حزام البطن الهزاز : هل هو مفيد ام مجرد دعاية وعلان؟

[باب خيبر]

السلام عليكم ورحمة الله وبركاته

العمر 27 سنة
الوزن 68.5
العب كمال اجسام سنة ونصف
نسبة الدهون 16.3%

مقاس البطن كان 78 سم وبعد اتباع نظام الغذاء الصحي والتقليل من المعجنات والاخباز وترك الرز وتمارين المعدة بكثرة وصل الى 80سم خلال شهرونص تقريبا

اللحين انا اشتريت ليي حزام هزاز وحرارة من ساكو ب290 ريال وقالوا ليي استعمله نص ساعة يوميا طبعا يخليك تعرق والسؤال هل هو ينفع في تقلي نسبة الدهون او تصغير حجم الكرش ام هي مجرد دعاية ؟

اكيد بتقولوا ليي تمارين البطن افضل وهذا شيء عارفينه ولكن سؤالي عن الحزام فقط؟

[scaryface]

لا يوجد اثبات علمي على انه يقلل من دهون البطن

باختصار يا اخوي ضيعت بيزاتك على الخالي

[THE CAST]

وعليكم السلام ورحمة الله وبركاته

ماودي احبط ولكن هذا الحزام كلام فارغ وشفته بالدعايه والله ماغير يضحكون على المستهلك
بدون رياضه بدون تعب بدون دايت ما حتسفيد


ما اقول الا الله يوفقك

[كذا صح]

هلا كابتن

يحكي لي شخص انه اشتري مثل هالحزام لزوجته وبعد استخدامها له صارت تتوتر اعصابها ونصحهم الدكتور بالابتعاد عنه

بالتوفيق

[abdulaziz1999]

دعاية بس ترى

[الوحش بوعابد]

اخوي مثل ماقالو الشباب دعايه
عندي واحد ومامنه فايده

[ولد ابوظبي]

.. انا كنت شرواك .. تحمست .. وقلت بشوف .. وسألت عن الاسعار .. وقلت بقرا عنه فالنت ..
واشوف ردود الناس .. ولا حد مدحه .. وكلهم يذمونه .. سواء هذه .. او حزام السونا .. او حزام التعرق

[kd939]

شوف ياكابتن انت شريت الحزام خلاص ما فيه شي اسمه ما ينفع ابداء
بالاستخدام يوميا لمدة نصف ساعه على معده فاضيه هو نظامه عشر دقائق
ويوقف وانت اعد التشغيل حتى تكمل النصف ساعه لمدة شهر على الاقل
وبإذن الله بتشوف النتائج بعينك يعني بتكون اخذت القياسات قبل وبعد وتشوف
الفرق
في نقطه اخرى وهي النظام الغذائي هذا شي اساسي انت لو تستخدم رياضه
وحوارق دهون وما تضبط نظام التغذيه ما راح تستفيد ابدا وهذا ينطبق على
الحزام التغذيه دائما هي الاساس والباقي عوامل مساعده
بالتوفيق

[العاشق M]

انا عن تجربه كان شريه حق واحد من الاصدقاء وكان في اليوم يستخدمه اكثر من ساعه
صراحه وبكل امانه انه مفيد بس نتائجه بطيه بطيه جدا

[بعارين]

طيب اخواني ممكن تشرحولنا عن طبيعة عملة يعني وش يسوي ؟

[باب خيبر]

لا يوجد اثبات علمي على انه يقلل من دهون البطن

باختصار يا اخوي ضيعت بيزاتك على الخالي

رحم الله والديك وهذا خوفتي الفلوس راحت ببلاش

[باب خيبر]

وعليكم السلام ورحمة الله وبركاته

ماودي احبط ولكن هذا الحزام كلام فارغ وشفته بالدعايه والله ماغير يضحكون على المستهلك
بدون رياضه بدون تعب بدون دايت ما حتسفيد

ما اقول الا الله يوفقك

ههه شلي ما تبي تحبطني انا لحالي محبط وحاس اني خسرت روحي ومشكور على الرد عزيزي

[باب خيبر]

هلا كابتن

يحكي لي شخص انه اشتري مثل هالحزام لزوجته وبعد استخدامها له صارت تتوتر اعصابها ونصحهم الدكتور بالابتعاد عنه

بالتوفيق

الله يستر هذا الكلام يخوف من جد اغلى ما على الواحد صحته والكرشة خلها تاخذ راحتها هههههههههههههه ومشكور عزيز على المرور

[باب خيبر]

دعاية بس ترى

هذا اللي واضح ليي الحين يا خوفتي ومشكور على الرد

[باب خيبر]

اخوي مثل ماقالو الشباب دعايه
عندي واحد ومامنه فايده

باقي شوي واعض هدومي من القهر بس سؤال لك اخي الكريم مامنه فايدة كم استعملته انت يوم لو اسبوع لو شهر والتزمت بالاكل الصحي لو لا