مســآء التوليـب
وحشتونـي والله وكل الي راسلوني فقدتكم من قلب قبل تفقدوني لبي قلوبكم ماتـقصرون
ذي مجموعه مذكـرات من جـوالي .. يعني قصيره وكذا بحكم انـي اكتبها في الجـوال ..
/
وجهي ؟! من كثر الدمع صار بقاياه ! دموووع أحرقت خدي وعيت توقـّف ..
وش بلاه دمعي حار ( كن كل دمعه لحالها تبكي ! )
وش ذا التفكير .!? أفكر في وجهي والدموع ..!؟
- ألم دايم..! جرح متعود ..!
وأهيج وأبكي من جديد والمشكله مافي جديد .!!
انا مثل ما انا و أخر ما قتلني فوق ما إني بقاياه ..
ذيك الي وعدت ماتكون مثله .. وراحت وراه ...!
كل صباح .. أحط يدي على قلبي .. هو به نبض ولا خلاص مات مثل الاحساس ..
ياقلب للحين لك نفس تدق .. للحين لك نفس تعش ..!
والقى نبظاته سريعه .. نبضته تذكرني جروحي (وأحس) وأموت شهق وبكي .. وقف وقف .. وقف عسى جروحي توقف ..!
استغفرك ياربي بس معاد فيني حيل اساير هالحياه ...
إختنقت إختنقت إختنقت اتنفس كذب وظلم البشر ...!!!
------------------
قسيت .. ولقيت ان راحتي في قسوتي ...!
كذا صرت معاد اهتم .. وش ابييك .. انت بالنسبه لي هم ..!
لم كل الجروح الي بداخلي لو هي تلتم ..!
وعد كم طعنت وكم مني تالم ..!
وتلومني يوم من دورسك أتعلم ..!
هيهات اعديها وهي حتى في حلومي تمر علي وتسلم ..
تجمل .. وابتعد قبل تئلم .. ما ابي اذوقك من الحكي سم ..
وانا ترى لي قلب ( حي ) حتى وهو يجّرّرّح يرحم ..
-----------------------
اقسى من أنك تجاهلني كل شي فيك يذكرني ..
المكان الي ضحكنا فيه واثرك فيه تجاملني .. !!
صادق الود ما ينسى ليت التناسي مايذكرني ..
اقول بنسى والقاني ارجع لاول يوم فيك جمعني ..
عهدي على وعدي على كلامي ما يغيرني ..
زمان فيه يتشابهه عدوي وأقـرب خلاني ..
ترى والله مصدوومه ابيك تقرب تفهمني ..
هو معقول ان الطيب ينقلب ضدي ..!
علمني .. وخلني أمشي طريقي ولعاد تكلمني ..
يكفي الصد ياصاحبي بدون اسباب يوجعني ..!
-------------------------
لا تنزل دموعك يا عيوني عبث ..
امسحيها .. محد يستاهل ..
و لا عاش من هو يبكيها ..
انسي هالبشر ..
و لو مشاعرهم حجر..
لو سمعتي الكلمه جمر ..
لا تنزل دموعك ياعيوني عبث ..
أقهريها وسطك ياعيوني ..
لاتذرفيها .. ترى عالمي قاسي .. ان شافها ما رحمها لامني فيها .!
عيشي الفرح لو ماهو فرح ..
يكفي سرآح ..
يكفي جرآح ..
اضحكي لو الضحكه غصب ..
ترى السعاده ماتجي .. يا نجيها يا تعيش العمر كله تحتريها ..
( عيشي العمر لين القهر يصير ماهو قهر ) ..
يصبح معنى جميل .. لو الجمال فيها مستحيل ..
خلي المحال .. شي(ن) يصير .. بس لا تذرف دموعك هدر ..
-------------------------
في ايكيا ...
هل السعاده تغير النظره المجرده للاشياء مابالي أرى كل شئ رغم جماله مثلي حزين ..
سؤال تبادر بذهني وعيناي تراقبان بتامل القطع السويديه الحزينه !
حاولت الإختيار تحت ضفظ وإلحاح شديد ..
كم انا منسقه ديكور سيئه او بالاحرى كل القطع لدي سواسيه كلها بنظري حزينه
رغم إني في الفتره الاخيره وجدت تفسيرا للاحزن الساكنه بي
وعدم قدرتي على تقبل الواقع وهو أكيد ليس كما قالت جدتي *عين وماصلت على النبي * !
إستوقتني لوحه مباني شاهقه وأخرى محطمه تاملتها بتمعن وجدتني فيها ..
تذكرت بعض المقلات و تعليق ( قبل / بعد ) ..
لنتابني نوبه الإنفصام تلك (نص دمعه ونص إبتسامه )
أكملت تجوالي شارده الذهن يقطعه إنقطاع نقاش من معي حول التنسيق وما إلى ذلك !
إلتفت لأجدني ضائعه .. و ما الفرق انا ضائعه بهم وبدونهم ..
هدوء غريب امر به ..كل شي ساكن رغم العاصفه هل وصلت لمرحله التبلد الحسي
كل المعادلات وردات الفعل الموجبه والسالبه كل ما كنت أقاتل من أجله لم يعد يهمني ألان لاشي في داخلي سوا البرود لم أعد أحس ولا أريد ان أحس !
تبعثرت افكاري التي تعبت في ترتيبها صوت جوالي .. يالإزعاج !!
اين وصلت !؟
إحساسي المغتال ...
هل وصلت لمرحله النضج الفكري أو التعب النفسي !
أمنيتي اصبحت زياره طبيب نفسي ليجعلني اتكلم ..حتى مع نفسي أصبح البوح صعب ..
و لكني ايقنت إن الإنسان المتكتم او الغيور على أحزانه
له لحظات ضعف تشابه إنتزاع الروح و ينهار لشخص
وعندما يكون الانسان أو هذا الشخص متبلد الاحساس
و أنت في قمه إنكسارك من جروح إعتنى بها الكتمان بعنايه فائقه لن تتحدث عنها أبدا ..!
له ولغيره .. لو هو سببها .. هي لي وتوجعني و ترهقني فلتحترق وتنصهر بي !
ربما أكتب كتاب بصدد هذا الموضوع لتكن اوراقه جليد وحبره دم .. وعنوانه .. ( موت بطيئ )
--------------------------
ورده عمرها 3 سنوات ..! بعمر ذيك الطفله الي تركض ورا اخواتها ..
بين طيات كتابي لقيتها .. وعيت الدمعه تجف كل ماشفت (مها)
تضحك لي وانا اتعبتني الذكرى مع ضحكاتها ..
أذكر ليل .. وأنوار هالمدينه شهدت ميلادها ...
( إشتقت لذيك الكف الحنونه الي صفعني بها )
سئلتها .. تعرفين منهو أبوي ؟.. هزت راسها بـ معنى : لا ..
قلت طيب تعرفين وشو معنى الموت ..هزت راسها بنفس المعنى ..
قلت ابوي والموت وآحد .. بس ان الموت حق وابوي ما صدق ..!
كنها ملت من كلامي .. وتبتسم وتاشر على ملامحي ..
قالت بصوت مقطع .. إعندي لٍيٌالْ .. ناظرت يدها الصغيره
( وفيه ريال يشتكي من كثر ماهي مجودته )..
قلت ريال ..!? وش تبين تشترين فيه ?..
قالت ابي عثكليم و بثي و بثكوت وو... - ابي ايس كريم وببسي وبسكوت -
قاطعتها بضحكه وكل هذا يجيبه ريال .! ..
وراحت تركض ورا اخواتها ! وصرت اضحك على موضوع ( الريال ..! )
-----------------------
لحظه .. وش الي صار .. ابي استوعب انتهى كل شي .. وصلنا لاخر المسار ..!
في لحظه وحده تقول هالكلام .. وين الدقايق دقيقه دقيقه وين ساعاتي وين السنين الي عطيتك ..!؟
طيب ردها لي و اعطيك الي تريده ..!
من سمح لك تبدي كل شي وتنهيه على حساب مشاعر إنسان ..!!
تدري وش معنى انسان ..!! لك مده اناني ماتشعر إلا بذاتك يا عاشق الذات ..!
دمرني برودك .. اتعبني جحودك .. وفوق هذا جاي تقول قبل الوداع !! وش قبله لا صار نهاياتي معاك .!!
لي نهايه .. قبلك اغتالها ماضي حزين ! وحلفت ما أمشي طريق ( النسيان ) ..!!!
انا ما احبيت بالساهل وانت دارس هالكلام ..!
ولا قلبي مقابر كل من راح دفنته .. وواسيت قلبي بـ مات!!
وش فيك .. يوم عطيتك حبي تخليت .. ولا خلاص وصلت لصعب المنال ..!!
ومن الحين لا تشتاق ..!!!!
لاني وصلت لاول فلسفه في دنيا الغرام وبعدها (ينطم) كل من قال عباره (خلوني أحب ) !!
الغرام وداي في جهنم .. وجهنم كلها لا حبيت كذاب ..!
---------------------------------------------
عذرا على التنسيق السيئ ..
اتنمى ان تروق لكم ..~
المشاركة الأصلية كتبت بواسطة UDK
