Super Street Fighter IV

[SedoSan]

الإيجابيات باللعبة الي شفتها تعدد الشخصيات, وبعد اتمنى شخصيات يديدة تنضاف يوم ينزل الأركيد باليابان. من ناحية البالانس أحس اللعبة متوازنة جدا. بس يظل في عامل الـ (حجرة ورقة مقص).
مثال أنه دالسيم يفوز عزانجيف, بس الملاكم يفوز عدالسيم وزانجيف يفوز عالملاكم
طبعا هذا اذا كان مستوى اللعيبة قريب جدا من بعض ويعرفون الماتش أب عدل.

مثل ما قال السيد في شخصيات أسهل اللعب فيها من ناحية حركاتهم بس أنا ما أشوف هاي كسلبية, بالعكس, يوم تفوز بشخصية صعبة تحس بطعم الفوز مرتين!

السلبيات باللعبة أنا شفت أنه أكبر سلبية أنهم ضعفوا الـCrouch Tech. حتى بعد ما أنا كتبت الموضوع قبل 4 أيام يمكن, سووا مقابلة مع دايجو وسألوه شو السلبيات الي شفتها, وكان رده مثل ردي هذا! إن شاء الله كابكوم ترجع لعقلها وترجعه مثل ما كان.

أما مثل ما قال ألوكارد, يوم إثنين يسوون ألترا ورا بعض. المفروض إذا انت اللاعب الأول لازم ما تسوي ألترا إلا اذا بكومبو, أو punish أو Counter. أما إذا اللاعب الثاني رد عليك بألترا تكون غلطتك من البداية, معظم الألترات يكون عندها Invisibility start up بما معناه أنها تخترق كل شي في أولها, لهذا السبب معظم الأوقات الثاني راح مالته تفلح. أما اذا الثاني سوا الألترا بس الألترا مالت اللاعب الأول شبكت بتكون غلطة اللاعب الثاني لأنه استعيل, أو لأنه ما درس الموضوع عدل. أنا ما أشوف أنها سلبية, لكن تعتمد على اللاعب نفسه.

مرحباً سيدو ، كيف الحال ؟؟!!

ماشاء الله عليك ،،، صفعتني ذاك اليوم الين ما قلت بس هههههههه ...

كنت العب ثيردسترايك ومباشرة حولت على السوبر ولقيتك باللستة صح ذليتك على الاضافة لكن شو اسوي كنت طفران XD ...

بالنسبة للعبك ماشاء الله عليك مبدع بفايبر ...

افضل مستخدمين فايبر شفتهم هو انت واخوي ساشيو ما شاء الله عليكم

الحمدالله شحالك صديقي, عاد اسمحلي يوم ألعب بفايبر أتحمس شوي زيادة عن اللزوم ههههههه.
وأحرجت تواضعي :$ هههههههه تسلم ألوكارد.

[AL999e3ry]

شباب اذا فيه حد سئلكم عن الاشياء السلبية في هالجزء او الايجابية شو بتكون ؟
بالنسبه للشي الثاني شو الشخصيات اللي اتشوفونهن ضعيفه ؟ وشو الشخصيات اللي اتشوفونهم قويه ؟

شباب بليز انريد اجابات واقعية ومب متحيزه؟؟

في انتظار اجوبتكم ...

بالنسبه لي ارتبها كالتالي... اولا الايجابيات:


- تعدد الشخصيات
- تقليل الدامج
- الانليميتيد كومبوز التغت


السلبيات:


- الشخصيات كلها متوازنه ما غير... جاي( ضعيف جدا)... روفس و البوكسر( اوفر)
- سوبر اقوى من الترا... الترا تكسر اي اكس... اي اكس اقوى من الترا ... بعضها يصيب و بعضها لا... مخبوصه السالفه


اخيرا احب اعقب على كلام ALsayd و اقوله بالنسبه لي الالترا الثانيه حق كين اقوى من الاولى و انا عن نفسي فادتني في اللي يلعبون وياي ديفينس قمت اقدر اعاقبهم فيها... ريو و ساجات... صارو من ابسط الشخصيات اللي ممكن تلعب وياهم بس يبالك شي واحد... لو شوه ما صار لا تنقز خاصة لريو عسب ما يعاقبك بألترا و غيره و العب وياهم مايند جيم لين تلقى فرصه ترقعه كومبو و تحمل لا تصيبك الكاونتر هيت و خلصت( جرب العب بريو بتحس ان الشوريوكين عنده ضعيفه مب نفس قبل, لو تشوف دايجو صار يسوي m. shoryuken مب h. shoryuken)... كودي... انا اشوف انه السبيشل موفز عنده تضغط بشكل مش طبيعي و الخيارات اللي عنده اوك


حمد... بالنسبه لموضوع الكومبوز المشكله مب في التايمينج... بالعكس التايمينج ضبطوه و صار احسن... بس في شي ما عرفته في اللعبه نفسها.. احس ان السيستم يجبرك انك تغلط(ما اعرف كيف اشرحها) مرات اكون متأكد من كومبو و فجأه الفص ما يطلع... يمكن اتقولون لا يمكن بس مادري احس انه شرات الاونلاين مرات ما يطلع الحركه يتم اللاعب واقف و خاصة يوم العب ويا اخوي A-A-N VS ما تطلع الحركات و هالشي بعد اخوي و بن عمي يحسون فيه( يمكن السالفه سالفة الـ LCD جايز)

[dmcking]

وبالنسبة لساجات أنا صرت أرتاح وايد يوم ألعب ضده, القفزة مع mp الخيالية مالته صارت مقبولة, والدامج للأبر كات مالته صارت وااااايد أحسن. وصار ما عنده الـhit trade بعد الشوريوكن هو وريو وألترا بعدها

trade كومبو لا يزال موجود عند ساجات
لكن شالو من ريو

بالنسبة لمسئلة الالترا تكسر الالترا = تشبة مسئلة ال ماتش اب لازم تكون حافظ وتعرف ادفانتج الالترات في استخدمها في حالة كونتر ضد الالترا ثانية

[UAE4HAMAD]

مشكورين شباب على التفاعل (سيدو والسيد والصيعري وكودي والباقين )



طبعا بالنسبه لي انا كالتالي:



الايجابيات:

1- تعدد الشخصيات والمراحل واااااايد الصراحه سوت جو في اللعبة + تعدد المراحل وانك تقدر تختار الترا 1 او 2.

2- نظام الاون لاين ممتاز وراح يضيفون التورنيمنت جامبيون شيب.

3- بالانس بشكل ملحوض --- باف حق بعض الشخصيات ونيرف لبعض الشخصيات مثال:

- ساجات وزنجيف والبوكسر وريو وبعض الشخصيات لم اذكرها ------- + البف جايل والشي هذا ملحوووض وبايسون وتشن لي شويه دان انا ملاحظ انه احسن من قبل.



اما السلبيات:



1- طبعا مثل ماذكرالاخ السيد في بعض الشخصيات سهله واقوى من شخصيات صعبة ومش قويه بعطييكم مثال في الاخير.

2- مثل ماقال اخوي سيدو نظام الكراوتش او المسكه تعبان في هالجزء ولازم اتكووون مركز وماسك الزرين من البدايه وصح.

3- نظام الكومبو اصبح توقيته مختلف وانا ملاحظ هالشي وخاصه في الشخصيه اللي العب فيها (جين) من mp then mk ... بس هذي مش سلبيه كثر ماتكون تعود.





المثال اللي كنت ابا اذكره انه النيرف اللي حصل في شخصيات ماكانت تستحق النيرف مثل شخصيتي:



(جين):



انا ماعندي مشكله انه ازالو The chain combos of Gen -- mk the hands -- mk hands.



بالعكس انا فرحان انه جين عنده ميكس اب كثيره الحين.



بس المصيبه في اشياء كثيره ازالوها عنه امثلة:

1- نظام Oga ex invinsiblity اصبح تعبان واذا حد حطك في زاويه ماتقدر تهرب.

2- the new jump of Gen المصيبه انه جين في ستريت فايتر 4 كان عنه نظام القفز القصير واللي يبهدل الخصم وطبعا القفزه القصيره لجين كانت موجوده في الفا3 او زيرو والفا 2 يعني هم قالوا نحن خلينا جين مثل الفا جين طيب وين القفزه مالت الفا ؟!
3- الدامج تعبان والستامينا تعبان.
4- قبل كنت اعمل mp then Gekro الحين مايستوي ماعرف ليش معنه كومبو عادي يعني كانك ب ريو تعمل mp then shoryuken or d.mk then shoryuken.





الاشياء الايجابية ثلاثة فقط:

1- تقدر تعتمد على الميكس اب اكثر من انك اتركز على كومبو السلسلة او Chain.
2- النورمالز احسن من ستريت فايتر 4 وخاصه في الكرين ستايل.
3- EX Gekro احسن من ستريت فايتر 4 من ناحيه الضربه وتمسك اللاعب اللي يبا يسوي كروس اب.



في النهايه انا ماعندي مشكله في كل الاشياء اللي شالوها بس مشكلتي الوحيده في الهااااي جامب بس.


تحياتي اذا فيه اضافه الرجاء الافاده.

[RogerM]

الحين انت صدق قاعدين تتكلمون عن موضوع " شخصيات سهة و شخصيات صعبة، و الفوز بالصعب أحسن انك بتفوز بشخصيات سهلة "؟ اختار الي يعجبك وان شاء الله لو زانجيف والعب على راحتك، مافي شي اسمه غش او غير عادل، دبّر نفسك بالي عندك ( هذا رايي ايام سف4 حتى )

بشكل عام، سوبر كانت أحسن. لكن الي يقهر الشخصيات الزيادة الي نادر تحصل حد يلعب فيهم و تحسهم زيادة عدد لا أكثر ولا أقل. برأيي ستريت فايتر أحسن عدد شخصيات لها هو 18-22 شخصية ما يحتاي 35 شخصية! و مستغرب من الي كان يريد تغيير شامل في الجيم بلي؟ يسوون لعبة يديدة أحسن عيل. سوبر اكيد كانت بتحتفظ بنفس الجيم بلي، بس حلو انهم حلّوا مشكلة ال trade للابركت و بعض الاشكاليات الثانية

[AL999e3ry]

سهولة او صعوبة الشخصيات ما تفرق المهم طريقة اللعب بها... اهم شي سوي الكومبوز بطريقه صحيحه و في الوقت المناسب و حاول ما تغلط عسب ما تاكل كاونتر هت و خلك حذر في اللعب... قبل كان همي تركيب الكومبوز الحين ركب كومبوز اذا تقدر غيره خلك مايند جيم...

[محمد شعيب]

و انت الصادق مايند جيم و ستراتيجي و فهم للماتش اب..... بعدين اهتم بالكومبو..شوف كيف دايجو يتعب مع واحد فاهم لريو .. لاعب أدون كان يقدر ياخذ السوبر الثاني اللي يعطيه الكومبوهات لكن السوبر الاول يشكل مصدر تهديد للعيبة الزوننج بالطلقات.. و شوف الاثنين كيف يحاولوا يقروا افكار بعض ..
انا استمتعت بالمبارايات مع اني ماألعب بأي واحد منهم..

http://www.youtube.com/watch?v=ioagK...eature=related

http://www.youtube.com/watch?v=_Ky2_...eature=related

http://www.youtube.com/watch?v=tNCS0...eature=related

سوبر اقوى من الترا... الترا تكسر اي اكس... اي اكس اقوى من الترا ... بعضها يصيب و بعضها لا... مخبوصه السالفه

هي مسألة اولويات و فريمات اختفاء هت بوكس الخ.. تلقاها في العاب ال2D كثييير مثل سوبر ايوري في KOF 98 مرة و صخ و سريع و يكسر اشياء كثيرة ((و نفس الحال لسوبر كرواز 98 UM)) في الاجزاء الثانية احيانا ينضرب بمربع سوبر تاكوما ياكل خمسة الاف من سوبر روبرت في جلتي سوبر سلاير F.HCF+S شوريكن سول ياكله و احيانا الاثنين ماينضربوا QCF+D لجام تطفي حركات كثيرة .. قاعدة السوبر له اولوية مطلقة يمكن تلقاها في ثيرد اكثر شي..احيانا بس لو ضغطت مربع قبل وقت السوبر بفريمات حتاكله...

[SedoSan]

الحين انت صدق قاعدين تتكلمون عن موضوع " شخصيات سهة و شخصيات صعبة، و الفوز بالصعب أحسن انك بتفوز بشخصيات سهلة "؟ اختار الي يعجبك وان شاء الله لو زانجيف والعب على راحتك، مافي شي اسمه غش او غير عادل، دبّر نفسك بالي عندك ( هذا رايي ايام سف4 حتى )
الاشكاليات الثانية

محد قال هذا الشي, بس الواحد يحس بطعم الفوز يوم يفوز بشخصية صعبة. بس يمكن مب كل واحد. بالنسبة لي الفوز أحلى يوم أفوز بفايبر أو فويرتي بدل من يوم أفوز ببالروج مثلا. يوم أفوز ببالروج أحس كأنه هو الي فاز, مب أنا. هههههههههههه

[AL999e3ry]

محمد شعيب... اسمحلي ياخي بس ما عرفت اييبها بالانجلش (ادري ذنبي اني ماعرف المصطلحات لول)... انا على قد حالي و احاول احط افكاري في المنتدى بس على طريقتي فيوم قلت خلك حذر في اللعب كنت اقصد( الاستراتيجي ...الخ) في النهايه نتعلم منكم و المستفيد الاكبر هو اللي راح يطبق هالكلام اللي يصير في المنتدى على الوجه الصحيح...


ياخي كل ما اشوف ردودك في المنتدى ودي اتحداك و اشوف مستواك... عطني الاي دي حقك اذا ما عليك كلافه!!!

[AL999e3ry]

هي مسألة اولويات و فريمات اختفاء هت بوكس الخ.. تلقاها في العاب ال2D كثييير مثل سوبر ايوري في KOF 98 مرة و صخ و سريع و يكسر اشياء كثيرة ((و نفس الحال لسوبر كرواز 98 UM)) في الاجزاء الثانية احيانا ينضرب بمربع سوبر تاكوما ياكل خمسة الاف من سوبر روبرت في جلتي سوبر سلاير F.HCF+S شوريكن سول ياكله و احيانا الاثنين ماينضربوا QCF+D لجام تطفي حركات كثيرة .. قاعدة السوبر له اولوية مطلقة يمكن تلقاها في ثيرد اكثر شي..احيانا بس لو ضغطت مربع قبل وقت السوبر بفريمات حتاكله...

بس اذكر انه في الالعاب اللي طافت انه ثاني سوبر او ثاني واحد يسوي السوبر هو في الغالب الاقوى...

[MoMeNTuM]

حسب علمي الاولويه للسوبر الثاني

[محمد شعيب]

ياخي كل ما اشوف ردودك في المنتدى ودي اتحداك و اشوف مستواك... عطني الاي دي حقك اذا ما عليك كلافه!!!

انا اساسا اذا سمعت كلمة تحدي حتى من ولد عمرة 12 سنة ارتبش و اتلخبط...و تراني مسكين..و عموما انا قاطع الاونلاين لأن النت سيء و بالقوة العب مع السعوديين تمام ..و لظرف اخر اد ع لي انه يروح..
وأول ما بيتضبط الحال و اتقن بعض الأشيياء بأيبوكي حدز لك اليوزر عالخاص..
ا

بس اذكر انه في الالعاب اللي طافت انه ثاني سوبر او ثاني واحد يسوي السوبر هو في الغالب الاقوى...

بالنسبة لسوبر الى سوبر يمكن معاكم جق في جلتي لكن بصراحة بتأكد منها في كوف ((لكن ps2 حقي كحيان))..
بس شغل تعصيبات ورا بعض في نفس الوقت شي نادر بالنسبة لدي..

[AL999e3ry]

محمد شعيب... صدقني و لا افكر بالتحدي بس قلت يمكن من النوع اللي تحب تتحدى... عالعموم انت طرش الاي دي حقك عالخاص و انا بضيفك!

[Shadow Fox]

السلام عليكم

ما شاء الله كلكم فاهمين للفايتنغ ما شاء الله عليكم

بغيت اناقشكم عن Ibuki .. همم اعجبتني وايد الصراحه من قبل جم يوم .. عندها Target Combos وايد و منتوعه حسب وضعيتك و حالتك .. و بعد عندها Anti Cross Up متنوعه و بعد تقدر تتفاده الفاير بولز باكثر من طريقه غير الالترا الثاني الي يرتبط مع كومبوات كثيره .. و شخصيه خفيفه و الحلو بعد انه اغلب الي يلعبون اون لاين ما يعرفون يتعاملون معاها لان محد يختارها وايد عشان جذي تلقى صعب شخص يغلبك لما تلعب معاه اول مره و انت محترف فيها وهو ما لعب مع احد ضدها

بس مشكلتها ان طاقتها بسرعه تنقص و بسرعه يصير لها Stun اذا انحكرت

ها شنو رايكم فيها ؟

اتمنى تضيفوني بالبلاي ستيشن نتوورك ان شاء راح اتواجد 24 ساعه بعد يوم 24 من شهر 6

الاي دي

SCORPION-Q8

[SedoSan]

أنا أشوف انه إبوكي مكس بين أكوما وفايبر. عندها فورتكس نفس أكوما هذا إذا عرفت تستغله. وعندها السوبر جامب تقريبا نفس فايبر تقدر تكنسلها للأترا 2. المشكلة مع أنها مكس بين الإثنين. اكوما وفايبر ما عندهم حياة وايد. يعني هي بعد راح تموت سرعة. موموتشي وداشيو صاروا يلعبون بإبوكي, لو تدور فيديواتهم على يوتيوب بتستفيد.

بس أنا ما أشوف أنها عندها أوبتشنس بكثر أكوما. مع أنها يمكن عندها أكثر سبيشالس باللعبة. الكوناي مالها تنكسر بسهولة. والتارجت ريسيت تقدر تكسرهم بشوية تركيز. يمكن الحركة وين تختفي وراك تكون افيد حركة حق المكس أب, بس بعد بشوي تركيز تقدر تمسكها.

مثل ما انت قلت لأنه مب وايد ناس يختارونها تقدر تشتغل هذا الشي. بس اذا واحد فاهم لها صح راح تتعب. فإذا بتلعب ضد واحد فاهم لازم تلعب مكس أب قوي جدا وإلا ما راح تفوز.

الأوفر هيد مالها بطيء جدا مقارنة مع باقي الشخصيات, بس الميزة أنك تقدر تكملها بكومبو وتسوي ريسيتس حلوة. بس مثل ما انا قلت اذا واحد فاهم لها راح تتعب.

بشكل عام هي شخصية حلوة وعندها امكانية انها تصير قوية بالمستقبل مع الناس يطورون فيها ويحصلون أساليب يديدة باللعب فيها.

أنا الإيبوكي الي لعبوا وياي ما شفتهم لهالدرجة. حصلت فيها نقاط ضعف بس يمكن لأن الي كانوا يلعبون فيها مب متعودين عليها بعدهم. هذا والله أعلم.