تصميم لشخصية هوب!!

[kilua 19]

السلام عليكم و رحمة الله و بركاته
شخباركم اخواني و خواتي الاعضاء ان شاء الله بخير!!
مثل ما وعدتكم سويت تصميم لشخصية هوب بفاينل فانتسي 13
و ان شاء الله يعجبكم
و ابي الانتقادات لكي اتعلم من اخطائي
.................


و شكراً

[G20]

تصميم حلو بصراحه ^^ لكن عندي بعض النصايح

اول شي الأطار .. انت مو حاط أطار لو تحط اسود خفيف يكون أحلى

وطريقه التضليل بالأحمر الصراحه ما أعجبتني .. و الخليفه ليش بيضه مو حلوه

والتصميم بشكل عام ما فيه أشياء واجد لو امخليه اصغر راح يطلع أحلى بواجد .. مثل حجم الصوره الي بتوقيعك

لانك مو حاط اشياء واجد فما له داعي هالحجم ...

شوف جرب أتعيد التصميم .. واتخليه بحجم الصوره الي بتوقيعك أظن 200-400 ,

وحط أطار أسود صغيير يعني زين يبين فاهمني , وشيل التظليل الأحمر .. وحط أسمك تحت على اليمين

انا شايف في هالطريقه راح يطلع أحلى

وأسف اذا طولت بكلامي ^^ بس حبيت أقولك رأي

ومنها للاعلى اخوي

[J I L L U N A]

السلام عليكم

اهلين كيلوواااع كيفك عساك طيب ؟
مسوي اعلانات بقسم الترفيهي هااااه خخخخ

طيب بالنسبه للعبه فهي خطيرة شفتها من خلال العروض تبع اليوتيوب بس للأن ما اشتريت السي دي بتاعها بإذن الله قريب بشتريه >> مو كأن هذا مش موضوعنا لوول

إنزين تصميمك جيد جداً كمبتدئ لكن عشان ما اكذب عليك و اطلع من هنيا بدون ما افيدك خصوصي انك تحتاج من يرشدك للأفضل ينقصك كثير من الخبرات و المستلزمات تبع الفوتو من البدايه بدلك على موقع لون للفوتو فقط هنــــا فيه اللي تبيه فرش خامات خطوط برامج تصاميم و الخ..
و منتدانا فيه كل اللي تبيه اكيد بقسم مستلزمات الفوتو و دروس الفوتو بس كأسهل لك يعني !!

النقطة الثانيه من ناحيه التصميم بتاعك تحتاج خطوط الخط اللي انت مستعمله له قرون و محد يستعمله لوول التنسيق مش مرتب حتى مخرب ملامح الشخصيه شوي يبي لك تطبق دروس لطريقة تنسيق التصميم بعطيك هذا الدرس .:درس:صمم توقيعك على طريقة ROXY:. طبعن الدرس مش ظاهر لك بموضوع نفسه راح تلاقيه بصور المرفقه تحت مصغر !!! و إضافه لذلك الإطار و فقط !

إن شاء الله افدتك ؟ يلا ننتظر اعمالك الجديدة بإذن الله و شد الهمه

سلاااااااام

[Akihiko]

عليكم السلام

و ابي الانتقادات لكي اتعلم من اخطائي

ان شاء الله

اول شي الأطار .. انت مو حاط أطار لو تحط اسود خفيف يكون أحلى

مو لازم فـ لو يسوي حركة بالفرش يمكن تطلع احلى من الفريم العادي

وطريقه التضليل بالأحمر الصراحه ما أعجبتني .. و الخليفه ليش بيضه مو حلوه

اوافقك في هذا الكلام يمكن لو كان لو ثاني و بحركة ثانية صار احلى

لانك مو حاط اشياء واجد فما له داعي هالحجم ...

صح هالكلام ^^ ما شاء الله صاير خبير حجي محمد

التنسيق مش مرتب حتى مخرب ملامح الشخصيه

صحيح

وما عندي كلام حاليا اقوله غير انك " تطبق دروس دروس اكثر " ترى ولله فيهم افكار بتفيدك !

و ما ادري ويش فيهم الأعضاء كلهم يبون يسون تصاميم على هوب

موفق عيوني

[kilua 19]

مشكور G2O على النصايح
ترى حطيت الخلفية بيضة لكي يطلع الشعار بصورة احلى
و اللون الاحمر ممممم ما ادري ليش مو عاجبكم
..........
و مشكورة اختي انجيلا على النصايح
..........
و اخوي آكي ايضاً مشكور على النصايح
و انا قلت لكم ابي الانتقادات لكي اتعلم منها
لكن ان شاء الله سوف اتلعم من اخطائي "الكثيرة" و ترون ابداعاتي

[jedda7s6ar]

يعطيك العافية أخوي

وكل كلام أخواني صحيح

أسمحلي أخوي

أفضل شيء لشخص يحب أن يبدأ بداية قوية
أن يطبق دروس علشان تحترف

اللون الاحمر ممممم ما ادري ليش مو عاجبكم

أنا أقلك ليش علشان الشخصية خلف اللون الأحمر لو خليت الشخصية قدام اللون أممممممم إمكن تكون أحلى
عموماً أرجو تقبل نصائح الأعضاء بصدر رحب
ويإنتظار جديدك يالغالي

تحياتي

[kilua 19]

حياك الله اخوي
و اكيد سوف اتقبل نصايحهم و هم لم يقولوا هذا الكلام الا ليفيدوني

[ned4u]

تصميمك روعه ,
أتمنى لك آلتوفيق . .

[kilua 19]

حياك الله اخوي
و مشكور على المرور

[kilua 19]

هههههه
اختي انجيللا الموقع اللي معطتني اياه
للمبتدئين
مشكورة على الموقع