نقاش : البنات والفيديو جيمز !؟
سؤال يطرح نفسه .. ليش البنات ما يهتمون في العاب الفيديو جيمز ؟
قد يقول البعض فقط العرب منهن , صحيح العرب نسبة بناتنا شبه صفر... على عكس الأجانب
نقدر نقول نسبتهم 10% مقابل 90% للشباب..
لو لاحظت في المحلات تلقى بين كل 20 شاب يدخل .. تدخل بنتين تشتري لعبة معينة
وحتى لو حصلت بنت تحب الفيديو جيمز راح تلاحظ اهتمامها محدود بالألعاب ولا عندها فكره
عن الشركات والعابهم او اي شي.. بمعنى آخر كاجوال جيمر ..
البنات انواع منهم الأوف لاينر .. وهم غالبا شلة الأربيجي وسلسلة فف خصوصا
تلقاهم سافطين الجهاز بالبيت ويشترون لعبة فف وتقعد عليها سنين لين الجزء الثاني للسلسلة
بنات الكاجوالز هالنوعية ما تعترف في شي اسمه تحدي ..لو خسرت ما همها!
ونلاحظها دائما تحب العاب الguitar hero على سبيل المثال .. وغيرها من نفس النوعيه
ولا ننسى دور البلات فورم والعاب الأركيد .. وغيرها من العاب الي حازت على رضى البنات
من اهمها little big planet و viva pinata من هذا الجيل ..
بنات الهاردكور جيمنج وهي الطبقة القلة منهم ..
وهي الي تتميز عن باقي البنات بأهتمامها بكافة اخبار الأجهزه والألعاب
وهي الي تكون من البنات الي تخليك تعتزل عن اللعب بعد الخساره ..
كونك شاب مهو ضروري يعني انك افضل منها .. اهي راح تعلمك البنات هم الأفضل
وهذا هو شعارهم المتداول girls can play games الخ ..
وهي عاده تندرج ضمن كلان معين بين شباب في الأون لاين
نراجع عيوب العاب الشباب او ما سبب عدم اعجاب البنات في العابنا
1- العابنا فيها بعض الأغراء للشخصيات .. وهالشي قد يثير إشمئزاز بعض البنات ..
2- عدم تشجيع الشباب للبنات اثناء اللعب.. على سبيل المثال... لو مجموعة من الشباب طايحين
يلبعون kill zone 2 .. وبينهم بنت تلعب , شنو ردة فعل الشباب؟
راح يضحكون عليها للأسف بدل ما يشجعونها ..راح تحصل كلام مثل " انتي ما تعرفين تلعبين " , "هاللعبة اصلا مو حق بنات " , " وكلام بذئ من ناس صايعه "
3- الدموية الزائده هل يعتبر عيب مثلا
في النهاية المفروض احنا نشجع البنات على اي نوع من الألعاب دون السخرية منها كونها بنت
حتى في الألعاب الدموية .. وبس هذا الي عندي بخصوص هالموضوع..
أسألة نقاشية ..
- هل لديك احد من خواتك او العائلة تهتم في الفيديو جيمز والى اي مدى ؟
- هل انت من اللذين يساندون في تشجيع البنت على اللعب او العكس تسخر منهم ؟
- سؤال للبنات فقط .. من اي صنف من اللاعبين تندرجي ولماذا اخترتي هذا النوع من الألعاب ؟
الي عنده شي يضيف او نظرية خاصه بخصوص " عدم اهتمام البنت للألعاب ياريت يعطينا رأيه "
؟ , يعني كأن الجيمز موجه لأولاد فقط ؟؟ , فيه بنات افضل كثير منا , ويلعبون العاب موجهه للكبار زي ريزدينت ايفل و ميتل جير سوليد و سايلنت هيل و ديفل ماي كراي ومبدعين ومهتمين فيهم اكثر منا , اصلا اذواق البنات ( الـ gamers ) حسب ما اشوف افضل من اذواق اغلب الذكور الخايس الي اغلبهم مهتين بس با الـ fps و gta وهذه حقيقيه ! , كمان فيهم المهتم بعالم الـ rpg و رائعين فيه وياما شفنا مواضيع منهم عن نوعية هذي الألعاب , اما لو كنت تقصد البنات الصغار الي توهم داخلين في الـ games فهذا شي ثاني 
, اما العائله و الأقارب فيهم الكثير يحبو الـ games ومتعمقين فيه !
لكن غالبا اشوف الـ PSP والـ DS والـ Wii مناسب لهم اكثر خاصة للبنات الصغار ,,
!!! ))