الموضوع الرسمي | Silent Hill 5 : HomeComing

[Mr.Tommy]

^
^
^
هههههه شباب خلونا بزبدة الحجي اهي قالت الحقيقة بطريقة عنيفة شوي.. لكن نوعا ما صحيحة هههه

عموما انا فكرت احطه بموضوع منفرد بس قلت بالنهاية خل احطه بالرابطة دام الموضوع عن لعبة قديمة عشان لا انصك بمخالفة مالها داعي هههه ( وهذا وانا اعرف المشرف خخخ)

عموما انا توني راد وبغيت ارد عالسريع قبل لا اطلع عند الربع بس ردودكم عفسة لازم اقرء اي مرجع من موضوعي تقصدون ههه, برد عليكم لما ارجع

اشكركم على المشاركات الفعالة, بصراحة ما كنت متوقع ان احد بيرد علي ويتفاعل هههه

عندي فكرة ناوي اسويها بس لي الحين متردد.. بعد التفكير راح اقولكم
" مشروع سري"

[Mr.Tommy]

لاحظ ان الانعكاس كان على مرآه قذره...تعكس شخصيته الحقيقيه

ما لاحظتي شي غريب ثاني؟
ان جيمس يحط ايده على عينه وكأنه يسكر عين شخص مات!
شوفي المقطع وتأكدي



ا

حيانا تحس وكأن عندها انفصام في الشخصيه...شوي تعصب عليك وبعدها تعتذر مليون مره
لكن لما تقابلها المره قبل الاخيره عند الوحش تعطي جيمس كلام مثل السم واخر شي تحرف نفسها في النار في مشهدها الاخير

من البداية باين ان انجيلا ما عادت تفرق بين الصح والغلط, حياتها انهدمت من ابوها واصبح الصح والغلط ما يهمها. المهم تنتهي من البؤس اللي هي فيه

صح وحتى بعض الرسايل تكون اوضح في المره الثانيه

بالضبط!

شلون تتغير؟

تلقى كلام يفسر القصة بشكل اوضح, ما حطوه بالتوصيلة الاولى حاله حال الكثير من الخفايا لانه بيكون سبويلر
شوفي تريلر البداية على سبيل المثال

والتر كان من عباد الشياطين وقتله لنفسه يمكن كان جزء من تعويذه او قربان للشيطان اللي بيعطيه قوه انه يعيش كشبح قوي في الجزء الرابع ... اتوقع

يبيلنا نلعب الجزء الرابع عشان نتاكد, بصراحة مو متذكر شي لاني لعبته وكنت ضعيف بالانجليزي ايامها
مقارنة بمستوى اللغة المستخدمة

الغريب ان ايدي قتل بشر حتى في سايلينت هيل...من وين جاوا البشر والمدينه اصلا مهجوره؟
الا اذا كانوا البشر اوهام نفس ماري ولورا

هذه بروحها يبيلها تفسير كامل
ما اعتقد انهم خياليين, يمكن مو حقيقيين لكنهم ناس قتلهم ايدي صج وعادو بسايلنت هيل كوسيلة تعذيب له وكصلة تربط جيمس بايدي, بالنهاية ايدي وجوده مو صدفة وانا ذكرت الاسباب بالتحليل

ولو ما قرأتها شنو بصير؟

ماراح يصير شي, لكن اقصد انها راح تكشف الاحداث اللي راح تصير بالفندق
وانا ما اذكر اني شفت الكلام اللي ذكرته عن (التحذير غير المباشر) الا بالتوصيلة الثانية
احد منكم لاحظ هالنصايح اول مرة ؟

في الجزء الاول والثالث والخامس كانت الصافره للتحذير بتحول المكان الى كابوس لكني حسيت وجودها مختلف في الجزء الثاني....الغريب حتى ان عالم الكابوس ظهوره نادر في الجزء الثاني

بالفعل, بالجزء الثاني الصافرة كانت لمناداة ذو الراس الهرمي واللي اثبتت لنا انه بالنهاية جيمس
اثنينهم يتجهون للصفارة (باختلاف اماكنهم لكن بالنهاية اثنينهم لما يسمعونها يتجهون لها)

انا بعد استغربت من ردة فعله لكلامها...غريبه انه ما شك فيها ولو شوي
او كان على الاقل يعصب عليها لأسلوبها الفظ وياه
غبي

افضل اوصفه بالبليد على الغباء, بارد واعصابه ثلج

قصدك نهايتها لما تحاول تنتحر؟

Si Seniorita

ذكرتني لورا وماريا بسايلينت هيل الجزء الاول
شيرل هي الجزء البريء من أليسا اللي ماتت
اكثر شي طبق هالقاعده (قاعدة الشخصيه اللي تتجزأ لشخصيتين) هو مخرج فلم سايلينت هيل
المخرج شديد الاعجاب بالجزء الثاني ومحلل ممتاز للسلسله مثل استاذنا تومي
لاحظ انه جاب لنا شخصيتين لأليسا وهما شارون (الجانب الصافي) وأليسا المرعبه (الجانب المظلم)

good observation. but no bonus

أنا اتوقعه حقيقي مب مخيلة جيمس والغريب انه ظهر مرتين او 3 بس

زين يعني توافقيني الرأي . انا اشوف ان من الواضح انه حقيقي, لان في كثير من الادلة اللي تبين ان في شخصيات ثانوية ارتبطت بالعالم الثاني مع الشخصية الرئيسية باكثر من جزء

حتى تقوله كلام فض عن زوجته "That Dead wife of yours" وهو ما يعصب علهيا

كالعادة بستخدم "بليد" "بارد" "اناني"

خلاص نعقد اتفاق...كلنا نلعب الجزء الرابع بعد ما نخلص تحليل الجزء الثاني

عاد الجزء الرابع معطيه واحد من الشباب عشان يلعبه من 4 شهور ولي الحين ما لعبه, اذا ناوية تلعبينه عطيني خبر خل اروح اخذه منه

هي تعمدت تبطأ عشان تموت جدام عينه

عدل كلامج, بالنهاية في هدف وراء مقتلها جدام عينيه

اكثر مكان يجيب القشعريره واحسه صج سايلينت هيل المخيفه اللي أحبها ويذكرني بكوابيس الطفوله هو السجن

شنو كوابيس الطفولة هذه؟

استغرب شلون جيمس تجرأ يقفز في كل هالحفر بسهوله؟
مب فاهمه ... شي مب طبيعي

اثنين لا تستغربين منهم اي شي... هنري وجيمس, برودهم خياالي, تحسين انهم صج ما عندهم شي يخسرونه
عاد انتي لو مكانه ولازم تقفزين عشان تكتشفين حقيقة خبيتيها عن نفسج طول عمرج, تسوينها؟

اتوقع اي مكان في اللعبه ماله خريطه هو خيال من عقل جيمس
في مكان غريب أشك فيه وهو مخرن في الطابق الارضي في المستشفى...غرفه مثل مخزن من غير خريطه..ليش؟

لا انا ما اعتقد ان هالشي صحيح لان في اكثر من مكان عادي دخلته ومافيه خريطة بس اذا كلامج عن المباني الرئيسية يمكن كلامج يكون فيه نوع من الصحة

ا

نفس الشكل؟ وانا اقول ليش مسببين لي ازمه في القائمه
بس ايش سبب الشبه؟

1- اتوقع الفرق بحجم السكين يبين الفرق بغرض استخدام كل منهم, سكينة جيمس بهالحجم لان ذنبه كبير ولا يغتفر, اما انجيلا فقد استخدمت السكين بقتل المتسبب بتدمير حياتها, قتلت فيها للدفاع عن نفسها وهي بحالة ضعف عكس جيمس تماما.. فاعتقد الحجم يرمز للذنب مع اني اشوف ان انجيلا مو مذنبة بل ان السكين الصغيرة كانت موجودة لشعورها بالذنب ورغبتها بايقاف حياتها



هي قتلت ابوها؟

انا ضعت بالنسبه لسبب وجودها...السكين عليها دم...هل هذا دم ابوها؟
هل هي مذنبه وجاءت للمدينه عشان تتلقى عقابها؟

اي نعم هي قتلت ابوها لكنها مثل جيمس "تناست هالشي" ولو تذكرين اول لقاء تذكر ان ابوها مفقود لكن ولكن بالنهاية لما تقرء المذكرة وتكتشف الحقيقة تنهار
ومثل ما ذكرت سابقا هي مو مذنبة لكن شعورها بالذنب ورغبتها بانهاء حياتها هم من احضروها للمدينة, بالاضافة للاسباب الاخرى اللي تربطها بجيمس حالها من حال ايدي ولذلك هم تواجدو وتفاعلوا معاه

اي غرفه؟ وشنو الاشياء الدائريه ؟

الغرفة اللي تشوفين فيها انجيلا مع ابوها وجيمس يضطر يتقاتل معاه
اما الاشياء الدائرية مادري شلون اوصفها ههه دشيها وشوفي شلون شكلها غريب, احس كأنه ديكور من تصميم ولد خالتي ههههه

هاذي النقطه خلتني اشك ان جيمس قتل زوجته يوم لعبت اللعبه لأول مره
ما جربت اواجه ايدي بالساطور...لكن تخيل لو ان ما عندي الساطور وما حصلته ابدا...يصير انهي اللعبه بدونه؟

لا ماراح تفرق, لكن الغرض من هالنقطة اني ابينلج المزيد والمزيد من الشيه بين جيمس والبيرامد هيد, بالنهاية اثنينهم وجهان لعملة واحدة, البيرامد هيد تم استخدامه لمعاقبة القادمين لسايلنت هيل للتعذيب, وجيمس بنفس النهج تم استخدامه لمعاقبة ايدي على قتل الابرياء فقط بسبب نظرتهم وسخريتهم له

عندي مشكله مع اسم جيمس..دايما اقراه جيمس سندريلا

ههههههه يوم شفت ردج هذا مت من الضحك
ويوم شفت رد يامي بعد انقتلت من الضحك

لقيت مقطع فيديو خطير عاليوتيوب يخص هالفيديو بس بنزله في رد منفصل

بشوفه بعد ما ارد عليج

ههههه هني انا مت من الضحك لما تناديه mama
اكيد امها كانت قبيحه بشنبات

انا اكسرت خاطري, دريت انها انهارت مرة وحدة من سمعت هالجملة
اكثر شي باللعبة غور قلبي ماري يوم تترجى جيمس انه ما يروح وهو يمشي عنها
ومن بعدها هالبنت, احس انها عانت جدا, لو انها مو شخصية خيالية كان سافرت وحاولت اخفف عنها الامها

عندنا نفس حالة ماري وجيمس لكن الزوج هو المريض ولاحظا الفرق ما شاء الله
الزوجه (زوجة خالي) معاه في مالستشفى وفي البيت مع ان حالته أسوأ من ماري حتى لا يتكلم ولا يسمع...لما جيت ألعب سايلينت هيل 2 حسيت من الرسايل ومن كلام جيمس انه مل من زوجته وانه مقصر معاها ويبغي حياه افضل من غيرها...قمت اقارن شوي بين الواقع واللعبه ولاحظت ان كونامي ابدعت في اظهار جيمس كزوج فاشل اناني ما كان يحب زوجته من البدايه وقتلها عشان يرتاح منها ومن هم مرضها...لو يحبها كان صبر عليها ووقف معاها 24 ساعه وكان على الاقل بيقتلها بدافع الشفقه

الله يشافيه ويقومه بالسلامة, وزوجة خالج ما شاء الله عليها مثال يحتذى به للزوجة الصالحة, لو جيمس عنده ذرة من هالمراعاة ما كانت راح تموت بهالطريقة البشعة, كانت تخاف من الموت وكانت تبي جيمس يخفف عنها الامها, لكنه للاسف كان antagonist, تلوموني بهاللعبة؟ وين تحصلين لعبة البطل اللي تلعبين فيه ممكن يكون اكثر شخص تحتقرينه وتتمنين تعاسته
لعبة كل ما كانت النهاية تعيسة اكثر كانت مرضية اكثر!
من انتهت اللحظات السعيدة بينهم وهو صار يعاملها على انها "واجب" يجب تنفيذه
تبا لي الحين مو عارف اثبت على راي بموضوع الزهور اللي يابها
مرة يكسر خاطري ومرة لا, مادري شقول



ا

حنا اللي نشكرك على جهودك وياريت كنت فتحت موضوع خاص عشان يبرز كموضوع مميز في المنتدى
يعطيك العافيه

فكرت بس بالنهاية قلت ما يحتاج
يكفي انه وصل للاشخاص اللي كتبته عشانهم
عشاق سايلنت هيل لكم مكانة خاصة عندي

انا حبيت موسيقى الجزء الثاني لدرجه ان خليت منها رنة ومسج لجوالي

هههههههه انا من جد مادري شسالفة الصدف معاج
حتى انا حاطها نغمة جوالي
وابشرج... بخصوص تاريخ 8-8.... حتى انا صرت انتظر هالتاريخ مو بس انتي
امتحانات مواد الصيفي كلها بهالتاريخ! ابيج تتذكرين لما تتحفلين فيه ان في شخص تعيس بهاليوم
وقاعد يدرس مواد اهو مو صوبها مثل الاحصاء

--------------------

سوري من كثر الارتباطات هالاسبوع

يلا اهم شي انك ما تنسينا ههه

اجازتهم كانت قبل ما تصير المدينه ملعونه

المدينة ملعونة من اكثر من 450 سنة ( بتكلم عن الاوردرز بعدين)
بس مثل ماهو واضح ان المدينة تظهر بشكلها الهادي للناس العاديين

اجوف البطل الريال هو البلوى في القصه كلها

لولا الزف والشتم اللي خذان من زوجته ومزاجها المتعكر كان تلقينه الحن عايش حياه هههه (لا تصدقين)
لاحظي ان كل الوحوش تقريبا بنات وكل الشخصيات اللي يلعبون دور ضده هم بنات باستثناء ايدي
انتو اللي عفستوا حياة المسكين ( ناوي تطبقين حركات التايكوندو عليه هههه)

قرأته بالكامل واقول:
كان ممكن اراعي ظروف جيمس وانه قتل زوجته لو على الاقل كان يقف بجانبها طول فترة المرض
لكنه كان مهمل لها ومل منها وزياراته محدوده

انا ما اوافقه باي شكل من الاشكال لسببين
1- ما قتلها قتل رحيم ( يعطيج العافية عالفيديو اللي اثبت هالنقطة)
2- ماكوا شي يبرر قتله لزوجته حى لو انها مريضة وبتموت!, لو هجرها احسن

خلاص سجل اسمي اول طالبه عندك لرسالة الماجستير

نايس صار عندي طالبةA من الحين
عاد انا ما عندي اي خطط لرسالة الماجستير لا تخليني اسويها صج ترا بسرعة افصل بهالسوالف هههه

طلعت استاذ جاد مب هيّن
يا رب اجيب 10\10

لا انا من نوع الاساتذة اللي يسوي امتحان حتى انا اللي سويته ما اقدر اييب فيه 10\10 هههه (دكتور حقير ومحتكر مادة ههه)

ههههه جدامه عمر طويل...تخيل يجيك يوم بطل لسايلينت 10 وهو قتل ايل بعد ما تزوجها
واخر شي يطلع دايسها بالسياره بالغلط

لو تصير صج اتوقع يحقله ينتحر اكثر من انجيلا هههه

أبغي 5 درحات bonus

يالطماعة تبين 5 مرة وحدة, وانا كنت مفكر بونس درجة بس شكلي بلغيه P:

اشكرج على مشاركاتج الفعالة دايما استمتع بالرد على ارائج

[Mr.Tommy]

بصراحه تحليل اكثر من راااااااااااااااااااااااااااااااااااااااااااااااااااااااااااااائع ومن غير مجامله الله يعطيك الف الف عافيه على هذا المجهود صج صج استفدت منه من اعماقي والسموحه تعليقاتي منثره ومش مرتبه بس وانا اقرا كان اي شي ايي على بالي كنت اكتبه عشان ماانسى ^^
بس قلبي عورني >< يستاهل التحليل ينحط في موضوع خاص عشان الكل يشوفه ... ماعندي اسئله بس ياريت تقول لي رايك بالكلام الي كتبته ^^
على فكره انا شفت الرد يوم الخميس بس قلت مستحيل اقراه بالدوام وكل شوي يقاطعوني ويكلفوني بشكل عشان جي تأخرت بالرد ^^

ثاااااااااااانكس على هالكلام بصراحة الواحد ينسى تعبه لما يشوف مثل هالردود, والحمدالله ان الموضوع اعجبج وما يهمني انه ينتقل للميزة كثر ما يهمني انه يعجبكم

بسم الله الرحمن الرحيم

1- ماري فيها سذاجه شوي.. <<< من اولها ههههه
ههههههههه شلون ماشكت فيه من قبل انه زواجه منها كان نزوه واشباع لرغباته الخايسه بس كاااك
مثل ماتفضلت يمكن تصرفاته المريبه معاها يوم مرضت خلتها شوي تفتح عينها وتنتبه.. حتى وايد كانت تعتذر منه لانها مريضه ومثقله عليه .. يمكن في فترة مرضها ادركت انه مايبي منها طيبه واخلاق ومعامله حسنه ليرضى عنها ويحبها ، يبي منها شي ثاني مثل ماتفضلت في التحليل ^^

اخالفج بهالنقطة ( من اولها هههه) جيمس وماري كان زواجهم مافيه مشاكل وعلاقتهم ممتازة لكن مثل ما يقولون الموقف الصعبة تصنع الرجال وليس كل ما يلمع ذهب, جيمس كان زوج رائع الى ان وصلت لمرحلة الاختبار الحقيقية وهي مرض زوجته, اثبت بما لا يدعي للشك انه انسان سطحي وحبه للظاهر يبعد بعد شاسع عنه حبه للباطن... اناني

هبله على كل ذي بعد كانت تراعيه مع انه مايساهل هع

مسكينة ما عندها غيره والا ما كانت تبكي وتترجاه يقعد معاها وهو يخليها ويمشي

2- اتذكر يوم كنت العب كنت اقول حق اراشي ان ماريا اظاهر هي الصوره الي يتمناها جيمس عشان مرضت وعفنت وهو يبي وحده صاحيه تتعدل له وتدردح شوي .. بس ماتعمقت في الموضوع وايد وانا العب ولا تخيلت انه هدفه اشباع حاجه جنسيه وبس ^^ <<< وايد عليج كاااك

ملاحظتج كانت صحيحة وبالصميم

James + Eddy = EXTREME IRONY -3 خصوصا في الحوار الي يصير بينهم في مسألة القتل

ذكرتني بأول لقاء ب Eddy مت عليه من الضحك مادري شلون مسوينه يتكلم فريق سايلنت هيل

ههههههههه عليه فواصل قبل كل جمله لازم يفرغ

هههههه مثل ما قلت بالتحليل ان جيمس ما كان بالبداية بينه اي اتصال واصح بينه وبين انجيلا وايدي, كلن يغني لى ليلاه لكن مع الوصول لمراحل متاخرة يبدي التواصل الفعلي, لاحظي محادثة ايدي وجيمس بالسجن لما ايدي ينكر انه قتل شخص اخر, المحادثة اللي قبل لقائهم الاخير حيث يضطر جيمس لمقاتلته

4- لورا تمثل ال purity and kindess…etc وماريا نقدر نقول ال
good, health and perfect body(sexy)السموحه على استخدامي لهالكلمه

لورا صحيح pure لكني اشوفها ابعد ما يمكن عن الـkindess لو قصدنا محادثاتها مع جيمس بس يمكن تكون طيبة لو تقصدين مع ماري (واللي هي جزء منها بالاصل)

5- هممم من تحليلك نقدر نقول لما ماري مرضت تم معاها العنصر الثاني لحد ماماتت وفقدت العنصر الاول من قبل لانها مرضت يمكن عشان جي لورا قالت انها تعرفت عليها في المستشفى ... يمكن لورا عصبيه وتعامله بفظاظه لان جيمس ماعبر طيبة واخلاص حب ماري له

ملاحظة فوق الممتازة, توني انتبه لهالشي, this make sense ! بالفعل لورا ممكن تكون تعرف ماري لهالدرجة بما انها الجزء اللي بقى معاها للنهاية
لج bonus على هالملاحظ الممتازة

6- ممم بخصوص Eddy ابي اضيف نقطه على الغرض من وجوده بس مب عارفه شلون اعبر ... الناس ماتقبلته عشان شكله بدون مايشوفون داخله وشخصيته ... هاي يمكن تكون نغزه على جيمس لان بغى ميري عشان غرض خايس مابغاها لشخصيتها وطيبتها .. يوم شافها معفنه وماتصلح تخلص منها يعني حب لجمال شخصها مب شخصيتها ... مادري فهمتوا قصدي ولا لا ><
وانيجلا بعد وجودها وكلامها وقصتها نغزه على جيمس تقريبا ^^ وواضح من شرحك شلون النغزه

اي انا قلت بالتحليل شلون كل واحد منهم له اسبابه الخاصة عشان يتواجد بسايلنت هيل واسبابه الخاصة عشان يتواجد مع جيمس

7- في نقطه احب اطرحها... حطيت لنا في البدايه مجموعة تعاريف للحب صح ؟؟ منهم الرغبه الجنسيه ... انا مااعتبره حب .. جيمس اعتبره نوع من انواع الحب .. انا اعتبر شعوره اتجاه ماري عباره عن نزوه ... حتى لو مامرضت كان بيشبع منها سواء بعد تقدمها في العمر او ممكن قبل وبيفكر يدورغيرها

اهو هالشي مو انا الليي اعتبره حب, هالتعريف رسمي ببس نسيت ارفق المعجم اللي يعطي هذا لتعريف وانا اشوف انه معقول كنوع لان الحب مو شرط يكون نوع من الانجذاب العاطفي فقط. اما ان جيمس يشبع منها والله كل شي جايز من هالانسان البارد, ماله امان هههه

8- وبالنسبة لمدة وفاة زوجته ( في رايين )

A- لو قلنا 3 سنوات ... شلون بيتم 3 سنين يحس بالذنب بشكل كبييييييييييير @@ المفروض خلال 3 سنين يخف الذنب وينسى ولا شرايكم ؟
ولو قلنا لمدة اسبوع معقوله شوي لان ردة فعله وشعوره العظيم بالذنب قوي وتحسه ناتج عن جريمه توها فرش صايره...

انا عكسج تماما بهالنقطة... صدقيني ذنب بهالحجم يستمر سنين داخل قلب الانسان بدون لا يتكلم عنه ممكن يحطمه لدرجة ما تتصورينها, شخصيا عشت هالتجربة وبالفعل لما افكر بخطأ ارتكبته قبل سنين وسكت عنه يمكن بذيك الفترة سهل اتغاظى عنه لكن مع مرور الوقت الشعور بالذنب يخلي الانسان يرغب بالفصح عن ما بداخله فما بالك بشخص قتل زوجته ومستحيل يقدر يكشف هالشي لاي انسان خصوصا انه اناني, باين ان جيمس عاش بالظلام لفترة طويلة وما قدر يستحمل هاالذنب لين اضطر بالنهاية ان يواجه نفسه في سايلنت هيل.

B- او نقدر نفترض انها فعلا صار لها 3 سنين ميته وهو وهم نفسه بكل هذا عشان ينسى ويريح ضميره ... والرساله كانت البدايه لانعاش ضميره وسدل الستار عن الحقيقه

الرسالة بالنهاية طلعت ورقة فاضية والكلام كله من وحي خياله, بالنهاية نتفق ان جيمس شعر بالذنب لدرجة كبيرة وهو سبب رجوعه لسايلنت هيل ما الوقت نختلف عليه لكنه ما يأثر على الحبكة والقصة ومتروك لوجهة نظر كل واحد فينا

دام اقنع نفسه انه واحد كان يحبها وزين وكل شي .. ممكن يقنع نفسه انها ماتت من فتره طويله ...
= مريض نفسي ومرضنا معاه ههههههههههه

تن تن تنننننننننننننننننننننن !!

هههههههههه اي والله مرضنا معاه
بس هو ما اقنع نفسه, اللي صار معاه هو memory repression او كبت الذاكرة حيث انه نسى كليا ما حدث داخل عقله الباطن بسبب صدمة عاطفية كبيرة.

في الختام : طبيعي في مثل ظروف جيمس لما مرضت زوجته ان يمل ويتعب في بعض الاحيان ويمكن غصبن عنه يبان عليه الملل جدام زوجته .. هي حست بهالشي
بس ماراح اتفهم انانيته لانه قتلها وهاي الي خرب عليه هع

انا اكثر ما يهمني ني ما احكم على انانيته بل اتفهمها, جيمس كان يعاني الامرين من العناية بزوجته طول هالفترة بس هذا ما يفسر الي سواه لكن علاقتهم بعد مرضها كانت فعلا متوترة, تقدرين تشوفين رايي بهالموضوع بنهاية التحليل


------------------------------------------------------------------------------------

هههههههههههههه بسيطه .. احسن مني الي كله اقرى اسم جيمس (جيمس سندريلا ) واقعد اضحك على نفسي

ههههههههههه عاد جيمس وسندريلا مرة وحدة هههههه, انا متاكد ان اراشي مأثرة عليج بهالموضوع والا انتي مأثرة عليها عاد وحدة منكم تعترف



ب

العكسسسسسسسسسسس انا الي لازم اشكرك .. انا ماكنت اداني العب سايلنت هيل غير الاول والخامس واول مره اراشي العبت ال2 كنت اتملل ... يمكن لاني كنت صغيره وللحين مادخلت الجامعه ... شكرا على تشجيعي للعب اللعبه ^^
ومنتظره الجزء الجديد بفارغ الصبر وان شاء الله تكون قصته عميقه نفس ال 2 و5 يارب

انا ادري ان سايلنت هيل مرات كجيم بلاي تملل بس صدقيني بكل الاجزاء من تفهمين القصة بتغيرين رايج هاللعبة تحفة بقصصها, ما تلقين مثلها بسهولة.
اشكرج على ردج وتحليلج الممتاز بصراحة استفدت منج وايد ولو متناقش معاج قبل التحليل كان ممكن يكون تحليلي احسن واحسن, ثانكس يامي

[سكوال الصنديد]

ما شاء الله

تحليل مفصل ومميز منك يا Mr.Tommy ولو أنه في رأسي مليون بل ملايين الأسئلة

عن ذاك الجزء وخصوصاً الشريط الذي وجده جيمس ؟؟؟؟ هو صح جزء منه ما كان واضح

بس كيف إستنتجت أنه جيمس قتل زوجته عن طريق الوسادة ؟؟؟؟؟ توقعت أنه

خنقها وليس قتلها بهذة الطريقة الغريبة ؟؟؟؟ ثم نبغى نعرف ماذا عن باقي النهايات ؟؟؟

فأنت ذكرت نهاية واحدة فقط ونريد البقية ؟؟؟

ملاحظة :

خذ كل الوقت الذي تحتاجه لتحليل أسئلتي فأنا غير مستعجل ؟؟؟؟

ملاحظة 2 :

أنا أعتبر موضوعك أو بمعنى أصح تحفة لا تقدر بثمن ونريد المزيد من إبداعاتك في

القريب العاجل ... أو حسب ما تستطيع

[A7laa Kuwaitya]

James killed his wife by choking her using a pillow that what showed in the tape but it wasn't clear.
I wanna talk a 'lil bit about SH:SM I think cheral had an affair(had sex) with her teacher in her highschool days because she wanted an old man that looks like her dad like a father figure coz she misses harry
also i read in some other forum that henry townshend is totally gay coz of the way he reacts to eileen but i dunno :S
Angela was abused by her father 3ashan chetheeh ehya mt3qda men elryayeel wetgool 7ag jimmy"don't touch me distgusting pig blabla...) le2na laman kanat 9'3eera oboha kan ynam m3aha wo chetheeh f9arat mo3qada 7eel

PS leesh rdoody mafeeha shay ga3da asoolf 3an el game and dicussing normal stuff 3ady shfeekom atmna ma akoon thaygt a7ad bas ana modmenat silent hill #1 fan

[Mr.Tommy]

^
^
^
يا هلا باسكوال واحلى كويتية نورتوا الموضوع ^^

اسكوال اعتقد احلى كويتية ما قصرت وجاوبت على سؤالك بخصوص سبب انه قتلها بوسادة, هالشي تقدر تلاحظه بشريط الفيديو اللي تلقاه راح تشوفه يمسك الوسادة ويقرب منها شوي شوي

اما بخصوص النهايات حبيت اناقش اكثر نهاية حسيت انها ملائمة للقصة والتحليل لكن ولا يهمك بنزل رد عن النهايات عشانك

احلى كويتية

لا ما عليج ما قلتي شي غلط وكلامج سليم واشياء بالفعل حدثت وما نقدر نتغاضى عنها
بخصوص شاترد ميموريز هالجزء الوحيد اللي ما لعبته لي الحين قلت بلعبه وانا بالكورس الصيفي ( عفية مزاج هههه) بس شنو انطباعج عنه؟ الي اعرفه انه ريميك للجزء الاول هل اعتبره "ريميك" ام جزء يديد؟

bas ana modmenat silent hill #1 fan

هذه احلى جملة بردج, دايما ارحب واستانس على عشاق سايلنت هيل لكن اتمنى استمرارج معانا ونشوف ارائج بمختلف الاجزاء, احنا الحين قاعد نتناقش الجزء الثاني وقريبا بنرد نلعب الرابع ونتناقشه, عندج استعداد تلعبينه معانا؟

[kingx11]

^^
قول bit** وحده واتحداك اذا ماكليت مخالفة مع جباتي جبن

they can't belive a girl is posting here so they won't touch her

at least until 5 other girls start posting lolz

[Mr.Tommy]

^^
قول bit** وحده واتحداك اذا ماكليت مخالفة مع جباتي جبن

they can't belive a girl is posting here so they won't touch her

at least until 5 other girls start posting lolz

انت داخل رابطة سايلنت هيل اذا عندك شي تبي تناقشه حياك الله
احاديث جانبية مثل هذه او اي اعتراض عندك المشرف راسله لكن لا تغير موضوع الحوار
بدون الاستناد لاي ادلة واقعية
وانت باين مو لاعب اللعبة ولا عارف القصة او شنو اهي قاعد تتكلم عنه
والا انا غلطان؟

[kingx11]

^^
غلطان وبقووه

[Mr.Tommy]

دامي غلطان عيل يسرني اني اشوف نقاشك وتنورنا بارائك بدل من التحدث عن امور ادارية ما لا تمت بموضوعنا صلة
ثانكس على مرورك

[g4mer]

James killed his wife by choking her using a pillow that what showed in the tape but it wasn't clear.
I wanna talk a 'lil bit about SH:SM I think cheral had an affair(had sex) with her teacher in her highschool days because she wanted an old man that looks like her dad like a father figure coz she misses harry
also i read in some other forum that henry townshend is totally gay coz of the way he reacts to eileen but i dunno :S
Angela was abused by her father 3ashan chetheeh ehya mt3qda men elryayeel wetgool 7ag jimmy"don't touch me distgusting pig blabla...) le2na laman kanat 9'3eera oboha kan ynam m3aha wo chetheeh f9arat mo3qada 7eel

PS leesh rdoody mafeeha shay ga3da asoolf 3an el game and dicussing normal stuff 3ady shfeekom atmna ma akoon thaygt a7ad bas ana modmenat silent hill #1 fan

هاااا شووو

شي اسمه

SPOILER

[yami vergil]

لورا صحيح pure لكني اشوفها ابعد ما يمكن عن الـkindess لو قصدنا محادثاتها مع جيمس بس يمكن تكون طيبة لو تقصدين مع ماري (واللي هي جزء منها بالاصل)

لورا بشكل عام تمثل المشاعر الي موجوده في ماري وماريا تمثل جسد ماري قبل ماتمرض
ماريا (جسد) + لورا (Feelings or soul) = ماري <<<< يا كثر معادلاتج

ملاحظة فوق الممتازة, توني انتبه لهالشي, this make sense ! بالفعل لورا ممكن تكون تعرف ماري لهالدرجة بما انها الجزء اللي بقى معاها للنهاية
لج bonus على هالملاحظ الممتازة

مبروك علي البونس ^_^ يا حظي ههههههههههههاي ... احم شكرا جزيلا ^^ واهم شي الكل يستفيد والحمدلله جهودك ماراحت عالفاضي هذا يدل على اني فهمت الدرس ^^

ان جيمس يشبع منها والله كل شي جايز من هالانسان البارد, ماله امان هههه

اروش مسكينه حاطه في ال sound track اغاني من سايلنت هيل اقول لها طوفيها تذكرني بجيمس سندريلا خخخخخ هالايام مب طايقته بروحي من الاول ماحبه الوحين زاد الكره

انا عكسج تماما بهالنقطة... صدقيني ذنب بهالحجم يستمر سنين داخل قلب الانسان بدون لا يتكلم عنه ممكن يحطمه لدرجة ما تتصورينها, شخصيا عشت هالتجربة ...

سبحان الله ممكن يكون كلامك صح بصراحه ماعشت هالتجربه وانا لما كنت اخطا ولو كبير كنت لازم اعترف فيه ولا مارتاح يمكن عشان جي كنت مع الوقت انسى اما جيمس لا

لكنه ما يأثر على الحبكة والقصة ومتروك لوجهة نظر كل واحد فينا

اي ونفس ماتعملت في الادب مافي شي خطأ في التحليل اذا كان عندك دليل مقنع على كلامك وممكن تختلف وجهات النظر والامر متروك لك تختار الي يناسبك وبالنسبه للرساله انا منكم عرفت ان الكلام يختفي مع الوقت انا ماتفحصتها كلش وانا العب

ههههههههههه عاد جيمس وسندريلا مرة وحدة هههههه, انا متاكد ان اراشي مأثرة عليج بهالموضوع والا انتي مأثرة عليها عاد وحدة منكم تعترف

خوات طبيعي يصير جي معانا ^^ انا قريت تحليلك ونزلت ردي قبل ما اقرا ردها .. وانا اقرا التحليل ضحكت وقلت حق اراشي تصدقين مادري ليش اقرا اسمه جيمس سندريلا وسبحان الله قالت لي ان نفس الشي صار معاها ^^

اشكرج على ردج وتحليلج الممتاز بصراحة استفدت منج وايد ولو متناقش معاج قبل التحليل كان ممكن يكون تحليلي احسن واحسن, ثانكس يامي

الله يسلمك وانا بفضل تحليلك استنتجت هالكلام ..
صايره في البيت اول ماسمع تليفون اراش يرن (نغمة سايلنت هيل 2) اسكت شوي لين تسكر وعقب انط اناقشها عن جيمس وفي السياره اتكلم عن جيمس @.@ زين ماحلمت فيه ><

الف الففففففففففففففففف شكر على مجهودك الي اكثر من رائع ^_^ يالله نسمي بسم الله ونلعب سايلنت هيل 4 ؟؟
متى نبتدييي ؟

[Mr.Tommy]

^
^
^
يعجبني شغلج حار بحار ومن الصبح بعد هههههه
>>> وراه محاضرة الساعة 11 ومو نايم من امس

اعتقد ان النقاش كشف تقريبا كل شي بالجزء الثاني وصرنا ولله الحمد عارفين اكثر من المطلوب, انا اللي ساعدني
اني كنت احب الجزء الثاني وفاهم قصته قبل لا العبه معاكم فصار سهل علي اني افهمه اكثر
ومع ذلك تبقى نقاط "مبهمة" وقد تثير الجدل في بعض الاوقات, ومثل ما قلتي بالادب دام نظريتك ما تناقض نفسها
ومدعمة بادلة مبنية على اسس ثابتة تقدر تعمدها كوجهة نظر او منظور ثابت للقصة

بخصوص الجزء الرابع ( عودة اخرى لبطل ابرد هههه ) راح ابدء بالجزء هذا من الاسبوع القادم لانشغالي حاليا بلعبة Alan Wake واللي يبدو انها بتشغلني هذا الاسبوع
بالاضافة اني لازم استرجع الشريط من واحد عطيت هالجزء قبل 6شهور ولي الحين ما العبه ( حده مزاج )
اي شي متعلق بالجزء الثاني في مجال نناقشه هالاسبوع على ما نبلش بالرابع ^^

[سكوال الصنديد]

أبغى أذكر حاجة

إيدي السمين ولورا تقابلوا وكان إيدي يأكل بيتزا ويقول عنها لذيذة بس شلون قابلوا بعض

وهم ولا عمرهم عرفوا بعض ؟؟؟؟ لما جيمس شافهم سوى إستغرب ؟؟؟؟

[Mr.Tommy]

^
^
هلا اسكوال ^^

18-"غرابة البولينغ": جيمس يستمع لحديث بين لورا وايدي, وبما اني اعلم ان لورا هي من صناعة
سايلنت هيل, اقدر اقبل بكل سهولة حقيقة انها ظاهرة لايدي بما ان لشخصيتها جزء من معضلة ايدي
(تقوم بلعنه والسخرية منه) وايضا هناك نقطة اخرى تثبت انها غير حقيقية عندما تقوم بسؤاله: "اذا
لماذا انت هنا؟" لورا تعلم تفاصيل المدينة, ولهذا اقدر اقول ان كل هالمحادثة كانت من صنع عقل جيمس
الباطن, لكن تجاهل كلامي هذا لانه مو مبني على اسس قوية, وخلنا نقول انها بالفعل تحدثت مع ايدي,
لكن هذا ما يعني انها حقيقية. فهي حقيقية في سايلنت هيل, للاشخاص اللي تمت مناداتهم للحضور الى
الى سايلنت هيل. خلونا نركز على الجانب الغريب من محادثتهم, ايدي سأل لورا اذا كانت قد وجدت
ماري, ونستنتج هني ان لورا ليس بالجزء اللي يعرف الحقيقة (ما تدري ان جيمس قتل ماري), بل ان
الجزء اللي يعلم حقيقة جيمس هو ماريا

اتمنى اني قد جاوبت على سؤالك