عضو جديد طالب مساعدتكم يا اهل الخبره

[zhivago]

سلام عليكم ورحمه الله
اول شيء اشكر المشرفين عالمنتدى عالقسم الجميل والمفيد بصراحه
الله يديكم العافيه وفي موازين حسناتكم

معليش حاتعبكم معايا بس ابا مساعدتكم ودعمكم يا اهل الخبره

انا طولي 172
ووزني 84
عمري 24

بدات الحديد من اسبوعين تقريبا
ياريت لو ترشدوني لاحسن واسرع طريقه للتنشيف
بحيث اني ما ابا عضلاتي تضخم جدا بس فقط انها تكون شويه كبيره و بارزة في جميع الجسم واولها البطن والجسم العلوي يعني زي المصارعين الخفاف مو على طراز تريبل اتش
وبالنسبه للتمارين والله ما ادري ايش اسماءها لسه ما اكدب عليكم
بس تقريبا يوم للصدر والباي
والتراي في يوم
والظهر في يوم
والرجل في يوم
وهكزا دواليك
وعمال اخد شيء اسمو اكستريم سليم حبتين قبل التمرين
وبرضو قبل التمرين باخد امينو اسيد اسمو اليت ملعقه ونص عاده مع عصير فراوله
وقبل النوم برضو ملعقه ونص وبيكون مع حليب فيتال مكتوب انو اكثر بروتين وكالسيوم واقل دهون وسعرات حراريه
فهل برايكم يا ساده دا يكفي
وياريت لو احد يديني جدول غذاني مناسب بحيث انو يساعدني في الوصول للهدف لاني الله وكيلكم اقعد احرم نفسي من الاكل يومين واليوم التالت ارجع الوزن اللي اكلتو كلو واخبصها
وهل في مكملات تانيه اخدها
وكم من الوقت ممكن عبال ما اجد بالفعل في تحسن وخاصه في البطن
لانو اخاف يدخل الاحباط الى قلبي واردد يا ليل مطولك
وانا باي نصيحه حتى لو تغير البروتينات والتانيه اي شيء لاني بالفعل بد احسن جسمي (يارب يا كريم )

معليش لو عزبتكم معايا
وسامحوني عالاطاله
ويديكم العافيه جميعا

[zhivago]

ومعليش عالغلبه
بس لو استمريت على نفس الطريقه اللي هيا بس العصيرات والمكملات بالاضافه اللي ممكن تزودوها
هل برايك حاستفيد بحيث اني انزل وزني وفي نفس الوقت العضلات تكبر وتتقسم
ويديكم العافيه جميعا
ومعليش تعبتكم معايا

[mashkaljey]

اخوي اول شي يا هلا فيك

بالنسبة لانك بدات بالمكملات من اسبوعين فكان عليك ان تتريث قليلا لان المكملات لتغذيه عضل وانا ما اعتقد ان عضلات ظهرت اساسا عشان تغذيها يعني يلزمك شهر على القل تلعب بجدول منظم

بالنسبة لجدولك تقدر تسال الكابتن عندك او تراجع موضوع اخي الرسمي في القسم المواضيع المميزة هناك عده مواضيع خاصه بالتمارين وطريقه التمارين

وبعدين جدولك مبهم وغامض مافي احد يلعب تراي ويخصص له يوم كامل ؟؟؟ لانها عضله صغيره وهل هناك وقت راحه ولا انت شغال على هاللجدول وكم تمرين تلعب ؟

وهل تلعب كارديو وتمرن بطنك والجوانب ام لا ؟ ومتى ؟

وبالنسبة لمتى وكيف واين تصبح عضلاتك كبيرة وضخمه فهذا على حسب نظامك التدريبي ولا احد يفتي لك لكن بفتره لا تقل عن 6 اشهر راح تلاحظ فرق لكن كبير او صغير لا اعلم هذا على حسب طاقتك وانضباطك بالتدريب

وبالنسبة للاكل لما يا اخي تحرم نفسك من الاكل هذا اكبر خطأ يقع فيه اغلب الناس الذين يعانون من السمنه يحرم نفسه وفجأه سنقض على الاكل بشراهه عجيبه

بالنسبة للتغذيه هناك موضوع للاخ البرشا عن التغذيه تستطيع الاستفادة منه استخدم خاصيه البحث

وبالتوفيق

[zhivago]

اهلا بيك يا غالي
اول شيء حابب اشكرك على تعاونك
جزاك الله كل خير وفي ميزان حسناتك

وياسيدي بالنسبه لترتيب التمارين محا اكدب عليك والله ما حفظتها بس ماشي مع المدرب كويس في دا الموضوع الحمد لله بستر الله ماشيه واتناقشت معاه في المبدا دا قلي شويه شويه يا ابني لا تستعجل رزقك
وبالنسبه للمكملات والله هوا اللي قلي خدها ويصير تفيدك احسن ومن دا الكلام
والتراي تقريبا ليها 4 تمارين 10 عدات اربع مجموعات لكل تمرين وكل العضلات الان اي تمرين مطلوب مني اربع مجموعات 10 مرات
وبالنسبه يا غالي ما ادري ايش الكارديو بصراحه بس كنت استعمل السير قبل ما اتمرن ربع ساعه دحين في زي الدراجه كدا بس باكون واقف واحرك رجولي ويدي في نفس الوقت برضو ربع ساعه وحقيقه متعبه اكتر من السير
وبالنسبه للبطن العضلات الاماميه باعمل اربع مجموعات اول ما ابدا التمارين كل مرة 20 وبعد ما اغلق الاماميه باروح على السفليه وبرضو اربع مجموعات بس 10 مرات في كل مرة وجوانب 10 كيلو لمده اربع دقايق او 3
وبعد ما اغلق التمارين المخصصه لداك اليوم مثلا كان عندي صدر وباي فبعد ما اغلق التمرين فباديها برضو 3 جلسات نفس الاعداد
فما ادري يا سيدي ايش رايك؟؟
وبالنسبه للمكملات امس اتغير برنامجها
فصاربرنامجي الغذائي كما يلي
اول ما اصحى 4 بياض بيض مع عصير برتقال
بعدها بساعتين اشرب اليت مع عصير فراوله او مانجا
والمفروض اني اتغدى يا صدر دجاج او اوصال لحم ولكن شكلي محا اخدها حاسس اني حامتن مو انزل
وقبل التمرين بربع ساعه باخد اليت مع حليب فيتال 1 ليتر ومعاها extreme slim
والعشا تبعي المفروض يكون تونه بالمويه والملح على قوله ومعاها سلطه
فايش رايك يا غالي بدا البرنامج
بحيث اني بصراحه بدي جسمي بالفعل يتقسم ان شاء الله تعالى
والحمد لله ما اقول انو في تحسن ملحوظ انا احس انو في عافيه اكتر ولله الحمد ويدي بدات تتغير والله اعلم وما شاء الله تبارك الله صحيح انو وزني ما نزل مرة كتير ولكن الحمد لله الكرشه انخفضت نسبتها شيء كويس ولله الفضل والمنه

واي نصيحه منك حنحطها اكيد في الليسته والمكملات برضو
واشكرك مرة تانيه يا الحبيب على ردك
وجزاك الله خير

[mashkaljey]

اهلا اخي الكريم بالنسبة لـ

تمارين البطن يفضل باوزان وتمارين الكارديو هل اجهزة الجري ) السيكل او جهاز الجري الكهربائي او صعود ونزول الدرج ) وانصحك بها لانها مفيده قبل التمرين لا تقل عن ٣٠ دقيقه للمجموع يعين براحتك ربع ساعه هنا وربع ساعه هنا شرط عدم الراحه يعني تبدا من هناك وتنهي هناك بسرعه

بالنسبة لجدولك اجعله بهذه الطريقه

اول يوم صدر وتراي ( ٥ تمارين صدر و٤ تمارين تراي )
ثاني يوم اكتاف ومثلثات ( ٥ تمارين اكتاف و ٤ تمارين مثلثات )
ثالث يوم ظهر وباي ( ٥ تمارين ظهر و ٤ تمارين باي )
رابع يوم ارجل وسواعد ( ٥ او ٦ تمارين ارجل و٤ تمارين سواعد )
اليوم الخامس راحه فقط وتبدا من جديد في اليوم السادس والسابع استمر لمده شهر ومن ثم بعد ظهور العضلات بشكل واضح العب جدول مريح اكثر واجعله يومين لعب ويوم راحه ويومين لعب ويوم راحه طبعا مثل الجدول اعلاه وتستطيع التبديل ما بين الباي والتراي او اعطيك جدول مناسب ان شاء الله ويكون تغير في اللعب ولكن نفس مجموع التمارين

استمر طبعا في تمارين الجوانب بما انك تلاحظ فرق وايظا تمارين المعده ولا تتوقف حتى تظهر العضلات باذن الله

اهم شي بعد شهر من لعبك ابدأ باستخدام المكملات كان على المدرب عدم اعطائك مكملات بالوقت الحالي وكان عليه التركيز على الجدول واظهار عضلاتك بدل بيعك المكملات ولكن للاسف كل مدرب يفكر بالمال اولا وبالنتائج اخيرا

بالنسبه لتغذيتك اجعل بالفطور ايظا شوفان فهو مليئ بالكربوهيدرات المفيده للضخامه العضليه واللحم والدجاج مفيد شرط ان يكون مطبوخ من غير دهون لان الدهون المطبوخه غير مفيده لللاعب عكس زيت السمك مفيد ويحرق الدهون في الجسم

وياليت تعطيني هل الحليب الذي تتناوله به كمية فات ام خالي الدسم ؟

اذا خالي الدسم ممتاز اذا كان فيه نسبه دسم ابتعد عنه فورا وباقي الامور ممتازه ولا تنسا التغذيه مهمه للاعب كمال الاجسام اما انك تمتنع عن الاكل صدقني ما راح تقدر تلعب كويس او ترفع اوزان وراح تتعب بسرعه
بالنسبة للمكملات راح اعطيك ان شاء الله اسمائهم لكن بعد شهر من مواضبتك وعشان احمسك اكثر


وبما ان انت شايف نتائج من اسبوعين فهذا شيء رائع ولكن ركز على الاكل المفيد وابتعد عن المشروبات الغازية او الاكل المطبوخ بالدهون ( الاكل الدسم )

ومثل ما قلت لك في موضوع للاخ البرشا خاص بالتغذيه مفيد جدا لتطلع على المفيد وتمتنع عن الضار تجده في قسم المواضيع المميزه

وبالتوفيق

[zhivago]

والله ما بيدي غير اشكرك يا اخ مشكلجي
من جد جزاك الله كل خير يا غالي
ويديك الف عافيه
وبازن الله حامشي على البرنامج دا وبعد شهر يصير ليا عوده معاك
يديك الف عافيه يا سيد الناس
ومشكور جدا

[آبو رآشـد]

ممتاز جدا واخوي ابو ابراهيم ما قصر معاك وعليك بكل كلمة كتبها وبتشوف النتائج وبتدعيلة بالتوفيق

[zhivago]

الله يسلمك يا الرسمي
ما نستغني عن خدماتك برضو
يديك العافيه

[safitop]

ممتاز تابع على الكلام لقالو الخ مشكلجي و تشوف النتائج و لابد من الغدية السليمة الغنية بالبروتينات و الكربوهدرات و قلل من نسبة الدهون
اخي اشعر اني لو افدك بشئ جديد ولاكن تقبل مروري