[ WTF 9/8/09 ] ألعاب عظيمة لكن محد يلعبها !!

[King36o]

بسم الله الرحمن الرحيم

//

هلا بالشباب

قسم الأكس بوكس هالأيام يذكرني بأيام الثانوية

واحد اثنين شطار و الباقي نيام

لكن لكل واحد ضروفه

المهم ندخل في سالفتنا

الموضوع عبارة عن توب 5 لـ "كما في العنوان"

و نبدأ التوب بالمركز الخامس

\\

- 5 -

Burnout Paradise



طبعاً هي تعتبر من افضل العاب السيارات في الفترة الأخيرة

و لكن لما تلقي نظرة على الفرند ليست عندك اقطع ايدي اذا شفت احد يلعبها

//

- 4 -

Fable II



هاي اللعبة بالذات قبل لا تنزل كانت مسوية بلوة علينا

كل من يقول افضل علبة في السنة و سوالف لكن الآن ... ما اشوف حد يلعبها

\\

- 3 -

Halo Wars



الألعاب الأستراتيجية ما تصلح الا على الكمبيوتر ماوس و كيبورد

لكن على الكونسل تصير مملة بعض الشيء ,, و النتيجة ,, محد يدري عنها

//

- 2 -

GTA IV



اللعبة تعتبر GOTY لسنة 2008 و لكن محد يلعبها حالياً

اضن ان السبب الوحيد الي يخلي الناس يعلبونها هو الـDLC

من The Lost & Damned الى G** Tony مادري شسمه

\\

- 1 -

Fallout 3



هاي اللعبة سوت ضجة في المواقع الشهيرة مثل غيم سبوت و IGN و غيرهم

بسبب النجاح الكبير الي شهدته اللعبة

و لكن حالياً محد يلعبها مثل البقية الي فوق

//

الخلاصة : كيف حصلت GTA IV و Fallout 3 على هذا القدر على الجوائز

مع ان الناس ما لعبتها الا أقل من نص سنة, عكس ألعاب طويلة العمر مثل Halo 3 رفيجتي

\\

و نشوفكم على خير مع توب 5 جديد

WTF = Weekly Top Five

//

تقبلوا تحياتي و شكراً

[FARES360]

لــــو سمحت هاذي شيلها من القائمه..
لأنه صارلي يومين العب فيها ..وطلعت جم أجيفمنت منهم two bugs better than 1
وهم خذيت مال الskrimish .. وودي اخذ أجيفمنت الco-op
بس مافي احد ناوي يلعب وياي من اول اللعبة لأخرها قعدة وحده
.

[prev]

1 - burnout العاب سيارات سباقات ماحبها احسها مملة مافيها شي يتجدد او شي مثير .

2 - فايبل لعبت نصها ووقفت حسيت اني جالس اضيع وقتي فيها وان فيه العاب غيرها تستاهل اني العبها احلى منها
الاثارة فيها معدومة .

3 - هالو ووز زي ماقلت انت استراتيجية ماتصلح الا على البي سي زي Age of Empirs

4 - GTA IV مشكلتها التحكم بالسيارة ابي آخذ لفه بالسيارة الاقي السيارة تلف 270 درجة

5 - Fallout 3 اللي صار لي فيها شي يضحك خط الحياة باقي منه نقطه وحده وطلعت من باب وسوّّا Auto Save
صرت كل ما اسوي لود جيم تبدا على الطلقة ويموت وارجع اعيد , والمشكلة التخزينة اللي مسويها انا في بداية اللعبة يعني لازم اعيدها منها من البداية هذا الشي مخليني اوقف عنها الحين لين الاقي حل لها

[زغاليلو]

الصراحه هذي الالعاب اللي عجزت ألعبها أحس أنها مضيع للوقت وبايخه من وجهت نظري.
توقعت dead space من ضمن القائمه لأنها من أحلى الالعاب اللي لعبتها في حياتي طلعت كل Achievements بس محد يلعبها أو تكلم عليها.

[EVIL KNIGHT]

الألعاب هذي كلها حلوة بس بأجزائها القديمة
لأنه اللعبة من وجهة نظري لمن يصيرلها اكثر من جزء تصير مملة طبعن هالكلام ما ينطبق على كل الألعاب
مثلن fable اتذكر كانت من افضل الألعاب على الاكس بوكس القديم وكنت كل ما ادخل لايف احصل 3 أرباع اللي عندي بالفريند ليست يلعبونها بس الحين صارت شوي مملة ومافيها حماس

[فاينل فانسي]

Evil Knight أنت كلامك صح 100%
الألعاب هذي كانت مخيبة للآمال
أنا لعبت ثلاثه منهم
Fallout 3 ما لعبتها , شفت طريقة لعبها بالإنترنت وشفتها كثير دموية (واحد تتقطع إيده أو رجله ) فما شريتها

و Halo Wars الصراحه أنا مو معجب بأي لعبة في سلسة هالو ( أظن أن إلي يملكون جهاز الإكس بوكس مكبرين سالفتها , هي ممتعه جدا (لعبت هالو 3 بس) , لكنها لا تقارن ببقية الألعاب )

Burnout paradise , بسهوله تدعم السيارات , وإذا دعمت سيارتك تقعد محطمه إلى أن توديها حق المكان الي يصلحها ( محد يبي يمشي بسيارة منكسرة طول اللعبة ) (Burnout 3 على الأكس بوكس الأولى كانت من أفضل الألعاب إلي لعبتها )

GTA 4 , سيارات غير معروفة والقياده فيها غير ممتعه , والتفاعل الي باللعبة بين اللاعب والكمبيوتر سيء لآخر درجة ( إلي يلعبون هذي اللعبة بس يحبون يسرقون السيارات)

Fable II , يوم سمعت إنها بتنزل فرحت , قلت إنها بتكون أفضل من فابل الأول , لكن كانت مخيبة أيضا (ممتعة لكن ليست نفس فابل الأول)

بإختصار ألعاب الإكس بوكس 360 كلها مخيبة للآمال
أنا شريت الأكس 360 لأني كنت أملك الأكس بوكس الأولى
والأكس بوكس الأولى كانت فيها الأجزاء الثانية للألعاب إلي كانت في الDreamCast (جهازي المفضل )
نفس Shenmou , Jet Set Radio , Crazy Taxi , Dead or Alive و غيرها
ألحين ما في غير DoA4 ( ومخيبة للآمال أيضا )

الأكس بوكس 360 خسارة للفلوس (عندي الإكس 360 , لكن ألعب بال PS3 حقت أخوي)

[prev]

الأكس بوكس 360 خسارة للفلوس (عندي الإكس 360 , لكن ألعب بال PS3 حقت أخوي)

غريب يافاينل فانتسي أنا عندي الجهازين من وجهة نظري الـ 360 افضل من الـ PS3 بمراحل
ماتكلم بتعصب لأي جهاز لكن الواقع اللي عايشينه يثبت

[فاينل فانسي]

غريب يافاينل فانتسي أنا عندي الجهازين من وجهة نظري الـ 360 افضل من الـ PS3 بمراحل
ماتكلم بتعصب لأي جهاز لكن الواقع اللي عايشينه يثبت

بمراحل ؟ ال Blu-ray إلي بال PS3 يخليه أفضل من Xbox360 بكثير
إذا ما صنعوا جهاز إكس بوكس جديد , راح يكون هذا مستوى الألعاب دائما
في كم لعبة أعادوا تصنيعها بحيث ينزلون مستواها عشان يقدرون يحيطونها على الإكس بوكس

لكن أنا ما كنت أتلكم عن الأجهزه , كنت أتكلم عن الألعاب الموجودة في كل جهاز
الألعاب الممتعة الي لعبتها في الإكس 360 موجوده في ال PS3
وال PS3 تملك ألعاب ممتعه أكثر , أما بقة الألعاب الحصرية الي في الإكس بوكس مو عاجبتني أبدا

بالنهاية كل واحد وذوقه , إلي عاجبته الإكس 360 يلعبها وإلي عاجبته ال PS3 يلعبها
أنا يمكن راح أخلي الإكس 360 حق ال Originals إلى أن ألقى لعبة حلوة

[prev]

أحترم رايك وذوقك يافاينل فانتسي
واختلاف الاذواق لايفسد للود قضية
الـ 360 ماظن بيجي فيها بلوراي لأن البلوراي حقوقه لسوني ومافي شركة تقدر تستخدمه الا بإذن من سوني نفسها يعني اظن مايكروسوفت بيبطون إلا اذا جابوا شي غيره

عموماً انا العب الأثنين الـ PS3 و الـ 360 وكلها لها تقدييييييييييييير كبير عندي

[بحر الورود]

HALO وبس و الباقي F

[Rob Lucci]

- 1 -

Fallout 3



هاي اللعبة سوت ضجة في المواقع الشهيرة مثل غيم سبوت و IGN و غيرهم

بسبب النجاح الكبير الي شهدته اللعبة

و لكن حالياً محد يلعبها مثل البقية الي فوق

//

الخلاصة : كيف حصلت GTA IV و Fallout 3 على هذا القدر على الجوائز

مع ان الناس ما لعبتها الا أقل من نص سنة, عكس ألعاب طويلة العمر مثل Halo 3 رفيجتي

أفضل واضخم لعبة حتى الآن في عالم الالعاب

انسوا اي لعبة فرانشايس , وفوق كذا كنت اقول فار كراي 2 افضل لعبة , الا ان يوم لعبت فول أوت 3 عرفت اني كنت مخطئ BP

هل اللعبة تصدت للكل بكل بساطة والسبب روعة اللعبة ومدى طول لعبها لساعااااات طويلة ..

[AL- M a T a D o r]

هذى اللعبة لعبتــه آول ماصــدرت وتوقفت عن لعبة

هذى اللعـبة مارتحتــلها وما أعــتقد آني آقضي وقتي في لعــبها

آتــوقع آن الكــل يلعــبها

لكن نسيــــت

[kungfu scott]

هههه انا العبهم عندي كل الألعب هذه الا Fall out عندي بالكمبيوتر بس مو عاجبني

[Tetra]

السلام عليكم ... كما قلت كل واحد له ظروفه مثلي انا خرب حاسوبي ^^



جنان هاللعبه والله ... من كم يوم مخلصها وماني مصدق اني خلصتها صيارات اكثر من رهيبه اللعبه ككل تستاهل الخير كله واعطيها 9./10

[عاشق xbox ‎360]

انا ماعندي غييير هالو ورز خخخخخخ