موضوع نقاش عام عن المانجا

[.Atlas.]

حجية اطلس.. وينج

على طاري Vinland Saga
محطيها فبالي.. بس لما دريت انها ما انتهت.. قلت اتريا لين ما تخلص..
بس قولي انها انتهت ولا قريب بتنتهي عشان نبدا فيها!

شيخ ياماتو ;D
والله مشاغل دنيا..الوقت اللي افضى فيه يللا للحش ;P
بالنسبة لفنلاند ساجا..مثل ما قالوا الشباب للحين,المؤلف راعي طويلة

Thorkell, a man who doesn't live behind a mask

فعلا شخصية قوية.. في احتمال بأي لحظة يترك كانوت أو ينقلب عليه..عسى بس الأحداث جدام تكون مظبوطة ومايخورها المؤلف

وهذا اللي انا متوقعته..انه بيقلب عليه..ثوركل همه المتعة اللي يحصلها من القتال..
ما حصلها مع كانوت بيدورها في مكان ثاني,مثل ما قلب على ربعه قبل بس عشانهم ند قوي له ;P
أما المؤلف..على هالوقت اللي ياخذه عشان يطلع الفصل..احسن له ما يخورها

السلام عليكم...


Vinland saga chapter 61

ههه شفت الدنيا..كانوت صار ينافخ ;P
اذا استمر الوضع مثل اللحين..معناها المفاجآت لقدام,,خصوصا مع الشخصيات الجديدة من طرف ثورفين.
ومثل ما قلت ثوركل ماراح يصبر اذا ما طلع له ند قوي,,وراح يسوي له مصيبة
وعلى النسيان..على قولتك الذاكرة الله بالخير..وانا اكتب الرد بأتذكر كم شغلة عجزت

Doubt

4 فوليومات
قريتها دعس الليلة مرة وحده
القصة حلوة عن مجموعة ابرياء (ارانب) و مجرم مجهول (متنكر على هيئة ارنب)
http://media.onemanga.com/mangas/000...0000001/03.jpg
قاعدة الفوز في اللعبة هي ان ماحد يكذب على الثاني...على شان يتوصلوا للمجرم
وكل واحد يكذب يتعرض للقتل..
الي يحب افلام Saw راح يحب هل مانجا

من زمان عن المانجا,هاه؟ ;P

[TNT-BOY]

^ Nice to see u again LITTLE ANGEL !!! :P

توني قبل شوي شايف فلم متعلق بالمانجا
وهو باتالو روياروووو
Battle Royal*
فلم ياباني
شاهدته لاني كنت مهتم اعرف شصار في الاخير...وقفت على آخر 3 فوليومات من المانجا لاني ماقدرت ابلع الرسم والحوارات المقززة....
ولله الفلم كتمثيل واخراج مش بطال بالمررررة..اكثر مما توقعت
يعني مشاهد القتل واداء المثلين على صغر سنهم...كله ممتاز
عيب الفلم الوحيد هو انهم اهملوا بعض التفاصيل الثانوية...بس مافي مشكلة

طبعاً احلى مشهد في الفلم هو المجزرة الي يعملوها البنات من بعد حادث التسمم...ليش البنات حمقى

[Marche]

طنط - سان!
هذا رد كاتبنه في منتدى ثاني :

Doubt

مانجا من اسمها بتخليك تشك و تشك و تشك و ما بتيب القاتل آخر شي :P

قريتها 20 شابتر = 4 فوليمات مرة وحدة

تستاهل جداً و ممتعة و شيقة!

من فترة بسيطة، تقريبا أقل من شهر بشوي

و عندي نفس ملاحظاتك بالضبط عالمانجا... بس إذا لاحظت في الكومنتس إنه الكاتب عادة يوضح البانلات الغبية في إصدار الفوليمز.

و قلت لك بعد إنه نزلت مانجا من نفس الكاتب بنفس الفكرة و اسمها Judge.
نزل بس شابترين لها، و أتوقع الإصدار شهري، هي مشابهة تقريبا لـDoubt لين الحين!

و قريت ترسانة كبيرة من المانجات في الفترة الماضية... بس لازم نكتبها في رد مفصل بعدين...

و عن Battle Royale من زمان أدور المانجا أصلية بس مب محصلنها. + شفت الفيلم + الجزء الثاني منه.

الفيلم الأول حلو، بس أعترض عسالفة الإخراج لأنه فاشل نوعا ما!
الفيلم الثاني زبالة بمعنى الكلمة. لا تشوفه عشان ما تلوع جبدك منه...

[الشفرة]

Dengeki Daisy

توني مبدي فيها وصلت جابتر 4
مع انه مالي فالشوجو بس عجبتني القصة
____
أما عن doubt قريتها من زمان بس أذكر ان البداية كانت ممتعة خصوصاً لما تحيرك في القاتل بس بعدين صارت بايخة مدري ليش

[Yamato]

طنط افكات وماروشكا..

اولا طنط.. انت انت انت ما كملت باتل رويال!!!!!!!
يا للهول يا وقح.. احلف انف مانغا مثل باتل رويال ما كملتها.. لا وقززتك؟!!
انت متاكد انك انت؟

ثانيا..
مثل ما قال ماروشكا.. الثاني زبالة.. بس ضم الاول معاه.. الاثنينة زبالة وما يقربون لربع المانغا!

[TNT-BOY]

لحظة في شي مو فاهمه
مو المانجا جزء واحد فقط وقصته كلها نزلت في الفلم الاول؟
الفلم الثاني من فين جاية قصته ؟

وانا قريت المانجا الين باقي علي 4 فوليومات واخلصها...بالتحديد في مشهد البنت الي انتحرت من فوق البرج
لمن قريت المشهد خلاص وصلت حدددددي...مع ان القصة عاجبتني بس شغلتين كرهوني اكمل
1- الحوارات الي مادري شتبي ؟
2- الرسم الي خلاني اضحك في احزن المشاهد ...

لهذا استمتعت لمن شفت الفلم لاني اخيراً عرفت شنهاية القصة ومن فاز
ولو ان الفلم سحب على تفصيلات وعطا الزبدة بس
لاكن افضل من المانجا كان بالنسبة لي...المانجا كانت ترفع ضغطي ! صاير اقراها بس على شان اتصيد (شي يقتل المتعة)
لمن تفتح عينيك...مش حتأدر تسكرهم

[Tyki Mikk]

^^^^^
مدري عن الأفلام. بس تصدق...توقعت مخلص المانجا !!

وانا قريت المانجا الين باقي علي 4 فوليومات واخلصها...بالتحديد في مشهد البنت الي انتحرت من فوق البرج
لمن قريت المشهد خلاص وصلت حدددددي...مع ان القصة عاجبتني بس شغلتين كرهوني اكمل
1- الحوارات الي مادري شتبي ؟
2- الرسم الي خلاني اضحك في احزن المشاهد ...

*أكيد قصدك هالصفحة P:*

[Yamato]

^
^
لول.. صاعق الصراحة هالمشهد

[TNT-BOY]

لوووووووووووووووووووووووول رجعت لي ذكريات موضوع قصقة المانجا
كان موضوع رهيب بس للاسف مات وهو صغير
الصورة الي حطيتها احد الامثلة على الحوارات الورسم الغبي الي كرهني فيه
اهنيك على الشنب والسكسوكة

اقول شرايكم نرجع نسوي شغل القصاصة ؟
انا فولدر كولكشن صور المانجا مش موجو معاي الحين بس بحاول اعمل شي هل يومين
اصعقونا بإبداعكم D:

[Tyki Mikk]

^^^^
أصلا هالصفحة أخذتها من موضوعك ^^". اللي كفكرة جيد وأتوقع سبب انه "محد عطاه وجه" لأنه الكسل قتل أعضاء القسم. واللي يشاركون تلقيهم ماخذين لابتوب معهم بقبورهم X3

[TNT-BOY]

^^^
إستمتع
أفضل نص لقصاصة مانجا

هالله هالله ياشباب...نبيها ضحك وسيلقةةةةة

[.Atlas.]

يا اخي اختاروا لكم لعبة سهلة..بعضنا كسالى والبعض الاخر ما عندهم حس فكاهة او ابداع ;P
وللأسف الشديد انا اجتمع فيني الاثنين *sigh*
أنا أحتج ..وعليه ماراح أشارك


=====
Watashitachi no Shiawase na Jikan



مانجا قريتها هالأسبوع..

A pianist who attempted suicide 3 times, Juri, is taken to help her aunt at a prison where murderers who killed indiscriminately are sentenced to death. There, she meets a man named Yuu who took the lives of 3 people. A mother's antagonism--a brother's death... Together they embrace the violent rebellion in their hearts caused by the large, deep scars they carry. However, before long, they both embrace an earnest hope in their hearts. "I want to live"...

المانهوا حلوة وواقعية..أقرب مالها فيلم سينمائي
و بعض المواقف اخراجها جدا حلو..تدش جو معاها

[TNT-BOY]

White Clouds

وان شوت لطيفة ...حق تخدير

http://www.onemanga.com/White_Clouds

شلي يميز قروب kotonoha يخليهم افضل قروب من ناحية اختيار المانجاز وبالاخص الوان شوتز؟

[TNT-BOY]

Pumpkin and Mayonnaise
النوع : josei - romance
فوليوم واحد

امراة تبحث عن معنى السعادة...فهل هي تملك السعادة مسبقاً أم أنها تلحق وهم؟

مانجا كئيبة مع مسار قصة ممتع جداً! للناس الي ودها تقرا قصة رومانسية بعيدة عن جو الشوجو

http://i43.tinypic.com/14sfxo5.png

توني مخلص المانجا وانا مواصل وجوعان وقاعد اعيد نفس الالبوم من 3 ساعات
باختصار: جو عجججججججججججججججيب

للتحميل

[Nanashi]

Vinland saga chapter 63

بالذمه ننطر شهر وشوي عشان شابتر وأخرتها كله يدورون على حصان

شي ينرفز دش بالأحداث وخلصنا

>> قلبه متروسه على قوله داود حسين