سوني إيفينيوز في الكويت تقدم عرض خاص

[ShinGundam]

عرض خاص من سوني إفينيوز في الكويت PS3 slim بـ241$ أو 69 دينار حتى نفاذ الكمية



كم سعر السلم في حولي ؟

[meshale]

يبيله واحد .. يكون الفات حق اللعب او هذا حق الجز لوول

الصراحه اللي ما عنده بلاي 3 او ما خذاها ما عنده سالفه

او تعال صج جم سعرها ابحولي ( او بالرحاب )

[rare games]

السعر ممتاز جداً رخيص

ما توقعت توصل الاسعار عندنا ارخص من الرسمي

[ballamco]

ارخص من امريكا واوروبا :> والله الواحد ياخذه وحده ويتوكل على الله

[lil.devil.a7mad]

أوروبية صح؟

[صقـــر Q8]

اوووووف سعر حيل حلووو

[Kunio-Kun]

السعر جدا مناسبة الله يرحم أيام زمان على السعر.
في الرحاب Ps3 slim سعرها 100 دينار كويتي هذه على كلام الشباب.

كالعادة في الرحاب النصب , يصل أضعاف مضاعفة في كل مرة.
أنا لا اشتري ابدا من السوق فقط اعتمد على النت في الشراء , والله يحمي البلد من النصابين.

[ToUaReG]

آخر مره شفت سعره بالرحاب كان 120 دينار مع لعبه ..
بس السعر اللي بالوكالة حيل مغري @_@ ..

[The Last Lombax]

بسبعين دينار فقط !!!!!

يا حظكم يطلع بالريال 840 ريال
وفي عالم سوني ب 1350 ريال

شوفوا الفرق وأحكموا

[صقـــر Q8]

شباب نطرو اسبوع بطيح سعرها اكثر
.....

بصراحه سعرها حلو ورخيص تنفع حق الديوانيه قطيه من الشباب كل واحد 10دك وناخذ وحده خوووش مشروع لووووول

[you kill me]

حضكم السعر عندكم وايد حلو
انا قبل كم يوم رحت مول الامارات حصلت محل يبيعه قالي ب1800 درهم!!

[ToUaReG]

شباب نطرو اسبوع بطيح سعرها اكثر

يطيح سعرها عن 70 و 120 سعر الرحاب ..
بس لا تنسى انه العيد ياي يعني الاسعار بتشلع ..

[صقـــر Q8]

يطيح سعرها عن 70 و 120 سعر الرحاب ..
بس لا تنسى انه العيد ياي يعني الاسعار بتشلع ..

صح كلامك العيد ياي والاسعار بتزيد
بس ما اعتقد بتزيد عن 100دك
....

[Spartan Heart]

اي صح انا شفته وانا اقرا الجريده اليوم .. الوطن .. والله خووش سعر وخيالي الصراحة ... يعطيك العافيه على الخبر

[bader686]

70 دينار كويتي اذا تحولهم لبحريني يطوفون ال100 لا ؟