هل شرب الماء مع الوجبة يقلل من الفائدة الغذائية+ متى استطيع اخذ الوجبة بعد اخذ المكمل

[alkatal]

سلام عليكم جميعا اخواني


عندي كذا استفسار

وهم
بعد الوجبات الاساسيه ناخذ الامينو طيب هل مباشرتا او بعدها بفتره وكم هي الفتره المناسبه والصحيحه

البروتين بعد التمرين ينفخ البطن(بعضها) لاكثر من ساعه وشي العمل

واذا ماتأخرت ماراح اكل عدل والسبب انتفاخ البطن وهل ذا ياثر لو تاخرت الوجبه مع ان ذي اهم وجبه لانها بعد التمرين


البعض يقول اخذ حبوب الامينو قبل الوجبات وكم هي الفتره, هل ذا صحيح

واذا كان صحيح هل يأخذ على معده خاليه او ذا يأثر

يمكن بعض الشباب يقول ذي أسئله تافها لكنها عندي مهم

وهل شرب الماء مع الطعام يقلل من فائدته الغذائيه

الف شكر لكم على سعت البال

انا كان عندي اكثر من استفسار فقلت اني أاجل البقيه لموضوع تاني

انتظر نصائحكم اخواني

[ولد ابوظبي]

وعليكمـ السـلام ورحمة الله وبركاته ..

سلام عليكم جميعا اخواني


عندي كذا استفسار

وهم
بعد الوجبات الاساسيه ناخذ الامينو طيب هل مباشرتا او بعدها بفتره وكم هي الفتره المناسبه والصحيحه

شوف ياطويل العمر .. خذهم قبل بنص ساعه .. لانك انته يوم بتاخذهم بتشرب ماي وراهم .. وبعد نص ساعه تروح تاكل .. يكون نسبة الماي اتهضم وبطنك خفيف .. او بعد الأكل بساعه

البروتين بعد التمرين ينفخ البطن(بعضها) لاكثر من ساعه وشي العمل

نعم في البعض .. ومافي حل انك تصبر ساعه ونص ولا ساعتين لين ينهضم وتاكل ..<< كتجربه

واذا ماتأخرت ماراح اكل عدل والسبب انتفاخ البطن وهل ذا ياثر لو تاخرت الوجبه مع ان ذي اهم وجبه لانها بعد التمرين

لامايضر طويل العمر .. انته ماراح تتأخر 5 ساعات ..

البعض يقول اخذ حبوب الامينو قبل الوجبات وكم هي الفتره, هل ذا صحيح
ممم يعتمد .. انا مرات قبل ومرات بعد .. واحيانا بين الوجبات .. والزاميه قبل التمرين وبعد التمرين وقبل النوم


واذا كان صحيح هل يأخذ على معده خاليه او ذا يأثر

انته خذه واشرب كاس ماي او كاستين .. عن تجربتي ماأثر شي الحمدلله

يمكن بعض الشباب يقول ذي أسئله تافها لكنها عندي مهم
من حقك ..

وهل شرب الماء مع الطعام يقلل من فائدته الغذائيه

حسب ماأعرفه .. انه يعيق الحركه الهضميه للمعده .. لانه المعده تفرز السائل الهضمي والماء يخرب عليه
يعني اشرب بشي بسيط .. وبعد الأكل بساعه ونص اشرب كاسه

الف شكر لكم على سعت البال

مافي شي ببلاش .. الحساب بعدين

انا كان عندي اكثر من استفسار فقلت اني أاجل البقيه لموضوع تاني

ماعليه ^^

انتظر نصائحكم اخواني

[alkatal]

الف شكر الك اخوي على ردودك الطيبه ياخوي

[منادة الليل]

ماقصر الوحش بارك الله فيه

بالتوفيق عزيزي

[alkatal]

جميعا ان شاااء اللـه

[مستر سعد]

ألف ألف ألف شكر لك الكاتال على طرح مثل هالأسئلة المهمة وألف ألف ألف شكر للمشرفين الي جاوبوا عليها


صراحة أسئلتك دقيقة ومفيدة >>>>> هذي الأسئلة ولا بلاش


على العموم إذا عندك أسئلة إضافية حطها هنا >>>> علشان ما تضيعنا في المنتدى


وعلشان جميع الأعضاء يستفيدون ,,,,,,


واحنا منتظرين الأسئلة الباقية ,,,,,,,,,,,,,وشكرا

[مشتاق بيروت]

مشكورين جميع

اذكر من نصائح مدربنا السابق الكابتن /شاكر ابو الفرج

كنت اسأله عن شرب الماء
اشرب الماء بعد ما تهضم "تقريبا بعد الاكل بــ2-3ساعات ".
ولا تشرب العصير مع الاكل نظرا لانك راح تشرب ما ءبكثرة بعده وهذا سبب انتفاخ المعدة لدى اغلب الابطال .

شاكر لكم

[alkatal]

ألف ألف ألف شكر لك الكاتال على طرح مثل هالأسئلة المهمة وألف ألف ألف شكر للمشرفين الي جاوبوا عليها

صراحة أسئلتك دقيقة ومفيدة >>>>> هذي الأسئلة ولا بلاش

على العموم إذا عندك أسئلة إضافية حطها هنا >>>> علشان ما تضيعنا في المنتدى

وعلشان جميع الأعضاء يستفيدون ,,,,,,

واحنا منتظرين الأسئلة الباقية ,,,,,,,,,,,,,وشكرا

العفو حبيبي

تسلم على كلامك الطيب

واللـه بودي اوضع باقي الاسئله هنا بس تعرف القوانين

بس ان شاااء اللـه قريب بوضع باقي الاسئله فموضوع جديد

وشكرا للجميع