كوكتيل الفواكه بالقشطه
السلام عليكم يا طباخات المنتدى
اليوم تقدم لكم أراشي بعض من الاختراعات اللي اخترعتها في المطبخ من الملل
نوعين من الكوكتيل..هم يتشابهون بس في اختلاف صغييييير في نوع من
الفواكه
كوكتيل #1
-حبة مانجا كبيره (النوع الباكستاني تمام او اي مانجا تكون كبيره وداخلها أصفر فاتح ومليانه عصير>>تعرفون كمية العصير ان كانت الريحه قويه)
-حبتين خوخ (ممكن استبداله بالخوخ المعلب اذا ماكان موسم الخوخ)
-حبة موز كبيره (تكون احسن لو شوي مايله للاخضرار)
-ربع علبة قشطه (تفضل ماركة بوك)
-3 ملاعق طعام تانج البرتقال
-اربع ملاعق سكر او اكثر حسب الرغبه
-10 حبات ثلج على الاقل
-القليل من الماء لمئ الفراغ في الخلاط (مايزيد عن كوب-كوبين حسب الرغبه ان كنتي تحبين العصير غليظ او خفيف)
كوكتيل #2
(نفس الكوتكيل الاول بس بدل الخوخ نضيف الفرواله ونزيد القشطه)
-مانجا كبيره
-8 حبات فراوله (يفضل المثلج)
-حبة موز كبيره
-نص علبة قشطه
-3 ملاعق طعام تانج البرتقال
-اربع ملاعق سكر او اكثر حسب الرغبه
-10 حبات ثلج على الاقل
-القليل من الماء لمئ الفراغ في الخلاط (مايزيد عن كوب-كوبين حسب الرغبه)
بالهناء والشفاء
