(*_*)>> (^_^) استـراحـة الأدبـاء الرابعـة (^_^) <<(*_*)

[kilua 19]

الله يعافيك
و انت لا تهتم بالموسيقى اهتم بالشعر

[The Princess]

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللـي (( اهـم )) انـي دريـت :
ان الحيـاه فبعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)
يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القاف ) سـال
ويا كبرها ساكـت ولكـن داخـل اوراقـي بكيـت !!
عمر الحكي ما كـان دافـي لاابتـدى بقولـة تعـال
لجـل اتجاهـل رجفـة حروفـي اليامنـي حكيـت ..
الحـال فـي بعـدك قسـم بالله مـا اسميـه حـال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثره معـي مهمـا مشيـت !!
مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..
يرضيك ما عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!
صرت ( اعقد حجاجي ) اذا جابـوك باطـراف الجـدال
وانا قبل لاقالوا اسمـك كنـي : ميـت ثـم حييـت!؟
تعبـت اعيـش الـدور وافتـح للمعاذيـر الخـيـال
واتخيل انـي جيـت فـي بالـك وبانـك استحيـت!!
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )
حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..
ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!
واذا بـلاك الله وعذبـك اشتياقـك (( بـس تعـال ))
واقرى القصايد في غيابـك كلبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )




محمد جارالله السهلي..

[أبو نائل]

يا هلا بعودتك أختي منحة

فينك طولتي الغيبة

[iSRT8]

لا صآر قلبي لك وطن .. أبسألك وين الولاء .. وشلون حآل المملكه دآم الخيآنه من ملك ..!

أحمد الصانع ,,

[The Princess]

أنا من وين ما جيبك ... تجيني بالحزن باعناد
طلبتك رخي اشويه ... ويكفينا ألم وسهــــاد


أنا أبقى مثل غيـري ... في تبريري وتفكيري
ولاني مختلف ياناس ... وشوفوا كل تعابيري

ياطول الليل والقمره ... يابعدك يا أمل بكره
ومـع هذا أنا نـاطــــر ... وكل طعناتي منتظره

مـدام إن الأمل موجود ... تهني ياجروحي زود
في قلب وان غدا دايم ... على اعتاب الفرح مردود

عسى هالوقت يفهمني ... عسى يرضخ ويسمعني
ويعرف وش يبي قلبي ... ولا كل مره يسفهني

[iSRT8]

يا من هواه أعزه وأذلني

كيف السبيل الى وصالك دلني

تركتني حتى ملكت صبابتي

ورجعت من بعد الوصال هجرتني

وتركتني حيران صبا هائما

أرعى النجوم وانت في عيش هني

أنت اللذي حلفتلي وحلفتلي

وحلفت أنك لا تخون فخنتني

لاقعدن على الطريق واشتكي

واقول مظلوم وانت ظلمتني

ولادعين عليك في غسق الدجى

يبليك ربي مثلما أبليتني

كلمات/ الأمام سعيد بن أحمد بن سعيد آل سعيد

[أبو نائل]

ما شاء الله كلماااات روعة جداً و الأجمل هو نقلكم وأختياركم لهذه الكلمات

ننتظركم يا شعراءنا المميزين لكم أشتياق

[iSRT8]

سمعت أنك .. تعاني حيل بـ فراقي وخاطرك مكسور
ولا نومك مهتني فيه ليه .. ولا عينك تشوف النوم
عرفت أنك معي قاسي .. يا ناسي قلبي المقهور
أبيك تحس بـ غيابي .. عشان تشوف بـ عيونك
تعرف أني دوا لـ جرحك .. وعلى همك أنا عونك
تشوف المر في كاسي .. يا قاسي ,, يا قاسي !
لـ أجل عينك تجرّعته .. ترا من طيب أنا ساسي تحمّلته .. تحمّلته !
عرفت أن الزمان يدور .. وأسمع خاطرك مكسور
ولا عينك تشوف النوم .. يا ناسي قلبي المدفون
أنا خلّـيت لك كاسـي .. و قـو بـاسِــــي
وذوق اللي أنا ذقته .. ترا من جرحي وإحساسي تعلّمته ,, تعلّمته !

*بنت العطا

[قلب الحياة]

يا شعر تبقى في نظرهم كحيلان
وبنظرتي تسوى عيال الحمايل



حنا الاثنين اخوان واكثر من اخوان
لو ما اجتمعنا بالنسب والسلايل


لو نختلفبأسماءوعروقوأوطان
يبقى التشابه بيننا بالخصايل


وانا ليا مني نويت أكسب إنسان
أسعى له بكل السبل والوسايل


أعرف كيف ارد الاحسان باحسان
وكيف احصد بذور الفضايل فضايل


عايش زمن عاصرت به كل الازمان
مااعيل بس انطح ثمانين عايل


اكسب عدو واحرق به قلوب عدوان
اشعلفتيله بس أطفي فتايل


إن خفت ضعف أخاف من ضعف الإيمان
وإن عفت حمل أعاف حمل الجمايل


ما أضمى على الساحل ولو مت غرقان
لو مركبي تابوت والموج هايل


أغرق شهيد أرحم من أموت عطشان
طيحة شموخ ولا وقوف متمايل



حامد زيد

[The Princess]

اليوم بكيت و هلت دمعتي
و قلبي زاد هم اللي جرالي
وسط أهلي ة ربعي كني بغربتي
جسد معهم و أنا دوم لحالي
صغير بسني و أنسى هرجتي
لجل تخلى عني حبيب و غالي
ينتهي الليل و أقول للزمن سهرتني
ليه كذا يا زمان ما يصفي بالي...

و سلامتكم

[The Princess]

يالغايب أستأذنك ماعاد فيني ..
قوه تخليني أعاتبك دايم
إن جيت تلقاني على ماتبيني ..
و إن غبت هاك العذر ماني بلايم
وإن طولت غيبتك بينك و بيني ..
من طول الغيبات جاب الغنايم

[The Princess]

تصدق ولا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني*

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير*
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني)

[iSRT8]

تدري وشلي جارح القلب ومشقيه ,, انك معي ليلحين .. لكن تغيرت..!!

[سهر جدة]

السلام عليكم ورحمة الله وبركاته
انا اختكم سهر جدة حابه اشارك بهذه الابيات من كتاباتي واتمنى تنال إعجابكم


كل شي فقدته

كل ما حبيت شي وعزيته فقدته
قدمت لك قلبي هديه وإنت طعنته
ما قدرت حبي وشوقي وليلا سهرته
كل ما وصلت بيك حبل الموده قطعته
قلي ويش اسوي محتار بينك وبين قلب جرحته
كرامتي هانت عليك وحبي هجرته
اريد ابعد اريد انساك وداوي قلب كسرته
ولا جيت يوم وقلت اهواك اقلك روح
حبك من قلبي مسحته

وسلامتكم

[رحّال بأشعاري]

السلام عليكم ورحمة الله وبركاته
هلا بيكي أختنا سهر جدة ومرحب
نورتي منتدانا الجميل ... وأتمنى تتوالى مشاركاتك معنا وتواجدك
وشكرا على هذه الأبيات الجميلة
تقبلي تحيااااتي