شرح ال Mobile Authenticator من اجل الحماية القصوى لاكونتك ..
السلام عليكم و رحمة الله و بركاته ...
انا حبيت اشرح كيفية استخدام ال Mobile Authenticator و اهميته حتى لا تقلق على اكونتك من الشياع مرة اخرى ...
اول شئ .. ما هو الMobile Authenticator ؟؟
ال Mobile Authenticator هو برنامج جديد نزلته Blizzard لاجهزة الموبايل و ال iPod و ال iPhones حتى تحل مشكلة الطلب المتزايد على جهاز ال Authenticator العادى ..
ال Mobile Authenticator يقوم بنفس مهمة جهاز Authenticator العادى بالظبط و لكنه يشتغل على جهاز Mobile او ال iPod و ال iPhones ..
و هو الحقيقة اريح بكتير من ال Authenticator العادى ... لان ال Authenticator ممكن البطارية تخلص ... او ممكن تنساهو سهل كسره ... على عكس موبايلك ...
ما هى فكرة Mobile Authenticator ؟
فكرته بسيطة جدا ... فبعد تسطيبه على جهازك يكون لكل جهاز Serial Number وحيد فى العالم خاص بهذا الجهاز فقط ...مثله مثل ال Mac Address اللى على ال PC بتاعك ..
و Blizzard عندها فى سيرفراتها هذا الرقم .. و تقوم كل 30 ثانية بعمل Generate ل passcode مكون من 8 ارقام ...
و ايضا على جهازك ستجد Passcode مكون من 8 ارقام يتغير كل 30 ثانية ...
و لكن كيف تضبط جهازك لكن يتوائم مع نفس ال 30 ثانية اللى على سيرفرات Blizzard ؟؟
فى السطور التالية سنشرح الخطوات اللى تتبعها لسطيب البرنامج و مزامنته مع ال Generator تبع WoW بنجاح ...
1-بعد ان تقوم بتحميل بتحميل برنامج Mobile Authenticator على جهازك افتح قائمة ال Menu بعدها اختار Setup
2-سيظهر لك Serial Number هو الخاص بجهازك انت فقط مثل هذا ..
3-بعد كدة تدخل على موقع Battle.net و تختار Add Battle.net Mobile Authenticator
4-بعد كدة هيطلب منك انك تدخل ال Serial Number اللى ظهر على جهازك ..
بعد كدة هيقولك مبروك ... انت شبكت اكونتك مع جهازك
الان نرجع لجهازك مرة تانية ...
بعد ما شبكت جهازك مع Battle.net من هنا و رايح اى مرة هتحاول تدخل فيها على اكونت WoW هيطلب منك بالاضافة للباسورد ... هيطلب كود مكون من 8 ارقام ..
5-هتختار View Code
بعدها هيظهر كود مثل هذا على جهازك ..
هتنقل الرقم ده و تكتبه ...
و مبروك انت دخلت الاكونت بتاعك ... بس خلى بالك الكود بيتغير كل 30 ثانية ..
يعنى لو الكود اتغير و انت بتكتب مش هيقبل دخولك ...
6-عشان كدة لو رفض دخولك اختار Resync حتى يعيد مزامنة وقته مع Blizzard
هى دى العملية بكل بساطة ...
نيجى بقى لشوية اسئلة ...
1- كم سعر ال Mobile Authenticator ؟؟
بالنسبة لاجهزة الموبايل سعره دولار واحد فقط .. اما اجهزة ال iPod و ال iPhones فهو مجانى
2- ماذا يحدث اذا ضاع موبايلى او خرب او حتى ذاكرته اتمسحت ؟؟
ينصح بشدة ان تعمل Back Up لجهازك على الكمبيوتر تبعك لتلافى هذه المشكلة .... و لكن اذا وقعت الفاس فى الراس ...
فما عليك سوى ان تكلم الدعم الفنى للعبة .. و هيردوا ليك الاكونت ان شاء الله بعد التأكد من بياناتك
3- ازاى الغى الخاصية من على اكونتى ؟؟
هتدخل على موقع Battle.Net و تطلب وقف الخدمة ... و لكن خلى بالك ايضا هيطلب منك ال Passcode الثمانى للمرة الاخيرة ..
بعدها هتروح موبايلك و تختار Reset
و بعدها سيعطى جهازك Serial Number جديد مختلف ...
و لكن احذر ... اذا عملت Reset قبل ان تفك ال Mobile Authenticator من على موقع Battle.net .. لن تستطيع دخول الاكونت ..
و ستدخل فى متاهة الدعم الفنى ..
و بكدة يكون انتهى شرحى ... و اتمنى يكون حد استفاد منه ...
اعتقد بعد كدة محدش هيكون ليه حجة و يقول الاكونت اتسرق او الاكونت اتهاك ...
فمقابل دولار واحد فقط .. تقدر تحمى اكونتك بنسة 99% (( او حتى مجانا لو عندك iPod ))
وحتى لو جهازك عليه 100000 كايلوجر و 1000 فيرس ... مش هيقدروا يسرقوك
الوسيلة الوحيدة التى يمكن بها سرقة اكونتك بعد ذلك هى ان يسرق واحد موبايلك و فى نفس الوقت يكون عارف باسورد الاكونت ... و كمان يكون عارف باسورد الموبايل لو انت مسويله باسورد ..
و اعتقد ده شئ صعب جدا انه يحصل الا اذا كنت منحوس
يا ريت يا شباب الجميع ينزل البرنامج ... لانه مفيد جدا جدا ... و هيخليك تلعب و انت مرتاح البال ..
تحياتى للجميع
المشاركة الأصلية كتبت بواسطة .SaMo.
)) 
