Major nelson يعلق على التبنيدات المستمره من اللايف

[FARES360]

من اول ما طلع الكوبي على الأكس واحنا عرفنا ظاهرة التبنيد من الأون لاين وتنحرم من اللايف
والي يعتبر 70% من متعة الجهاز نفسة ! .. ميجر نيلسون يعلق على سالفة التبنيد المستمر
والضغط عليهم بشكل حاد هذه المره عليهم ..ويفات قوية من التبنيد ومجموعات جديده تنضم الى قائمة السوداء .. وابديتات .. والحين طالعين بسالفة الدرايف الجديد للأجهزه الجديده... ما سبب كره مايكروسوفت لشباب الكوبي المسكين الذين يراودهم كابوس الباند في اي لحظة ( بسثناء الي حاط احتياطه شاري جهازين .. واحد اون لاين واصلي والثاني.. مطور اوف لاين كوبي لول ) , المهم .. رد قائلا ترجع الأسباب لأنهم يخالفون القوانين الموجوده في اللايف اللسته الطويلة الي محد قراها لما تسوي اكاونت. موجود هالكلام بين الأسطر لوول.. وغير جذي يقولك .. انه بزنز الgaming يعتمد على الناس الي تشتري الأصلي منهم يكسبون رزقهم ودخلهم .. لو لا هم .. كان الشركات ما شافت ارباح بالأساس من هالبزنز .. وايضا من اجل الناس الي تدفع اموال على الألعاب وغيرهم يشتريها برخيص او حتى ينزلها بلاش..


شوي اقتباسات من كلامه

The health of the video game business depends on customers paying for the genuine products and services they receive from manufacturers, retailers, and the third parties that support them

All consumers should know that piracy is illegal

violates the Xbox LIVE terms of use

that it's all for the sake of the community members that actively spend money on games

[King36o]

انا صحيح ان ضروفي ما تساعدني اشتري اصلي لكن انا اصلا ما اشتري الا الأسماء الكبيرة مثل غيرز و هالو و كود و فورزا و هالألعاب الي عادة تاخذ تقاييم اكثر من 9 أو خل نقول 8.7 عشان هيلو الأخيرة الي انهيتها في 4 ساعات
تم التصويت للخيار الأول طبعاً الشركة تستاهل المبلغ الي ندفعه

[bader686]

اللسته الطويلة الي محد قراها لما تسوي اكاونت..
- - - - - - - - - --
لوووووول ههههه هذي حلوة .. انه اشوف كلامه صح ..موب لازم الواحد يشتري 9 مليون شريط بالشهر يعني لعبتين او لعبه بالشهر اشوفها كفايه .. بالنسبة لي انه صرت العب اصلي و عندي 3 اخوان و اخت و كلهم جيمرز و يشترون العاب معاي ^_^ .. بس تصحيح فارس الاونلاين 99% من متعة الجهاز خصوصا بال360

بالمناسبة عندي سؤال هل الباند ايي بس من الالعاب المقرصنه او في اسباب ثانية بعد ؟

[FARES360]

^
انا قلت 70% لأنه فيه نوعية الي تحب الsingle player ولا ليس لها اهتمام قوي بالonline gaming ..
اما عن رأي الشخصي فهو 90% هههه

السبب الرئيسي
الباند اييلك من تطوير جهازك ... حتى حذر في المقالة بكوتاكو ..
قال بالنسبة للأجهزه المستعملة الي يشترونها الناس.. مايكروسوفت مو مسؤولة على تطوير الجهاز سابقا
فلي نييتة صافية ورايح يشتري جهاز مستعمل ويساند اصلي..فجأ باند وطلع جهازه مطور واهو ما يدري لوول..
فيفضل انك تشتري اجهزه جديده ومن اماكن رسمية..

اما اسباب اخرى فهي كالتالي :


Piracy/Theft
Cheating
Fraud
Phishing
Nudity
Sexually Explicit Material
Account Selling/Account Tampering

اعتقد هالمجموعة تعتمد على الFile review الي تحصله من الناس الي تلعب وياهم باللايف

[Tetra]

اقول
الباند مايجي بسبب ان الجهاز معدل او يشغل كوبي لا ... ولا ليش يبيعون اجهزه معدله من عندهم اقصد الموديلات اليابانيه تجي عالجاهز
الباند تجيبه مايكرو عشان الواحد يلعب لعبه بطريقه غير قانونيه واضح كلامي لعبه نزلت قبل الموعد لانه وبكل بساطه لما يلعب واحد لعبه غير رسميه وهو شابك الانترنت هدا تعتبره الشركه يتحداها وهدا غير لائق من جهة اللاعب على الاقل يحترم الشركه ويلعبها وهو فاصل الانترنت وهده الامور لا تخفى عن الشركه وهي تعلم بذلك وتقوم بتجاهله
شخصيا لاعب كوبي حتى اخر المطاف
لكن اخذ احتياطاتي طبعا واحترم الشركه واللي تبي تسويه هي حره حتى لو حطت بلانكا يحرص الكوبي وراها وراها .... انا ما اقصد اني ما اتعاون مع الشركه لا لاني اتعاون معاها غصبا عني لما اشتري جهاز والعاب حتى لو كانت كوبي فهذا يعتبر تعاون ومساهمة معها في تزايد مبيعاتها
في الاخير تطلع مايكروسوفت راضيه عن هده الامور وهدا الكلام من ماجور وغيره مجرد تمثيل لا محاله
يعملون هيك عشان يتبرؤن قدام الشركات الاخرى ويضهرو نظافتهم

[samoory]

تم التصويت لاول خيار . سأدلو بدلوي .

حقيقه مايكروسوفت في اعتقادي هي اللي تطلع الكوبي وبعلم الشركه كلها !! ليه ؟ انا اقولك السبب :
اولا : معقوله مايكروسوفت اضخم شركة برمجيات اللي تقدر تشفر برامج و مستندات لو تجيب اللي شفرها نفسه
مافكها لوول ..ماتقدر هذي الشركه انها تشفر العابها برموز صعبه جدا بحيث انه الهكر يحتار ومايفكها ! وان كان
استخدام الديفيديهات يساعد في عملية نسخ الالعاب لاكن ايضا بإمكان الشركه الاضخم الالكترونيا تشفر العابها .

ثانيا : تقريبا مع كل ابديت سنوي تأتي موجة باند ضخمه لانه مايكروسوفت تبدأ في تغيير صيغة العابها فيأتي صاحب الكوبي ويلعب بالصيغه القديمه دون علمه وياكل له احلى باند مثل ماهو حاصل الان تم تغيير الصيغ من wave 3 الى wave4 واغلب شباب الكوبي موقفين عند اللعبه اللي قبل تكن 6 لانه تكن 6 ومن بعدها تحمل
الصيغه الجديده ..الزبده من الكلام هذا انه معقوله مع كل ابديت ينزل تعديل جديد في غضون اسبوع على طول
ايش الهكر هذا العبقري معقوله مايكرو ماتصعب المسأله هذي وتخلي فك صيغة الاصلي الى الكوبي عملية مقعده
جدا بحيث يكون هي الوحيده اللي تفكه ..وهذا يرجعنا لسالفة انه مايكرو تحتوي على موظفين مهربين وفي خلال الاربعه او الخمسه السنه اللي مضت لم تكتشفهم !! .

على العموم الهكر وراهم وراهم والزمن طويل ..هذا اذا كان في هكر !!

[Tetra]

هذا اذا كان في هكر !!

والله كلامك صح
مافي لا هكر ولا هم يحزنون
مايكرو مطلعه فلم وتبحث عن الناشر

[bader686]

شباب اهو صحيح ان موظفين من شركة مايكرو سربو معلومات و برامج للقرصنه لكن هذي موب برضى مايكرو .. يعني بأختصار شديد في موظفين خانو أمانه الشركة

ثانيا صح ان مايكرو شركة قوية بالبرمجيات لكن معظم (اذا ماكانو كلهم )برامجها مهكره و موجوده بالنت حتى وندوز 7 ماسلم من الهكر و نزل قبل موعد صدوره

طبعا كل مازادو ملاك الكوبي قل دعم الشركة للجهاز .. بس مايكرو تقدر تقلب زمام الامور كلها بخطوة وحده و اهيه تغير مشغل الاقراص الي اهو الdvd

[PremaFrost]

والله شباب تبون الصج زين يسوون مع احترامي لجميع الشباب الي يشترون كوبي
اشتر اصلي وريح بالك منه تلعب ووووو كل شي
اكيد الكوبي يسبب خسائر كبيره للشركة المنتجة يعني انا اتعب على شريط سنه واقعد عليه صبح وليل عشان النسخه تكون ب 16 دينار وافضل مايكون, يسوونه كوبي على دينار او دينارين هذه خسارة كبيرة للشركة لاتلومونها مجبوره,
انا اشرطتي كلها اصليه حمدالله وانا من النوع الوسواسي احب يكون اشياء اصليه عندي مهما كانت ا.
على العموم عندي سؤال
والي يشوف DVD كوبي بالجهاز يحصله باند لانه انا قاعد اطالع the O.C واخاف يعطوني 1-0 عشان الكوبي فيلم مو لعبه
طبعا هذا كوبي لانه الجمارك الحين نظامهم حلو ياخذون فايده من ارامكس ومادري ايش(يرقع حق نفسه)

[samoory]

^
والله ياخوك في ناس ماتقدر تشتري اصلي بسبب ظروفها الماديه اذا صار كل واحد في العالم راتبه 20000 الف ريال انا اضمن لك انه جميع الشركات راح تربح ^^ ..غير كذا انسى الكوبي سيظل مسيطر ..

[PremaFrost]

^
والله ياخوك في ناس ماتقدر تشتري اصلي بسبب ظروفها الماديه اذا صار كل واحد في العالم راتبه 20000 الف ريال انا اضمن لك انه جميع الشركات راح تربح ^^ ..غير كذا انسى الكوبي سيظل مسيطر ..

انا اتفق معاك سموري ؟(صح)
بس انت حط نفسك انك مدير شركة epic وسويت لعبه Gear of War انت ترضاها تباع كوبي
اكيد لاع لانها خسارة
انا مع الناس الى ماتقدر على الاصلي
انا قصدي الناس الى معاشها 20000 الف ريال وتشتري كوبي
انت وضحت لي نقطه مهمه وانا قلتها بردي هذه

[samoory]

^
ايوه عاد اذا قصدك الناس اللي رواتبهم عاليه ويشتروا كوبي هذولا هم اللي المفروض يشتروا الاصلي ..وهم

اللي ينزلون اقتصاد الشركات ..

[بحر الورود]

فس ناس عندها خير واكثير بس مستبخل بخسر 350 درهم كحا أقصى على لعبة مميزة تنزل مرة كل سنه
و السعر الأصلي للعية هو 200 ؟؟؟

[تنآغم آلآحسآس]

مدآم شـرٍكة مآيكـرٍوٍسوٍفت موٍآفقـه على آللي يلعبـوٍن كوٍبي .. آجل تتحمـل مآجآهآ منـهم ..!

آنآ آمشي مـع آلقـآنوٍن آللي يقـوٍل .. [ آحتـرٍم مآيكـرٍوٍسـوٍفت تسلـم ] ..!

آحتـرٍم موٍعـد آلآلعآب وٍمـوٍعد نزٍوٍلهآ وٍآنشآللـه موٍ صآيرٍ لـك آلآ كـل خيرٍ .. جـزٍيت خيرٍآ ..!

[mjk.94]

فس ناس عندها خير واكثير بس مستبخل بخسر 350 درهم كحا أقصى على لعبة مميزة تنزل مرة كل سنه
و السعر الأصلي للعية هو 200 ؟؟؟

انت في الامارات صح ؟؟ بس وين في الامارات؟
سؤال وين يبيعون سيديات (لمتد)انا دورت ما لكيت