الموضوع الرسمي | نقاش الالعاب العام

[Tyki Mikk]

^^^^^^
أوكي, بس ماأتوقع بخلصها قريب وخصوصا إني مشغول بالتحفة ffxii <3

[FARES360]

Darksiders
بما انه اللعبة مالها موضوع رسمي.. بحط انطباعي هنا !
ترددت في شراء هاللعبة كون الغالبيه مشغولين في بيونيتا..
اتموسفير اللعبة عاجبني , القصه والشخصيات يحمسون لتكملة مشوارك
التحكم لما جربته في البدايه حسيت اني مسطول نوعا ما لأنه مو مستوعب قاعد يسوي كومبو وانا ضاغط زر
واحد .. بس مع التعود صار التحكم حلو ويمديك تنوع بالكومبوز لكن بطريقة محدوده ( فيه كومبوهات واسلحة تشتريها ) .. تقريبا اللعبة اسلوبها مثل zelda مع شوية لمسات من gow ولسبب ما fable ايضا لول
اعجبت باللعبة ولو انه الجرافكس لك عليه مستواه نازل لكن لا بأس.. ماهو ذاك السوء..
الصد والمناوره في وقت قتال الأعداء متوسطين المستوى او الزعماء عجييب يعطيك احساس العاب الأدفنتشر القديمة
اللعبة اعطيها مبدئيا 8.0 .. براي تستاهل الشراء ! الحمدلله ما طلعت من العاب الي تحسفت عليها xD
+
سؤال
الحين اول demon نلقاه الي يبيع.. بنفس المنطقة فيه كنز يكون فوق المبنى.. فيه احد عنده فكره شلون اوصله؟ + فيه شي ازرق طاير بالسماء يم الكنز شنو هذا وشلون اوصله بعد !

[Tyki Mikk]

^^^^^
مو كل الأشياء تقدر تاخذها أول ماتشوفها...لازم تاخذ/تشتري قدرات/أسلحة جديدة...اللعبة فيها backtracking حق الصناديق ...

[FARES360]

اول لغز ومعلق فيه لوول يا فشلة - _-

وصلت عند الكنيسه الي يتعاركون فيها ملكة الخفاش ويا الطير
المهم انا داخل الكنيسه حطيت السيف وكملت طريقي داخل... لين وصلت لماكن علقت فيه.. الصنم حركته من فوق
وطاح على الأرض المكسره اساسا..فصارت حفره وكملت طريقي تحت .. قفزت حفرتين والأخير عند الباب ما قدرت اطوفها.. - _- عندك حل... واحد يقولي استخدم الصحن فوق.. , اهو اصلا ما عندي الصحن بين قائمة أسلحتي !

[كليتوس]

انت عند لغز الجدار الي تكسر و يبناه من جديد ولا تدخل

[FARES360]

انا توني بالبدايه..
الصاله الي يكون فيه وحش بالطوفه فوق ماده لسانه وماسك راس الصنم.. من هناك مو عارف وين اروح
سويت الي فوق وهم ما وصلت لحل مناسب..

[كليتوس]

انت تقصد تنين الي له راسين ماسك صاله يطير فيها شوف اخي عطني اسمه مرحله انا اقولك لاني انا الحين قاعد العب بالمراحل انشالله اقولك الحل

[Tyki Mikk]

اول لغز ومعلق فيه لوول يا فشلة - _-

وصلت عند الكنيسه الي يتعاركون فيها ملكة الخفاش ويا الطير
المهم انا داخل الكنيسه حطيت السيف وكملت طريقي داخل... لين وصلت لماكن علقت فيه.. الصنم حركته من فوق
وطاح على الأرض المكسره اساسا..فصارت حفره وكملت طريقي تحت .. قفزت حفرتين والأخير عند الباب ما قدرت اطوفها.. - _- عندك حل... واحد يقولي استخدم الصحن فوق.. , اهو اصلا ما عندي الصحن بين قائمة أسلحتي !

الصحن؟ أصلا ماتقدر تاخذه إلا طيحت الصندوق المعلق بصالة الكنيسة الرئيسية !!
عالعموم, الحفرة اللي سواها الصنم روحلها وأعتقد بالنهاية بتحصل مفتاح حق البوابة الزرقا, خذه وبعدين افتح البوابة وبعدين بتواجه وحش و بعدها خذ السيف علشان تفتح البوابة اللي على اليسار بالصالة الكبيرة...

[snake.ae]

شباب انا دورت عن اللعبة و قصتها و صلت لأستنتاجات عن سبب المنع و لخصتها في مجموعة نقاط اذا تحبون اشرحها لكم اختاروا اشرحها في هذا الموضوع او افتحلها موضوع عن سبب المنع
1.اللعبة عن معركة هرمجدون او أرمجدون
2.يرمز لليهود و النصارى بالجنة و المسلمين بالنار
3.war بطل اللعبة و احد من فرسان رؤيا يوحنا الأربعة (فصل من واحد من الكتب المقدسة عندهم)
4. قصة اللعبة قد تدخل من باب التبشير (الدعوة الى النصرانية)
هذي استنتاجاتي عن سبب المنع بعد ما قرات القصة و اخذت لمحة عن بعض الشخصيات

يالله شباب خلصوا اللعبة و خبرونا اذا كانت استنتاجاتي صحيحة ولا لا

شباب اللي يلعبون اللعبة ابغي شوية معلومات اشان ااكد استنتاجاتي او انفيها<<<<< ليش استنتاجاتك عليها جرائم حرب عشان تنفيها

المهم ابغي اسماء الشخصيات اللي بتمر عليها و في ايجهه تحارب الجنة او النار و وصفها و اذل كان في صورة واضحة للشخصية من اللعبة

هذا كلة يفيد في الاستنتاج الاخير و اللي يقطع الشك باليقين

[Tyki Mikk]

4. قصة اللعبة قد تدخل من باب التبشير (الدعوة الى النصرانية)

ميييييه, أي تنصير والبشر كلهم انقرضوا :/ !؟
بخصوص النقاط الثانية, أشوفها عادية...مطورين اللعبة أخذوا mythology قديمة حالهم حال أي لعبة ...

Darksiders is an action-adventure video game developed by Vigil Games and published by THQ. The game takes its inspiration from the apocalypse and battle of Armageddon described in the Book of Revelation, with the player taking the role of "War", one of the four horsemen of the apocalypse. The game was released for the Xbox 360 and Playstation 3 on January 5, 2010 in North America and January 8 in Europe.

[snake.ae]

^ لا بعدها موجودة
في وحدة في امارة راس الخيمة سامع عنها (حرمة عربية عنده الجنسية الامريكية) موجودة من قبل الاتحاد
لكنها ما تشتغل عيني عنك من تحت لين تحت
و سمعت عن حملات تبشير تذهب الى جنوب افريقيا تكلفتها ملايين الدولارات سنويا
المهم شو المعلومات اللي عندك من اللعبة

[Tyki Mikk]

^^^^^^^^^^
ugh, أنا كلامي عن اللعبة وش دخل حملات التنصير الحقيقية باللعبة !؟
لحظة لاتقولي انهم مسويين هاللعبة علشان ينصروون العرب ؟

[snake.ae]

لا لكن طرح بعض الافكار تخلي بعض اللاعبين يروح يبحث عنها في الانرنت مما يودي الى تعرضة لنصوص من الكتب المقدسة قد تودي الى تشكيكة في الاسلام مثل ما يحصل لأي شخص ما عندة خبره في الدين و يقراء التوراة او الانجيل

[الصهيبي]

2.يرمز لليهود و النصارى بالجنة و المسلمين بالنار

اخوي تسلم على استنتاجاتك بس استنتاجاتك بعيدة كل البعد عن اللعبة خاصة هذي النقطة اللعبة مافيها اي ذكر لديانات ولا حملات تبشيرية ولا شي اللعبة مافيها ذكر للصليب او المسيحية او اي شي

ياريت واحد من الشباب يسوي موضوع رسمي نتناقش فيه عن اللعبة فقط .... موموضوع عن المنع

[Tyki Mikk]

لا لكن طرح بعض الافكار تخلي بعض اللاعبين يروح يبحث عنها في الانرنت مما يودي الى تعرضة لنصوص من الكتب المقدسة قد تودي الى تشكيكة في الاسلام مثل ما يحصل لأي شخص ما عندة خبره في الدين و يقراء التوراة او الانجيل

لوووول لا تخاف محد يتنصر علشان لعبة. الخوف من "اللادينية" وإذا تبي تتأكد روح للمنتديات الاجنبية "انمي أو ألعاب" وشوف كم نسبتهم.
على العموم هذا قسم ألعاب, إذا اللعبة ماناسبت تفكير الشخص, لا ياخذها ويفكنا ^_^
وزي ماقال الصهيبي نبي موضوع رسمي !