ساعدوني في اختيار نادي رياضي في الرياض

[أبو قلق123]

يا شباب الي يعرف نادي آد في شرق الرياض أبي أعرف هل كويس هو و كم سعر الإشتراك
أهم شي سعر الإشتراك أبي أعرف بكم و هل من الممكن أن أنقص 15 كيلو في الشهر فيه؟؟؟
و شكرا

[آبو رآشـد]

ما كثر الله الا النوادي بشرق الرياض يا كثرها

بودي ماستر فوق 4 فروع بشرق الرياض وواحة اللياقة و3 نوادي مختلفة ما ادري وش اساميها

واسعارها متقاربة جدا وفية نادي جديد عند ممشى الملك عبد الله واتوقع مسوي عروض

وكلها اسعارها تقريبا في الشهر بـ 500 ريال وكل ما زدت المدة رخصت القيمة

واغلبها بعد 3 شهور بـ 700 ريال وبعض النوادي يعطونك شهر مجاني

والسنة بـ 2500 ريال تقريبا



وسالفة هل ممكن تنقص 15 كيلو ان كنت متحمس ومواظب ومجتهد تنقص 20 كيلو

بالتوفيق

[آبو رآشـد]

عفوا

راجع القوانين بالنسبة لاسم الموضوع

وان شاء الله ما تصير قلق مثل اسمك

[AmiTy Ville]

اولا حياك الله عزيزي وعندك مخالفتين وبما انك جديد راح امشيها ( عنوان ) ( موضوع مكرر )

http://montada.com/showthread.php?t=663546

ياريت بالمره القادمه ماتفتح اكثر من موضوع لهدف معين - يعني الشباب ردو عليك ف موضوعك الاول وطنشت ورحت فتحت موضوع ثاني !!

يرجى مراجعة قوانين القسم وتم التنبيه ( تم تعديل العنوان وقفل الموضوع الاخر )

بالتوفيق اخوي وبوراشد ماقصر

[أبو قلق123]

شكرا بس أبي أعرف نادي آد بكم

[THh Rock]

صراحة نادي الاولمبي روووعه اسعاار حلوة وعندهم اهتمام بكل انواع اللياقه تخيلو عندهم حصص لياقه في المسبح وتماريين سويديه وغرفة سبيننغ

ووالله طبعا من بعد فضل الله ثم هذا النادي نقصت وزني 50 كيلو والحمد لله للحين مرتاح فيه

وبالتوفيق انشاء الله

[أبو قلق123]

أبي الي يعرف نادي آد بكم