PlayStation 3 Firmware (v3.10) Update ( التحميل المباشر وصل )

[KasiH]

السلام عليكم

عرض فيديو للتحديث القادم 3.10 :
PlayStation 3 Firmware (v3.10) Update Preview



الجديد :
- خدمة التقارن مع موقع Facebook.com حيث يمكنك نشر معلومات التروفيز والاحداث المهمة تلقائيا بمجرد عمل Sync مع السيرفر .
- طريقة عرض جديدة للصور مثل طريقة عرض Thumbnails الموجودة في الوندوز .
- خاصية تغيير خلفية اللون في قائمة الفريند ليست الخاصة فيك .

التحديث جيد وتغييرات حلوة وخصوصا الفريند ليست لكن للاسف لاوجود للـ Cross Game Voice Chat
حسب بعض المواقع التحديث سيكون متوفر يوم الخميس ..
في حين توفر التحديث سيتم وضعه في هذا الموضوع

تحديث :

- الابديت اصبح متوفرا للتحميل من الجهاز ..
- للتحميل المباشر عن طريق الكمبيوتر اضغط هنا
( ملاحظة التحميل للاجهزة الامريكية )

[Sparta Ghost]

خدمه الفيسبوك حلوه ههههه بركبها وقت اللي بكون شغال على التروفيز علشان ازعج العالم بالتنبيهات.

overall really nice update. *

[Lonely Hunter]

الابديت حلو

بس ياليتهم ماحطوا خيار تغيير لون البروفايل

منظر الفرند لست بيكون بايخ

[Sparta Ghost]

الابديت حلو

بس ياليتهم ماحطوا خيار تغيير لون البروفايل

منظر الفرند لست بيكون بايخ

سوني مهي عارف وش تسوي لكم ..

ناس تقول اللون الرصاصي بايخ نبغى الوان زياده و ناس تقول لا لون واحد بس ..
بالعكس اشوفه حلو تنويع شوي .

[The Last Lombax]

منظر الفرند لست بيكون بايخ

في المقابل اللون راح يكون شفاف مو زي الأن يعمي العين

[darkitp]

أولى الالعاب اللي حطت الفيس بوك بألعابها هي نوتي دوج ... سوني بدأت تمشي ورا شركة خطيرة

[Lonely Hunter]

سوني مهي عارف وش تسوي لكم ..

ناس تقول اللون الرصاصي بايخ نبغى الوان زياده و ناس تقول لا لون واحد بس ..
بالعكس اشوفه حلو تنويع شوي .

الرصاصي عادي لاهو حلو ولاهو بايخ

بس على الاقل اللون ثابت حق كل واحد فشكل اللسته تكون احلى

تخيل الحين موضوع كل رد له لون مختلف , احمر اصفر ازرق بنفسجي

بيكون شكل الموضوع قبيح , هذا قصدي

darkitp
نوتي دوق حطت تويتر

[FARES360]

خدمه الفيسبوك حلوه ههههه بركبها وقت اللي بكون شغال على التروفيز علشان ازعج العالم بالتنبيهات.

ماراح تزعجهم لأنه اعتقد نفس فيس بوك الأكس .. تطلع في بروفايلك الأجيفمنت
لكن ما تنبه احد بالفيس بوك... بمعنى انه الي يطل على بروفايلك فقط يشوف شنو طلعت ..
بس ماراح يطلع على هيئة تنبيه عند اصدقائك بالأحمر =p.. بس يمديهم يقرونه بالupdates عموما بصفحة الhome
اعتقد انه الفيس بوك sharing يقدر يسجل شنو تسوي حاليا ايضا
مثلا انا لما شغلت playing modern warfare 2 طلع بالفيس بوك is playing الخ...


+
السموحة كاسح على التدخل بس حبيت أخذ احصائية جم واحد راح يستخدم الفيس بوك عندنا =p

[(Walter Sullivan)]

مميزات طيبة لكن ما تهمني ... في إنتظار التحديث وإن شاء الله ما يكون كثير المشاكل مثل اللي قبله .

[الصهيبي]

الابديت حلو

بس ياليتهم ماحطوا خيار تغيير لون البروفايل

منظر الفرند لست بيكون بايخ

صدق كلامك اللي يدخل الفريند ليست بيحصله قوس قزح

[General BiG Boss]

نوتي دوق حطت تويتر

بعد insomniac

مميزات حلوه .. يبيله فيس بوك يبيله الوطني

[Modi]

الفيس بوك فجأه طلع وفجأه بينزل ابديت باقل من يومين !! شي حلو
على عكس مايكروسوفت طولت وهي تتكيشخ بالفيس بوك من ايام E3

الابديت عادي .. والله يعين على قائمة الفرندز بتصير سلة فواكه من الالوان
وطبعا عندي حساب بالفيس بوك , ومابستعمله بالاساس كارهه كره XD

[Spartan Heart]

خووووش ابديت يعطيك العافيه يا مشرفنا الوافي
والفرند لست اتصدق يا لونلي اني كنت معاك انه راح يطلع بايخ . بس يوم رديت ردك الثاني وكتبت احمر وازرق واصفر وبنفسجي << عجبني شكل الالوان وحبيت الفكره ^_^

بالنسبه للفيس بوك اسمع فيه من زمان بس مو مستهويني
فارس يا عمري انت علـقـتني يوم حطيت اختيار ( لا اهمتم .. )

[Lonely Hunter]

لول كان المفروض تكرهه اكثر P:

بس اهوه على العموم لازم ننطر الابديت و كل واحد يغير لون برفايله على شان نحكم صح , يمكن على الطبيعه يكون حلو , بس ماعتقد

[ahmadkb]

وعليكم السلام ورحمة الله وبركاته

تسلم KasiH على الخبر

الصراحه خدمة الفيس بوك قد تكون رائعه للبعض ولكني غير مهتم بها.

روحه الـsync للتروفي بطيء وضيف له فيس بوك بيزيد الطين بله.

خصية عرض الصور أيضاً غير مهمه بالنسبه لي.

أفضل ما في الأبديت هو تغيير لون البروفايل والبروفايل يصبح شفاف إذا لم تختاره شيء حلو.