المشاركة الأصلية كتبت بواسطة Aziz.k
الله يعطيك العافيه اخوي على الطرح الرائع, بس اللعبه هذي بصراحه لها طريقين واللي انا شفته ان اللي يلعبها قسمين!
القسم الأول: (تقريباً 70% من المحيط اللي انا عايش فيه: شباب يبغون تفجير جسم وفله وطلعات الخ الخ
)
والقسم الثاني: (30%: اللاعبين القدامى (Old School, واللي يجي بنصف ساعه يكتسح الصاله ماشاء الله ويشيل اوزان مع انه شايب ولا +35 سنه ويشيلها, إنسان صحي وتشوفه تقول ولد عشرينات والتواضع حدث ولا حرج)
طبعا لكل قاعده شواذ, بس من المحيط اللي انا موجود فيه اشوف الناس تنقسم للمجموعتين اللي فوق الا من رحم ربي
اما طريقين عشان نعرف هل تعتمد على المال بكثره أو لأ, تعتمد عليك انت شخصياً يا لاعب كمال الأجسام, إيش هدفك بالظبط هل تبـغى تحول جسمك لجسم وحش خلال اقل من سنه وتوصل عند نقطه معينه وتشوف بعدها بتكمل ولا لأ؟ إرضاء للأخرين.. أو إرضاء لنفسك أو لهدف سامي في نفسك.. بكذا راح تحتاج مكملات على حسب اللي انتى تبغاه وتفكر في الشين والزين في الشي اللي بتستخدمه
أو هل انك تلعبها لأجل الصحه وقوة جسمك لتستخدمها برضو في حياتك العمليه؟
أو هل انك تبغى توصل لهدف معين ان أكلك يكون طبيعي 100% بدون اي مكملات, وبجسم جبار مستقبلاً؟ (مع اني انا اشوف ان يبغالها اراده وعزيمه كبيره جداً وأحسها صعبه مع كثرة المكملات الغذائيه.. يعني بالله وين بتلقى شي في اليوم يعطيك +80 جرام بروتين الخ الخ)
بالأخير من ناحيتي انا, أشوف انها تعتمد على المال, بس مو بشكل أساسي
يعني لو استلم راتب اتوقع 20% او أقل راح اصرفها على المكملات الغذائيه, وعقلي براسي وراح اعرف الباقي وش اسوي فيه
الله يعطيكم العافيه ياوحوش وبالتوفيق للجميع
