الموضوع الرسمي | FAT Princess - Cakes for Everyone - تسجيل حضور للتجمع

[Lonely Hunter]

ها شباب

اليوم بتتجمعون ولا يوم ثاني ؟

[rare games]

ان شاء الله اليوم شباب بعد

امس كلمنا انا وياماتو ووايت نايت وtyik mikk ليه الصبح

[الصهيبي]

شباب انا الصراحة اول يوم اعرف بمرحلة كرة القدم في هذي اللعبة وناسة واهداف وقتل هههههه سامحونا ودي اشاركم التجمع بس النت عندي ما يساعد وكمان منتظر التحديث لعل وعسى تتحل المشكلة

[The Last Lombax]

last lombax

مبرووك اللعبة

Fixed

الله يبارك فيك

كان ودي ألعب معاكم اليوم بس عيوني مقفلة على الأخير >>>>>> باختصار مواصل من أمس كأنه عندي اختبار

ممكن ألعب معاكم + عندي مايك
ياويلك يا ياماتو مني تشيل الأميرة من قدام عيني

بالمناسبة أنا أول مرة بستخدم المايك لذا لدي بعض الأسئلة :

س1 / راح نتكلم أنجلش ولا عربي ( سؤال يهمني جداً ) ؟
س2 / ننادي بعض بأسمائنا الحركية حق المنتدى ولا أسمائنا الصجية ( الحقيقية ) ؟
س3 / راح نلعب زي أمس ولا بنلعب soccer ???

[KasiH]

ياشباب وين مرحلت الكوورة هذه ماشفتها ؟؟ ومتى راح تلعبوا اليوم ؟

[Tockuchi]

عندي سؤال؟
ليش لما نلعب اشوف بس الزعيم و كاسح و لونلي هانتر حاطين اساميهم فوق شخصيتهم؟

[Yamato]

لومباكس.. تعيش وتاكل غيرها

انا بكون اونلاين حاليا

[The Last Lombax]

أنا بدخل بعد نص ساعة أن شاء الله ألقاكم كلكم

[Tyki Mikk]

أنا بدخل بعد شوي ^^. أهم شي اللي بيصير الهوست يخلي العدد قليل 10 -12

[powerguy]

ياشباب انا اشتريت اللعبة من الستور ولعبتها في طور السنجل..

وراح ادخل اون لاين معاكم بس ياريت تضيفيوني شباب

هذا الايدي حقي :
luffy_2011
===============

سؤال:انا عندي انترنت شامل واشبك فالسوني بالوايرلس..الاشارة عندي قوتها ٨٠% ياترى تتوقعون بيكون عندي لاق او لا؟؟

وياريت موقع يراوينا شرح للعبة وطريقة اللعبة والتكتيكات..والسمووحة

[الصهيبي]

ياشباب وين مرحلت الكوورة هذه ماشفتها ؟؟ ومتى راح تلعبوا اليوم ؟

اعمل creat game
وروح عند الخرايط بتحصل اخر وحدة اسمها سوكر هذي هي

(عادني الان خلص الستوري مود ^_^)

[3zoz.3mf]

شباب بالله اللي عندو اللعبة يعطيني يوزرو ويخليني احملها
انا من اول ادور واحد يعطيني هيا

[DREAMCATCHER]

كاسح عندي سؤال ، ليش دايما ادزلك رسايل وساحب علي سيفون ماترد؟ ):

وللاخ الي يطلب شيرنق ، معليش بس انت مسجل عضوية جديده ومحد يعرفك وتتوقع بنثق فيك ؟!


سلام

[KasiH]

اعمل creat game
وروح عند الخرايط بتحصل اخر وحدة اسمها سوكر هذي هي

(عادني الان خلص الستوري مود ^_^)

كنت ابغى العب معاكم بس لقيت كل واحد يلعب في جيم لوحده قمت لعبت الستوري مود وخلصتها اخر
شابتر طول كثير يمكن اخذ اكثر من ساعة بس عشان اخطف الاميرة -__-

كاسح عندي سؤال ، ليش دايما ادزلك رسايل وساحب علي سيفون ماترد؟ ):

دريم والله مو مطنش رديت عليك قلتلك ماراح العب اليوم .. وعادة تلاقيني العب ومنسجم وماقدر اوقف
وبعدين انسى ارد >_< المعذرة والله ابدا ترى ماقصد اطنش ..

[Modi]

احد الاخوان جزاه الله خيراً<-- وش فيه قلب فصحى XD

اعطاني اليوزر حقه احمل اللعبه .. بس مو متحمس لها
قالي ان فيها مشاكل ولاق وما ادري ايش ؟؟

الليله احاول العبها .. اذا فيه روم او قروب علموني