انا قست نفسى على جهاز لقياس بعض النسب وهو دقيق للغايه
واظهر النتائج كالتالى : الطول 176 سم الوزن 130 كيلو اعزكم الله دب قطبى يعنى
مقاس الوسط 123 سم قطر الرقبه 39 سم
كما اعطى النتائج التاليه
BODY MASS INDEX 42.0 KG/M2
WAIST -TO-HEIGHT RATIO : 0.70
PERCENT BODY FAT : 38.5%
LEAN BODY MASS : 80.0KG
طبعا انا ولا فاهم حاجه غير انى عاوز اعرف نسبة الدهون ف الجسم واعتقد انها طرح ال 80 من 130 يعنى 49 كجم يعنى شيكارة اسمنت اعزكم الله انا شايلها وماشى بيها تخيلوا
المهم طبعا انا ماشى على التفاح الاخضر والزبادى والخيار وعلبة التونة وسعات شوربة خضار مع قطعتين لحم بقرى
وبديها ميه ومع الرياضة ان حاجة تنزل غير ال 5 كيلو اللى نزلتهم من اسبوعين ابدا
سمعت عن ليبو 6 بلاك بس انا بخاف من الحاجات دى عشان مش هعالج مشكلة بمشكلة تانيه يعنى
مش عارف اعمل ايه بتدرب كل يوم انا عاوز انزل 20 كيلو قبل منزل مصر يا جماعة الخير فاضل شهر والعد التنازلى بدأ
قلة الحركة ف السعودية وكل حاجة سيارة وشغلى مكتبى خلانى ف سنه كسبت 30 كيلو حرام والله
اعمل ايه ؟؟؟؟؟؟؟؟؟؟؟؟؟؟؟؟؟؟؟ كلة بيقولى امشى على ريجيم كويس معتدل والرياضه انا كده كده مش هسيب الرياضه تانى ابدا لحد ما اموت انشاء الله لان البعد عنها كارثة اساسا
بس عاوز حل سريع ينزلنى انشالله 10 او 15 كيلو المهم انزل مصر قريب مما كنت عليه لحسن الحج يضربنى بالنار
ولكم جزيل الشكر
