السلام عليكم
في البداية احب أهنيكم بحلول شهر رمضان المبارك اعاده الله علينا وعلى الأمة الاسلامية بالخير واليمن والبركات.
طبعاً اخوكم من الامارات واستخدم خط الشامل 4م ب والظاهر ما بنخلص من مشاكل الانترنت اللي صارت موسمية عند ربعنا "اتصالات"
صارلي اسبوع وانا اعاني معاناه عجيبه .. اللاتنسي واصل عندي 600 ومرات يوصل 900 ومع العلم انا في سيرفر normal pve وبما اني واريور تانك فهذا الشي يزيد من الازمة
اول يوم قلت ماعليه يمكن المشكله في السيرفر بنشوف لين بكره... اليوم الثاني ماصار اي تحسن واتصلت في حبايبنا "اتصالات" وكالعادة ! Line reset .. الله وكيلكم ما يعرفون شي غير الريسيت هذا!
اليوم الثالث اتصلت فيهم مره ثانية قلت عل وعسى احصل واحد ولد حلال يشوفلي شو المشكله ... لكن للأسف طلعلي واحد من جماعة الـ Line reset.. قلتله ياخي اذا في مشكله عندكم او صيانة ولا سمك القرش اتسحر على كيبلاتكم قولولي عشان انكون في الصورة .. قال لا ابداً مافي اي مشكله!
الظاهر موظفين الدعم الفني على قولت اخوانا وحبايبنا السعوديين : ما عندهم ما عند جدتي لول .. ولا عندهم اي خبر عن اي شي يصير حولهم ! ياخي خلك صريح وعامل المستخدم بشفافية وخلوا عنكم اللف والدوران!
ولين يومكم هذا والمعاناة مستمرة....سألت واحد من الشباب في الامارات وقالي عنده نفس المشكله..
فياريت الشباب اللي في الامارات يخبرونا كيف اللاق عندهم عشان نتأكد من وين المشكله بالضبط.
خارج الموضوع : والله نحن في الامارات نعاني معاناه في الانترنت.. شركة وحده محتكرة المجال هذا ومافي عندك خيار ثاني .. فالحبايب مش مفتكرين في المستهلك وعارفين انه فالنهاية ماراح نلقى وسيلة ثانية! لا والاسعار خلها في صوب .. مستغلين الوضع وحاطين اسعار خيالية للانترنت. فرحانين بالـ 4 mb وتوهم بس ضافو الألياف الضوئية اللي توصل سرعتها 8mb و 16mb والاجار في حدود 600 درهم تقريباً وفوق هذا الخدمه مش متوفرة في كل المناطق .
الله المستعان
اخوكم بو هزاع
المشاركة الأصلية كتبت بواسطة ssoo4499
