وزني يطلع وينزل من يوم ليوم ..؟

[Yousif Alsaqer]

السلام عليكم ورحمة الله وبركاته

مساءكم | صباحكم فل وياسمين ..
أسف على كثر الأسئلة اليوم ، ما أدري شفيني الصراحة
بس هالشي الي الحين بستفسر عنه كثير هامني والله ، ومحيرني كثير بعد
أنا العب حديد صارلي ثلاث شهور وشوي ، والحمد لله في تحسن شوي شوي ..

عموماً بالنسبة للي صار معاي أني أول ما أدخل التمرين وزني يكون 61.4
وبعدما أطلع من التمرين أروح أشوف وزني وأشوفه 62.3
وفي يوم ثاني أرجع ويرجع الوزن مثل ما كان 61.4 ودائماً كده
فـ من شو يعني يطير الوزن ؟ ليش ما يثبت على الـوزن الي زاد ؟
وهل في شي أستعمله يعني يثبت لي هالوزن ، ولا كيف ؟
وأنتظر ردودكم يا أبطال , ضروري الله يخليكم ..

[scaryface]

فـ من شو يعني يطير الوزن ؟ ليش ما يثبت على الـوزن الي زاد ؟

يا اخوي
كلنا نشرب ماي (او برويتن او اكل) والماي له وزن
وكلنا نعرق ويوم نعرق نتخلص من بعض الماي في الجسم

[Yousif Alsaqer]

يا اخوي
كلنا نشرب ماي (او برويتن او اكل) والماي له وزن
وكلنا نعرق ويوم نعرق نتخلص من بعض الماي في الجسم

عوافي حبيب قلبي .. والله شوف اليوم أخذت قنينة ماء نصف لتر تقريباً
يعني مع التمرين أكيد بحرقها ، وبتطير الماء .. عموماً أنا خلصت تمرين
وبعدين رحت على طول وقفت عند الميزان ، ووزني شفته 62
طبعاً هذا قبل لا أخذ البروتين ، ودائماً يحدث هالشي معاي حتى قبل يعني ..

[The Coleman]

كتحليل لي يعني عندما نتمرن ترى عضلاتك أصبحت أكبر بسبب ضخ الدم لها وحتى لو مسكت عرضها ستجد أنها زادت بالفعل وهدا هو الدليل على أن الوزن يكون أكبر في التمرين وأقل قبل وبعده ..

[Yousif Alsaqer]

^^
اها ، طيب أخوي مافي طريقة علشان أحافظ على الوزن الي زاد ؟

[A L P A C I N O]

يمكن ميزانك خربان او مو دقيق مرة

[فيصل 2003]

افضلك لاتوزن كل يوم اوزن من سبوع لاسبوع اذا توزن كل شوي بتتقروش وتوسوس

[Yousif Alsaqer]

^^ .. ههه لا الميزان تمام ..
هلا فيصل والله قولتك أحسن شي ، من دون شي انا متوسوس .. لأن من كم يوم قست الوزن بالصيدلية وطلع 62.5
ويوم ثاني قسته بالصالة طلع 61 .. ههه شي غريب .. عموماً تسلم خيو ونشوف بعد اسبوع من اليوم

[كذا صح]

اخوي يوسف اول شي تأكد من الميزان اللي عندك لان بعضها يألف
الشي الثاني معروف علمياً حتى للانسان الطبيعي من الممكن يزيد يوم كيلو او كيلوين او ينقص او يتذبذب طبعاً هالشي راجع للسوائل

بالتوفيق

[Yousif Alsaqer]

اخوي يوسف اول شي تأكد من الميزان اللي عندك لان بعضها يألف
الشي الثاني معروف علمياً حتى للانسان الطبيعي من الممكن يزيد يوم كيلو او كيلوين او ينقص او يتذبذب طبعاً هالشي راجع للسوائل

بالتوفيق

هـلا والله ، الميزان تمام عزيزي .. وللعلم أنا امس جربت قبل وبعد التمرين

اها ، والله بهاي يمكن كلامك صحيح .. لأن فعلاً أنا لاحظت الزيادة ولاكن زيادة ونقصان بنفس اليوم .. محيرني

عموماً تسلم عزيزي ,, واليوم بشوف الميزان أن شاء الله ما يكون فيه شي

حياك