طـــــوٍلـي 189 ووزني ...!!!!! انقذوني

[محمد ™]

السلام عليكم ورحمة الله وبركاته


شحالكم يا ابطال وياوحوش ...

ياجماعه انا بغيت اقولكم عن مشكله مواجهتني واتمنى حد منكم يفيدني

اللي هي
ان طولي حلو 190 - 189
ولكن وزني !!!

60 كيلو فقط

مع العلم اني لاعب Thai boxing
واتمرن والحمدالله لياقتي حلوه وكل شي تمام لكن الوزن
يعني ودي ازيد الوزن عشان الجسم يكون شكله حلو

واتمنى انكم تفيدوني وتساعدوني وتنصحوني بالافضل
ويفضل بالتفصيل


ومشكورين ولاهنتو

[MOOKA]

والله مالي خبره
بشغله ان الواحد يبي يزيد وزنه
تبي تنحف بعطيك اللي عندي من تجارب

على العموم
اعتقد شغله زيادة الوزن اسهل من
نزول الوزن بكثثثثثثر
وانشاء الله الشباب يفيدونك

[alakrab]

موي تاي يا اني اعشق هاللعبه
شوف ياحبيبي نصيحه اذا انت تحب اللعبه
وتبي تستمر فيها
انتبه لوزنك
لاترفعه زود وتندم بعدين
اول شي انت وزنك معدوم وخلنا نقول انك ماعندك وزن اصلا
يبيلك تبني جسم من جديد
نصيحتي لك انك تدور نادي فيه مدرب يفهم
وتقوله انك لاعب ملاكمة تايلنديه وتبي تبني جسم
بس جسم يساعدك في اللعبه مايعيقك او يثقل عليك
ونسق بين تدريب الملاكمة والحديد
اعتقد انك تتمرن ثلاث ايام في الاسبوع اذا ماكنت غلطان
نسق بين الاثنين
والله يوفقنا وياك

[mashkaljey]

شوف اخوي بما انك لاعب والعقرب ما قصر بين شغلات عن هاللعبة اعتقد تحتاج اساسا ان جسمك ما يكون ضخم لتسهيل الحركة والسرعة في الضربات

لهذا انا اقول عليك تتمرن كمال اجسام ورفع الاوزان وزياده معدل الاكل والوجبات اليومية ولا بأس بمكملات كالفيتامينات والبروتين الزيرو فات والكرياتين والابتعاد عن مصادر الدهون المطبوخه وخاصه الوجبات السريعه

طبعا ستحتاج وقت والسبب انك لاعب رياضه قتاليه لو انك شخص عادي كان الامر جدا سهل

والله يوفقك اتمنا افدتك قليلا اهم شي العب حديد بجدول منتظم واهتم بالتغذيه

[محمد ™]

ياشباب انا مابي جسم ضخم وشي خيالي ..

بس اللي ابغيه ترتيب للجسم يعني مو معقوله الطول 190 والوزن 60 كيلو !!
واخوي العقرب انا حاليا اتمرن يوميا لمدة ساعه
وشي اكيد مابي وزني يكون ثقيل بحيث انه يعيقني واللعبه تحتاج لسرعه وخفه

وبالنسبه للاوزان يعني ارفع اوزان بس مب مركز الحديد وكمال الاجسام بشكل كبير ..
واذا في جدول غذائي يفيدني اتمنى تذكرونه لي مع العلم اني اكل 3 وجبات اساسيه في اليوم

وشكرا للي ساعدوني وردوا ماقصرتوا
ويعطيكم العافيه

[AmiTy Ville]

مادري ليش احس ان الوزن المناسب لوضعك بين الـ 70 والـ75 او بالسبعينات بشكل عام

صعبه الواحد يحكم بالتغذيه المطلوبه من دون معرفة الوزن المراد البلوغ اليه لكن على اية حال زيد وجبات الى 6 وجبات وابتعد عن التشويات والدهون المشبعه والمشروبات الغازيه وعليك بالبروتينات والكارب والفيتامينات والاحماض الامينيه

انت ياترفع وزنك بعضل صافي وهذا صعب ويباله صبر خصوصا لطوال القامه او انك تزيد وزنك ومن بعد الزيادة المقاربه للوزن المطلوب تبدأ تلعب وتكون عضل صافي

بالتوفيق عزيزي

[alakrab]

ماقصروا معك الشباب
لكن لتقريب وجهات النظر
هذي صورتين لأشهر لاعب مواي تاي


اعتقد ان جسمه يعتبر بيرفكت
طبعا باين من جسمه انه موب ضخم

[اللورد الأحمر]

الشباب الصراحة ما قصروا معاك ....

عزيزي وزنك جدا ناقص بالنسبة لطولك عزيزي لكن المشكلة انك لا تريد تتمرن حديد وهذا شىء صعب الصراحة ...

والحديد عزيزي والتمرين مو معناها جسم ضخم وخيالي ؟؟؟ لا بأمكانك تتمرن وتزيد وزنك وتنظم وتزيد وجباتك ..

بعدين تطع اذا تريد .... وفي الرد السابق الأخ الكريم ماقصر راواك صورة لشخص يلعب مثلك ....

بالتوفيق عزيزي ..

[محمد ™]

يعطيكم العافيه ياشباب ..

وانا فاهمك يالعقرب واعرف النقطه اللي انت تحاول توضحها لي
وانا مثل ماقلت مابي ضخامه بس اللي ابيه شوية وزن عشان الشكل يكون حلو
واخوي اللورد الاحمر السبب الوحيد اللي يخليني ماركز على الحديد بشكل كبير
اني احتاج لمرونة واخاف ان الحديد يقلل المرونه واتوهق في الموي تآي

وانا بديت ابتعد عن الدهون والمشروبات الغازيه من فتره بسيطه وادري صعب تكوين
عضل صافي ولكن باذن الله اوصل للمستوى المطلوب

والله يوفقكم ولاهنتوا واشكركم على المساعده

مع احترامي للجميــع

[محمد ™]

ياشباب عندي سؤال وبدال ما افتح موضوع جديد واسوي سالفه ..

بسئل في هذا الموضوع ..
بما انه هالفتره بيكون تمريني لمدة 3 ساعات يوميا
تنصحوني بنوع من البروتين او الامينو يعني شغله تساعدني على زيادة وزني
وطبعا الوزن والطول مذكورين في بداية الموضوع

واذا في نوع تنصحوني فيه اتمنى ذكر اسمه مع اسم الشركه عشان ما اتوهق
ولكم جزيل الشكر

[mashkaljey]

شوف اخوي البروتين والامينو يغذون العضل ما يزيدون وزنك يعني يرفعونك عضل فهمت شلون

انت تبي منتج فيه كربوهيدرات وعندك السيروس ماس والبروكمبلكس الغينر ممتازين

وموفق خير

[محمد ™]

شكلي بمشي مع السريوس ماس لاني اشوف الكل يمدحه والناس
تتكلم عنه وباذن الله تبين نتايجه ..

ومشكور وماقصرت يا مشكلجي على المساعده

[Naked_Snake]

مادام احنا نحكي في الضرب خليني اسأل سؤال
لو واحد يحب جسم قوي ( يعني مو مظهر فقط ) هل يستعمل مكملات أم لا
و اذا نعم ما هي
سؤال آخر .. لو واحد يحب يشحط جسمو مو يكبرو مذا يفعل و ماهي المكملات ( و هل التمرين بمكملات أحسن من التمرين بدونها )

[mashkaljey]

اهلا اخوي الحبيب ياليت تكتب طلبك بموضوع منفصل

Naked_Snake
عضو
ولا تنسا تذكر وزنك وطولك وهدفك وكم صارلك تلعب ؟

[محمد ™]

اخوي اللي سئلت انا ممكن افيدك بخصوص القوه ومو بس نفخ للجسم
وهالمواضيع ولكن كما ذكر اخوي مشكلجي اتوقع من القوانين
انه تنزل طلبك بموضوع منفصل ..

وانشالله راح ادخل الموضوع واساعدك في بعض الشغلات