصية لها قصتها أو أن قصتهم تكون رحلة

كينغ لو تكثر صور

[kingx11]

كينغ لو تكثر صور

بحاول بعدين اكثر الصور لكن فالمعارك مافيه الا فيديو والجوده عااديه جدا

وعلى فكرره تم اضافه فيديو للموضووع

تعديل :

فيديو - 2

http://www.2shared.com/file/5394746/.../MOV00411.html

[Mr_Bright_MOON]

يعطيك العافيه ... افضل شئ رجوعهم للـ ATP الكلاسيكي ...

[kingx11]

صور اكثر






صورت لسنوو كم صوره وطلعت كلها غلط *___*

[GT4 SKYLINE]

وش ذا هذي على الPS3 والا على الوي @@
او مقلل الجودة انت ومغير شي في الصور
شكرا اخي ^^

[KasiH]

مبروك ياكينغ على الديمو وتسلم على الانطباعات

وشي ثاني في المعارك هو ان الشخصيات الثانيه تقوم بالتحكم بنفسها اتوماتيكي يعني لو احتجت معالجه بيعالجونك الا اذا كانت الشخصيه ماعندها هالخاصيه بيطنشك وبيكمل هجوم وهنا يجي دورك وتسووي اوامر معالجه واذا اخترت 3 اوامر معالجه بتقوم الشخصيه بمعالجة نفسها اولا لين تكتمل الطاقه وبيعالج الي معاه تقائيا وتقدر تعالج غيرك مباشره لو بغيت

كنت احسب انك تتحكم ببقية الشخصيات مو بس " برق " طيب كيف شفت الذكاء الاصطناعي للشخصيات الباقية ؟

وبقية الانطباعات زينا كل شيء في اللعبة مبهر وممتاز يالله عقبال تاخذ النسخة اليابانية الكاملة " عارف انك راح تاخذها " XD

[KasiH]

وش ذا هذي على الPS3 والا على الوي @@
او مقلل الجودة انت ومغير شي في الصور
شكرا اخي ^^

الصور مهي واضحة شوف الفيديو على وضوح HD بعدين بتعرف اذا كانت على الويي ولا لا ..

[Almy09]

مبروك ياكينغ على الديمو وتسلم على الانطباعات



كنت احسب انك تتحكم ببقية الشخصيات مو بس " برق " طيب كيف شفت الذكاء الاصطناعي للشخصيات الباقية ؟

وبقية الانطباعات زينا كل شيء في اللعبة مبهر وممتاز يالله عقبال تاخذ النسخة اليابانية الكاملة " عارف انك راح تاخذها " XD

كاسح على حسب ما قرأت في الموقع الرسمي
انه بس الديمو تتحكم بشخصية وحدة بس اللعبة كاملة بتتحكم بكامل الشخصيات

أخ كينغ حابب اسألك اذا في سمنر بالديمو و اذا فيه تقدر تصوره فيديو ؟

[ShinGundam]

كاسح :
في الديمو إنت تتحكم بشخصية وحدة بس لكن بالنسخة النهائية راح تحكم ب3 شخصيات و الذكاء أو صعوبة
فهذي لنسخة النهائية لأن في الديمو مسهلين كل شي لغرض التجربة فلا تتوقع عمق كبير

سؤال لك يا كينغ أبي إجابة : هل في فرق بين XIII و الـVersus من ناحية الجرافيك ؟ في النهاية
هم نفس المحرك و على نفس الجهاز فبغيت أعرف هل في فرق ؟

[KasiH]

اها على كذه كويس لما قال ماتتحكم بشخصية وحدة بس قلت ليش كده لكن دام النسخة الكاملة
تتحكم بالجروب كامل شيء طيب جدا كذا الجيم بلاي 10\10 !!

[.::RaK_BoY::.]

اخوي كيف انزل الديمو؟

نسيبي عنده البي اس اليابانية بس مب لاقنها

[ab..d]

كاسح :
في الديمو إنت تتحكم بشخصية وحدة بس لكن بالنسخة النهائية راح تحكم ب3 شخصيات و الذكاء أو صعوبة
فهذي لنسخة النهائية لأن في الديمو مسهلين كل شي لغرض التجربة فلا تتوقع عمق كبير

سؤال لك يا كينغ أبي إجابة : هل في فرق بين XIII و الـVersus من ناحية الجرافيك ؟ في النهاية
هم نفس المحرك و على نفس الجهاز فبغيت أعرف هل في فرق ؟

روح شوف التايليتر حق VERSUS الي نزل في الديمو وقارنه مع جرافيكس الديمو حق XIII وبتعرف