سؤال عن تمارين الظهر والصدر والواي بروتين

[بارجيم]

السلام عليكم ورحمه الله وبركاته

اول شي ببتدي فيه تمارين الظهر
عندي بالجيم بعض الشباب المحترفين يقولون ان تمارين الظهر وعلى سبيل المثال خمس ادخلهم تمرين واسع وتمرين ضيق تمرين واسع وتمرين ضيق
ويكونون اربع اربع ثلاث ثلاث ثلاث
والكابتن توه مغير لي الجدوله وعطاني تمارين اغلبها واسع او كلها يمكن والمدرب احسه فيزواته ظاربه اشوي وقام يخورها فحبيت راي الكابتن هني وابي معلومات منك التمارين الواسعه للجناح صح ؟ طيب الضيقه حق اي منطقه بالظهر

والسؤال الثاني انا قريت موضوع ان الصدر تمرنه مره بالاسبوع او العضلات الاخرى للعلم انا امرن العضلات مرات يكون مرتين بالاسبوع ومرات يصداف مره بس وهذا جدول اغلب المحترفين والمبتدئين عندنا ولا اشتكينا من شي فهل هذي الطريقه غلط وفيها اجهاد ؟
انا قريت موضوع ان الواي برتين يصلح حق الي عمره تحت 18 لان بخلي اخوي يستخدم وهل يطلع كرشه الواي بروتين ؟
واسمحولي لان مالقيت غير هالصرح اني استفيد من وحوشه

معلومات اضافيه / العمر 19 الطول 167 الوزن 77 صار لي 9 شهور اتمرن >>> هالمعلومات بناء على متطلبات قوانين المنتدى

[mashkaljey]

والكابتن توه مغير لي الجدوله وعطاني تمارين اغلبها واسع او كلها يمكن والمدرب احسه فيزواته ظاربه اشوي وقام يخورها فحبيت راي الكابتن هني وابي معلومات منك التمارين الواسعه للجناح صح ؟ طيب الضيقه حق اي منطقه بالظهر

شوف اخوي الكابتن والشباب كلهم على راسي لكن اسمع مني هالكلام

التمارين الواسعه توسع الظهر تعطيك مظهر ممتاز لظهرك من الخلف واما التمارين الضيقه تفل لك العضل يعني تقدر تقول الواسع يكبر العضل والضيق ينسق العضل

بالنسبة للكابتن تشوفه معطيك واسع لا تستغرب وليش تقول فيوزاته ضاربه بالعكس الكابتن يشوف جسمك ويعرف ان تو الناس على تفصيل عضلات ظهرك فيدخلك بجدول واسع عشان توصع ظهرك اكثر عرفت شلون وبعدها اكيد بيعطيك تمارين ضيقه فانت اساله قوله ليش كله واسع مافيها شي ترى والله بتستفيد منه

والسؤال الثاني انا قريت موضوع ان الصدر تمرنه مره بالاسبوع او العضلات الاخرى للعلم انا امرن العضلات مرات يكون مرتين بالاسبوع ومرات يصداف مره بس وهذا جدول اغلب المحترفين والمبتدئين عندنا ولا اشتكينا من شي فهل هذي الطريقه غلط وفيها اجهاد ؟

عادي بالعكس جدا عادي انت لا تلتزم بشي يا ابن الحلال في المنتدى او في اي مكان بالعالم اهم شي النتائج دامك تشوف نتيجه لو تلعب يوميا ماتاخذ راحه ماعليك من احد اهم شي نتائج وتكون واضحه هنا تعرف ان لعبك صح

انا بالسابق كنت العب جدول يوم واحد راحه فقط فكنت العب مثل الصدر يمر عليه بالاسبوع مرتين الارجل مرتين فعادي جدا استمر بالجدول اذا تشوف نتائج ولاتفكر بشي ثاني وتلخبط امورك


انا قريت موضوع ان الواي برتين يصلح حق الي عمره تحت 18 لان بخلي اخوي يستخدم وهل يطلع كرشه الواي بروتين ؟

ما ادري اخوي اي موضوع عساه بس مو موضوع نهى احمد اللي غثتنا باخوها اللي عمره 15 ؟ لا اخوي انا اقول بما ان اخوك توه على ال 18 خله يلعب وياكل ترى المراهقين تحت ال 18 عندهم طاقه حركية رهيبه اكثر من واحد عمره 28 مثلي فخله ياكل يا غالي ويركز عالاكل ما يحتاج بروتين الواي الا في حال كان عنده مكسب عضلي ويبي يزيده اما لو فالبداية ووزنه زين لا تدخله موال البروتينات لاحق عليه

واسمحولي لان مالقيت غير هالصرح اني استفيد من وحوشه

معلومات اضافيه / العمر 19 الطول 167 الوزن 77 صار لي 9 شهور اتمرن >>> هالمعلومات بناء على متطلبات قوانين المنتدى

واشكرك على معلوماتك اكيد بتفيدنا

[بارجيم]

والله انت الي على عيني وراسي ياكبتن مشكلجي ماننحرم من نصايحك وخبرتك
وانا فعلا يبيلي اجنحه وعشان كذا يمكن عطاني هالجدول الواسع والصدر انا حاس بفايده والحمدلله
وعلى طاري نهى 15 هههه شفت الموضوع لا تطمن ياوحشنا انا موب نهى بس انا اخوي عمره 16 واوزانه مثلي وعنده قدره يشيل ماشااء لله عليه ويستعمل سوبر امينو 4800 وعنده عضل اكيد ولا كان مارفع اوزان عاليه بس اني بستخدم الواي بروتين وهو يبي يستخدم فحبيت راي الوحوش هنا
والله يعطيك الف عافيه ان شاء الله ماننحرم من خبرتك

[mashkaljey]

شوف دام ان الامينو ماشي معه لا باس يستخدم الواي بروتين لكن لا يكثر مكملات توه هو ويقدر يعوض بالاكل تراه

موفق

[بارجيم]

ان شاءا لله ياكبتن والله يوفق الجميع

[بارجيم]

اسمحو لي يا الكباتن المراقبين اني فتحت موضوع قديم بس قلت ليش افتح موضوع واستفساري انا فاتح عنه موضوع قبل يعني نفس المضمون
واستفساري هو واحد يتمرن معانا استغربت منه تمرن 6 تمارين صدر سألته قلت له انا اربع قال مابتستفيد شي الصدر عضله كبيره لازم تكرفها وتعطيها من 5 الى ست تمارين لانها تتحمل
فياريت تعطوني من خبرتكم هل عادي اتمرن خمس تمارين وتكون كلها اربع جلسات ولا شي منها ثلاث للعلم انا فعلا يبيلي تركيز على عضله الصدر
للعلم انا اتمرن 9 شهور

[mashkaljey]

عادي يا بطل وكلام صديقك يحتاج تفسير منه لك لكن للاسف ما عرف يفسر لك بالطريقه الصحيحه

لو تراجع الفيديو كليب لجاي كتلر وتدريباته للصدر في اليوتيوب راح تحصل يلعب 4 تمارين فقط !!

طيب نرجع لموضوع 6 تمارين

عضله الصدر تحتاج تقسيم وتكبير ورفع وعرض لهذا تجد اربع تمارين ممتازه لكن البعض يزيدها لاجل زياده التضخيم او زياده التقسيم او رفع العضل

بمعنى تلعب فراشه جهاز وتفتح الصدر وتلعب دامبلز فتح ايظا يفتح الصدر في حال كان صدرك صغير الشكل

تلعب دامبلز تجميع للصدر وتلعب دامبلز دفع للصدر يكبرون الصدر

يعني المقصد ان صاحبك يزيد بالتمارين لاجل زياده شي معين في صدره ينقصه

فشيء عادي وعلى فكره في ناس تطبق 7 تمارين للصدر !! لكن اللي يلعب 6 او 7 تمارين تحصله مخصص هاليوم بس للصدر ما يلعب اي عضل معاه

واهم شي يا غالي لو شفت عندك عضله ما تغيرت بالقياس ( وهذا اللي انا انادي عليه للكل القياس ثم القياس شهريا ) اذن فهناك خلل في التمرين او طريقه التمرين او وقت التمرين اما يزيدك الكابتن تمارين معينه لتقوية المنطقه الضعيفه او يغير شكل التمارين

لازم شهريا تشوف معدل زياده 1 سم على الاقل لكل مناطق العضل اما المعده لو كان عندك كرش تشوف ينقص بمعدل 1 سم على الاقل هنا تعرف انك تمشي بالطريق الصحيح

[toto jeddah]

ماقصر والله ابو ابراهيم ,,


عن نفسي العب لكل عضلة كبيرة 6 تمارين بـ 5 جلسات وتكرارات حرة واوزان حرة ومناسبة ,,,
لان هدفي تقسيم+لياقة+قتل الفات+انعاش العضلة وحثها ,,,,

,,

ونصيحتي ليك العب الظهر بفتحة واسعة عشان تبني الظهر ولا تضيق الا بعد ما يكون هناك عضل واضح بالظهر ,,
ولا تنسى العقلة ,,,

والعب 4 تمارين لأي عضلة كبيرة ولاتزيد الا وقت الحاجة فقط ,,
بالتوفيق

[بارجيم]

اغهم من كلامك اخوي مشكلجي لو زدتها خمس تمارين ثلاث تمارين اربع جلسات وتمرينين ثلاث جلسات مايضر ويحمل العضله فوق طاقتها والمشكله هذا الي يلعب عندنا لعب 6 تمارين وعقب دخل بايسبس هذا الي صدمني هههههه يا اما انه وحش يا اما انه مسطول


والله يوفق الجميع اخوي تركي
وشاكر لك نصيحتك الغاليه