FINAL FANTASY XIII

[الدلبحي 512]

السلام عليكم

انا ختمت اللعبة وسويت تقريباً %70 من المهمات

لوسمحتو حد يقولي وين مكان المهمة 55 بالضبط (مكان الستون مو الوحش)

تلقاه في
oerba

افنح الخريطه وتشوف مكان الستون



good luck

[Al-RaQmi]

قضيت على زعيم المهم 51 ^__________^
اطول معركة باللعبة .. واخذت تروفي فضي ^^
طريقته سهله وفعاله .. الاول ماجيك -الثاني اتاك-الثالث sen

[الدلبحي 512]

قضيت على زعيم المهم 51 ^__________^
اطول معركة باللعبة .. واخذت تروفي فضي ^^
طريقته سهله وفعاله .. الاول ماجيك -الثاني اتاك-الثالث sen

توني خلصت هالمهمه
المعركه طويله والمفتاح في الفوز انك تخلي واحده من الشخصيات في وضع الدفاع
انا اول سويته بدون دفاع وكانت المعركه صعبه جدا

بس لو تشوف مهمه 64 هي صدق الازعاج طاقته 16 مليون وغير كذا يتعالج (تعقيد)
بس باقي لي 3 مهمات اجيب فيه خمس نجوم مهمه 64 و 51 و 54
كلهم مهمات صعبه

[Al-RaQmi]

مبروك الفوز ^^
كيف الليفلات عندك !!

[الدلبحي 512]

^^^^
طورت كل شي
بس باقي لي اجمع دارك ماتر
وانا على الاقل احتاج 12

this is going to be boring
i hate farming

[الدلبحي 512]

بسم الله الرحمن الرحيم

اليوم ابي اشرح السبب في اخذ النجوم الخمس في المهمات اولا خمس نجوم يعتمد على الوقت كل ما خلصت المعركه بسرعه تزدد نسبه حصولك على خمس نجوم

اوكيه سوف نحسب الثواني المطلوبه لاخذ 5 نجوم
لنفترض ان فريقك يتكون من

لايتنق - الهجوم :1500
السحر :1400

ATB : 5
هوب - الهجوم :1200
السحر :2500
ATB :6
فانق - الهجوم :2500
السحر: 1000
ATB : 6
قوه الفريق = قوه الهجوم * عداد الهجوم / 3.5 + عداد الهجوم
لايتو = ( 1500*5 \ 3.5 +5 )= 882
هوب = (2500*6\3.5 +6 )= 1578
فانق = (2500*6\3.5 +6 )= 1578
مجموع القوى للفريق = 882+1578+1578 =4038
واللحين لازم تحسب قوه العدو
وهي = طاقه العدو * اليفيل \ 16
لنفرض انك تقابل 3 اعداء
الاوال : HP :500000 LEVEL:15
الثاني : HP:10000 LEVEL 10
الثالث: HP :20000 LEVEL 20
اوكيه لنحسب
الاوال (500000*15 \16 ) =468750
الثاني ( 10000*10\16) = 6250
الثالث (20000*20\16)= 25000

قوه العدو = 468750+6250+25000= 500000

الزمن الازم لاخذ 5 نجوم

= (قوه العدو \ قوه فريقك ) + 8
(500000\4032 ) +8 = 131 ثانيه
وهذا هو الزمن الازم لاخذ 5 نجوم

[Al-RaQmi]

^^^
ااااااخ حسيت بدواخه من شفت الارقام ..
لها رجعه بعد الفطور حتى الواحد يمخمخ عليها .. من زمان احتاج طريقة حسبتهم للنجوم وهذي هي وضحت
مشكور عل ىالشرح ^^

[الدلبحي 512]

احم احم
بسم الله الرحمن الرحيم
لقد تم تختيم كل المهمات 5 نجوم الا مهمه 51
تروفي تجميع الاسلحه لم يبقى الا 200000 الف اطور كم سلاح وخلاص
عدد ساعات العب 81 ساعه
باقي لي تروفي long gui انشالله اجيب كل التروفيات قبل ما اكمل 100 ساعه

المهم شباب انا اعرف ناس خلصو ffx بدون تطوير انا بعد قد خلصته قبل سنه كان تحدي ممتع

المهم فيه تحدي اللحين ffxiii
تخلص اللعبه بدون ما تطور لعبينك
المهم فيه كم واحد ختم اللعبه
عشان كذا ققرت اسويه
امس قعدت اقراء عنه
وبديت new game
اساسيات يجيب معرفته قبل ما تسوي هالتحدي
shroud تعتبر اهم شي في هالتحدي
وتقدر تجيبه من شابتر 2 و 4 الاعداء تلقاه بعد كل معركه
المال
اكبر مشكله في هالتحدي هو المال
يعني تقدر تجمع في شابنر 7 وشابتر 9
وبالطبع بالشكوبو في شابتر 11
هذا هو رابط الدليل حق التحدي
http://www.gamefaqs.com/ps3/928790-f...iii/faqs/59596
بالطبع انا فقط قراءت الاساسيات اما تفصيل الزعماء ما جيته
عشان ما يخرب التحدي

[الدلبحي 512]

وصلت شابتر 2
جمعت 20 من
Aegisol
و
Deceptisol

كلهم shroud وابي اجمع 99

زعماء احس انهم بيعقدوني
استدعاء لاينتق

زعيم شابتر 9
استدعاء فانيل
وبالطبع الشكل الثاني من الزعيم الاخير

wish me luck i need it so bad

[lunar2]

أوكي انا ختمت اللعبه وخلصت المهمات كلها الا وحده بس وهي الاخير .

ممكن اشارك بالريفيو وبنظام القتال و القصه اذا في نقص.

[Judge Balthier]

اقدم هذه الهدية لكل من احب هذه التحفة الرائعة (اسف اذا كنت متأخر في تقديمها).

وهي الحل الكامل لفاينل فانتاسي 13 ,والذي يشمل جميع اماكن الكنوز وجميع الطرق الاستراتيجية للقضاء على الزعماء سواء في القصة او الفرعيين ,وجميع الاسلحة وكيفية الحصول على الكؤوس , والكثير الكثير...

صراحة انا اعتبره الحل الامثل لتجربة هذه اللعبة والحصول على نسبة100% .

اليكم الهدية

Final_Fantasy_XIII_Guide_by_Piggyback.zip - 145.53MB


واسف على الاطالة.

[NsaN]

مرحب..

من بعدت ما طولت و مليت من تشابتر 11..قررت اني اكمل..

حالياً انا واصل Eden's Cradle اظني اسمه؟
المنطقة الي فيها الـWarps..

معظم اللاعبين عندي مازالوا على اول سلاح لهم..
ياخي تعقدت من نظام تطوير الاسلحة و تجميع الادوات..
مو عارف كم استخدم في كل تطويرة..و شو ابيع و شو اشتري..
قريت كذا حل من GameFaqs بس بعد..ما استوعبتهم عدل بصراحة..

المهمات خلصت نسبة كبيرة منهم..بس مو الكل طبعاً بخمس نجوم..هذول برجع لهم بعدين..
الاهم عندي الحين هو تطوير الادوات و الاسلحة..

يا ريت الي عنده افضل و اسهل طريقة للتطوير و الحصول على الاسلحة الاخيرة لكل شخصية يفيدنا..و اكون له شاكر..

بعدين اذا انهيت اللعبة..هل ممكن ارجع اكمل تطوير اللاعبين و انهاء المهمات؟ و لا كيف النظام؟
+
هل في طريقة لمشاهدة جميع عروض الـCG باللعبة و لا؟ (من خلال اللعبة نفسها..مش المواقع)
اذكر بالاجزاء القديمة كان هالشي ممكن..

[Judge Balthier]

نصيحة لمحبي تجميع الكرستلزم , بعد ماتقاتل اول زعيمين في الشابتر 13 توصل لساحة حمراء كبيرة وفي اليمين منها درج (لاتصعد الدرج ) , هناك مصعدين خفيين (احدهم في الزاوية اليمنى والاخر في الزاوية اليسرى ) سينتظرك في الزاوية اليمنى اول زعيم قاتلته في الشابتر 13 وهما جابرووكي و باندرسناتش, وفي الزاوية اليسرى ولادسلاوس , هنا وجدت فرصة عظيمة من اعظم الفرص في اللعبة (احم احم ),كل واحد منهم لما تهزمه يعطيك 32000 نقطة كريستلزم (فرصة لا تعوض),كلاهما قابلين للسلو والكرس (اهم شيئين اذا اردت ان تنهي المعركة بسرعة ) ,الزاوية اليمنى (اقضي على الوحش الكبير قبل الصغير ),اما الزاوية اليسرى (لن تأخذ من وقتك اكثر من دقيقتين بس حذاري من هجماته لازم تبطيه وتسوي له كرس عشان ان تضربه اثناء تأدية هجمته ,مما ياخره بعض الشيء),اذبحهم وانزل مع المصعد الذي اتيت معه واركض لنقطة التسجيل وسيظهرون مرة اخرى (اعدها لما لا نهاية للفارمنج ,بس اذا تعديت هذا المكان ما اظن انك تقدر ترجع لهم او تلقى مثل الفرصة هاذي ابد.
نصيحة خارجة عن الموضوع(ادري طولتها),قبل ما تصل لقتال الزعيم الثاني (في المنطقة التي على شكل معينات ) بتلقى وحش كبير جدا (احمر اللون ومعه سيف يطير ) اقتله بتلقى وراه بوابة تنقلك لمنصتين سرييتين فيها اربع صناديق من ضمنها اداة دايموند بانقل التي ترفع الاتش بي بشكل كبير , ارجوا ان افدتكم واسف على الاطالة.

هذا بالنسبة للكرستلزم , بابحث لك عن الادوات. لاتنسى تحمل الحل الكامل ترى بيفيدك.

[Fantasy Legend]

السلام عليكم ورحمه الله وبركاته
اولا رمضان كريم وكل عام وانتم بخير
وتقبل الله منا ومنكم صالح الاعمال بأذن الله
ثانيا والله لكم وحشه موووووووووووووووووووووووووووووووووووووووت
اما بخصوص العبه خلاص اخيييييييرا جبت البلاتينيوم الله لا يوفقو
اقسم بالله طفشت خصوصا حق ترجر هنتر والله قعدت حوالي 13 ساعه عشان اجيب التروفي هذا
اما بخصوص العبه يعني تقييمي قبل التقييم
انا ختمت اللعبه في 53 ساعه وجبت البلاتينيوم في 130ساعه
بخصوص التقييم
القصه: ما يحتاج
القيم بلاي:المايحتاج
الجرافيكس:ما يحتاج
عمر اللعبه:ممتاز الى حد ما
الاضافات:جيد جدا يعني لو كان زي الــ12 ما يحتاج
الشخصيات:ما يحتاج
الموسيقا:جيد جدا لو تلاحظو اكثرها مكرره ليونا لويس ما ادري من فين انبرشت
اش باقي والله مدري المهم
التقييم النهائي:هيا ذا كيف اجيبو ما دام انا كاتب ما يحتاج وجيد جدا؟؟خلاص دبرت نفسي التقييم النهائي (ما يحتاج)

ملاحظه:راح اقلكم افضل درجه بالترتيب
الما يحتاج
ما يحتاج
ممتاز
جيد جدا
الباقي معرووف

حماس صح التقيييم

طبعا السلبيات هي:
الخطيه وبشكل اكبر من الكبير
هوب الوحيد الي ماله جيب لسلاحه اموت واعرف ليش؟
صوت فانيل الصراحه مالو داعي خصوصا في الباتل

بس,,

اما بخصوص امراجعه والله انا كنت ناوي اسويها زي ما قلتلي يا درو يعني خلاص بديت اخطط
مع واحد صاحبي يعني هو يزبطلي الشغل وانا احط وزي كذا شويه اشوف تحطييييييييييييم
النت فصل واهلي مو راضيين يسددو الفاتوره وخلاص جاني احباط شديد
يالله ان شاء الله تسو مراجعه جباااااره
عموما ادا حاب تأخدني معاك اهلا وسهلا واذا منت حاب برضو اهلا وسهلا
يعني لو تشوفلي اي شي ادخلو واساعدك فيه انا حاضر
واذا في عضو احسن مني شيلو ولا تفكر فيا حتى,,,

ليه رجعا للي حاب يسأل عن اي شي في اللعبه انا حاضر
Judge Balthier ها جبت اليلاتينيوم ولا لسع انا سبقتك بكثير
وشكرا,,,

[Judge Balthier]

البلاتينيوم ما يحتاج , (امزح معك).
لا للحين ماجبته ,لاني احب اخذ اطول وقت في اللعبة (ENJOING EVERY SECOND ),تقريبا خلصت 30 مهمة وباقي 34 , بس ماراقبت ان في وحش كان موجود من وقت FF8,FF10 ,الا وهو ochu