|| .. رابطة عشــاق (الملكي ) ريـــال مــدريـــد .. ||

[fussooly]

شباب ممكن مساعدة

الدوري الأنجليزي بداء مشاء قناة ابو ظبي ناقلين اتش دي روووعه و صرت ما ابي اشوف اي شي على الجزيرة

والله كان ودي أتابع الدوري الإنجليزي بس أبوضبي الرياضية عقدتها شوي.. يعني لازم ريسيفر خاص والبطاقة ما تشتغل إلا عليه..

كنت أتابع الدوري ع الشوتايم بس أبوضبي خذته حصري

[xiico10]

^^^
البطاقة تشتغل على اي رسيفر HD
بس الموضوع معقد .. يعني لازم HD TV و رسيفر HD و قيمة الاشتراك

اما اللي عنده بس البطاقه تكفيه

..................................................

وكالات الانباء الالمانية اكدت ان الريال تعاقد رسميا مع اوزل

ننتظر الاخبار الرسمية

[Tockuchi]

رسميا من الموقع الرسمي للريال : الريال يتعاقد مع الألماني أوزيل لاعب فيردر بريمين مقابل 15 مليون يورو و لمدة 5 مواسم.

اخبار : بعد إنتقال أوزيل صحيفة الآس تقول بأن احتمال كبير خروج فارت من الريال.

------------------------------

مبروك عليكم اللاعب ^^ , والله شيء جميل للاعب ممتاز و شاب اب فقط 15 مليون يورو ^^ , الخبر الثاني إن شاء الله إشاعة.

[THE ROCK IS THE BEST EVER]

رسميا من الموقع الرسمي للريال : الريال يتعاقد مع الألماني أوزيل لاعب فيردر بريمين مقابل 15 مليون يورو و لمدة 5 مواسم.

مبروك علينا لاعب شباب

اخبار : بعد إنتقال أوزيل صحيفة الآس تقول بأن احتمال كبير خروج فارت من الريال

فعلا اتمنى الخبر يكون اشاعة

خصوصا بعد ادائه الرائع في مباراة اليوم

وايضا راح يكون بديل ناجح

[Tockuchi]

أخبار : البيول يتعرض لإصابة خطيرة في إلتواء بالكاحل.

أخبار : فارت يرفض العروض المقدمة له و يرغب في مواجهة الصراع على مركزه في الريال.

أخبار : مايكون يستغني عن وكيله و الصحف تقول بأن السبب يعود إلى عدم جعله ينتقل إلى مدريد.

[THE ROCK IS THE BEST EVER]

أخبار : البيول يتعرض لإصابة خطيرة في إلتواء بالكاحل.

بصراحة ما ادري ايش قصتنا مع الاصابات ><

[Tockuchi]

^^^^^
لحد الحين 3 إصابات بالدفاع! و أنا أقول قبل عندنا لاعبين وايد في قلوب الدفاع -__- , و الحين 3 مصابين و قلوب دفاع بعد -__- , أسحب كلمتي xD

-------------------------

أخبار : الألماني أوزيل يجتاز الفحص الطبي و يعقد المؤتمر الصحفي الأول مع ريال مدريد

أخبار : أثناء المؤتمر الصحفي لأوزيل فالدانو يقول بأن هذه هي آخر صفقات الريال.

اخبار : ألبيول يصاب لمدة تتراوح بين 4-5 أسابيع.

أخبار : تكلفة الصفقات السته للريال تساوي 80 مليون يورو.

صور أوزيل :

[THE ROCK IS THE BEST EVER]

أخبار : تكلفة الصفقات السته للريال تساوي 80 مليون يورو.

وين فرق بين المواسم الماضية و الموسم هذا

الله يعافي مورينيو

[Dr Game]

^^^
البطاقة تشتغل على اي رسيفر HD
بس الموضوع معقد .. يعني لازم HD TV و رسيفر HD و قيمة الاشتراك

اما اللي عنده بس البطاقه تكفيه

قاااااااااااااااااااقق غلط حاول ما تورط الناس أذا أنت مو مشترك بأبو ظبي و أشك أنك مشترك أساساً
أولا ما تنباع البطاقة لحالها يا ذكي ولا ليش هم متعبين انفسهم و اشترو رسيفرات.
ثانيا لازم تشتري الرسيرفر و معاه البطاقة لان الريسيفر له رقم و البطاقة لها رقم يطابقونها وترسلهم عن طريق الموقع او البائع يرسلهم الرقم
و تتفعل البطاقة فقط تشتغل على هذا الرسيرفر و هذي فكرة ذكية منهم عشان القرصنة و الدريم بوكس..

بعدين بالعكس أبو ظبي تبي تطور الناس

1. رسيرفر ببطاقتين أنا حاط الجزيرة و أبو ظبي و شغالين تمام مع بعض بدل أفصل بطاقة ركب بطاقة.
2. مخرج hdmi جودة 1080i أول مره أحس أني أتابع المباراة من المدرجات مشاء الله لجودة الرؤية يعني كل شي أسوفة واضح و صافي لدرجة أنمي أشوف أستيكر البوت <-- بالغ شوي.
3. مخرج أبتيكال لو عندك سيستم مسرح منزلي بتسع الأصوات زي الصدق حولك ( مو لازم مسرح منزلي تشتغل على الشاشاة lcd بدون سيستم ).
4. و بسعر 990 ريال تخيل رسيفر hdmi مع مخرجين للبطاقة و اشتراك للدوري الانجليزي مع كم قناة hd .. ولله فله و التجديد بــ 350 ريال للسنة الجاية فقط

طبعا مطلوب شاشة lcd مع مخرج hdmi ياليت الي ناوي يشتري يشتري sony نصيحة

[Dr Game]

يا شباب الي فااااااااااهم بس و عااااااااااااف يجاوب

أوزيل وين منطقته يلعب أنا شفته بكاس العالم يلعب جناح
هل يا تروى هو مركزة جناح أو هجوم ... أبي تفيدوني

[Tockuchi]

^^^^^
أوزيل يلعب اب عدة أماكن لاكن ما يلعب مهاجم , يلعب بالأجنحة و و الوسط و صانع ألعاب و ورا المهاجم <<< الأخيرة مو متأكد %100 , بخصوص الإشتراكات و الكلام إلي حولها , خل نفرض إن الجزيرة سوت نفس أبوظبي , اهني راح تصير مشكلة لأن راح اضطر أشتري ريسيفرين سعرهم غالي و أحطهم فوق بعض و كل يوم شايل الواير من ريسيفر إلى ريسيفر يعني عندنا بالكويت سعره 80 دينار الريسيفير يعني بيطلعلي اثنينهم 160 دينار! , بس إن شاء الله ما يسوونها الجزيرة ^^"

-----------------------------

أخبار : أوزيل يبدأ أولى تدريباته مع الريال.

أخبار : مورينهو يوبِخ بنزيما لتساهله في بعض الأمور و يقول له : ما رأيك؟ بم تفكر؟ أعتقد كان يجب أن تبقى في فرنسا , وبعدها شعر بنزيما بالخجل من زملائه.

[fussooly]

أولا مبروووكين صفقة أوزيل.. وأنا أسميها صفقة معلم

بالنسبة لسالفة الرسيفرات فأنا أشوف النظام القديم أفضل.. وإذا على ال HD ترى فيه قنوات HD خاصه مب لازم أحط الباقة كلها HD

وبالنسبة للسعر لا تنسى تزيد عليه سعر LCD مع مخرج hdmi لأن معضم الشعب عندهم النوعيه العاديه

عموووووما خلونا فالمهم....

أعتقد مورينهو راح يعتمد على أوزيل كصانع للعب خلف هيجواين (بن زيما) وراح يلعب برونالدو ودي ماريا (ليون و فارت وغرانيرو) ع الأجنحة للإستفاده من سرعتهم وبالذات فالهجمة المرتدة..

ضيف لهم ألونسو وسامي خظيرة (لاس و غاغو) فالإرتكاز لتكون التشكيلة.. 4-2-3-1

أو قد يلعب بتشكيلة 4-3-3

بحيث يلعب بألونسو و سامي (لاس وغاغو) ومعهم الصغير كاناليس (ليون وفارت وغرانيرو) فالوسط
ورونالدو وأوزيل وهيجواين (بن زيما ودي ماريا) فالهجوم بحيث يلعب أوزيل (دي ماريا) فالجهة اليسرى ويتأخر لإستلام الكرة وبدأ الهجمة

وهذه التشكيلة قابلة للتحول ل 4-4-2 بتأخر أحد المهاجمين الثلاثه

هذه وجهة نظري وتحليلي المتواضع لخيارات مورينهو

الحلو فالموضوع أن البدائل كثيرة بوجود لاعبين أمثال دي ماريا.. بيدرو ليون.. كاناليس.. أوزيل.. وفارت (إذا بقى) وأخيرا غرانيرو ولا ننسى بن زيما فالهجوم

[Dr Game]

Tockuchi
تدري أنك من الناس الي أحبهم بالمنتدى مثل fussooly و تبهرني ردودهم دائما و تعجبني و ترضيني و تقنعني
حبووووووب ولله
و أنا سئلت عن أوزيل لان صدق موضوع يضيق الصدر راس حربة وحيد هجوين بس بن زيما بصراحة ضايع .
يعني مدري أنا بس بتاكد هل هو بينفع يهاجم لان النقص بالهجومو كرستيانو بالعقل مرينهو بيشوفه بالجاح أحسن سريع على الرواق و مهاري و بيصنع أهدف و بيرفع بشكل سليم
يسدد من بعيد كويس يعني مكانه جناح مهاج أحسن من يكون مهاجم صريح او راس حربه
و القاهرني الحين الوسط
( 1- محمد ديارا . 2- لاسانا ديارا. 3- بدرو ليون. 4- تشابي ألونسو . 5- كانالياس . 6- فان دير فارت . 7- كاكا . 8. سامي خضيرة . 9 . جاجو . 10. جرانيرو . 11- دي ماريا . 12- أوزيل . )
؟؟؟؟؟؟؟؟؟؟؟؟؟؟؟ مرينهو وش يفكر فيه ؟؟؟؟؟؟؟؟
بيلعب على المرتدات و بيقفل على الدفاع و الوسط زي ما سوى بالأنتر ..؟؟

بخصوص الإشتراكات و الكلام إلي حولها , خل نفرض إن الجزيرة سوت نفس أبوظبي , اهني راح تصير مشكلة لأن راح اضطر أشتري ريسيفرين سعرهم غالي و أحطهم فوق بعض و كل يوم شايل الواير من ريسيفر إلى ريسيفر يعني عندنا بالكويت سعره 80 دينار الريسيفير يعني بيطلعلي اثنينهم 160 دينار! , بس إن شاء الله ما يسوونها الجزيرة ^^"

لالالالالالاالالالالالالا ما جاء على بلاي يصير كذا مو مهم الفلوس المهم الأسلاك >< تعرف نايلسات و عربسات
شي يرفع الضغط
ولله يا قلبي شوف اذا بتجي للحق لازم يضمنون حقوقهم بالطريقة ذي خوفاً من الصرقه مثل الدريم بوكس
لاكن أعتقد الجزيرة بتبث hd و تكتفي ما أعتقد أن عنها سيوله زي أبوظبي
لان نقل المبارات بالجودة العالية يكلف كثير عكس نقل sd و ما قل
الله يستر و تبي الجد برو مو مهم من ناحيتي الفلوس و لا يهمني الأسلاك و التعب أهم شي أستمتع بالجودة و الفله و الأصوات

[THE ROCK IS THE BEST EVER]

أخبار : مورينهو يوبِخ بنزيما لتساهله في بعض الأمور و يقول له : ما رأيك؟ بم تفكر؟ أعتقد كان يجب أن تبقى في فرنسا , وبعدها شعر بنزيما بالخجل من زملائه

هو صادق في المبارايات الودية عليه استعباط مو صاحي

ايضا سمعت انه صارت له اصابة ياليت احد يتاكد من الخبر

[Tockuchi]

أولا مبروووكين صفقة أوزيل.. وأنا أسميها صفقة معلم

بالنسبة لسالفة الرسيفرات فأنا أشوف النظام القديم أفضل.. وإذا على ال HD ترى فيه قنوات HD خاصه مب لازم أحط الباقة كلها HD

وبالنسبة للسعر لا تنسى تزيد عليه سعر LCD مع مخرج hdmi لأن معضم الشعب عندهم النوعيه العاديه

عموووووما خلونا فالمهم....

أعتقد مورينهو راح يعتمد على أوزيل كصانع للعب خلف هيجواين (بن زيما) وراح يلعب برونالدو ودي ماريا (ليون و فارت وغرانيرو) ع الأجنحة للإستفاده من سرعتهم وبالذات فالهجمة المرتدة..

ضيف لهم ألونسو وسامي خظيرة (لاس و غاغو) فالإرتكاز لتكون التشكيلة.. 4-2-3-1

أو قد يلعب بتشكيلة 4-3-3

بحيث يلعب بألونسو و سامي (لاس وغاغو) ومعهم الصغير كاناليس (ليون وفارت وغرانيرو) فالوسط
ورونالدو وأوزيل وهيجواين (بن زيما ودي ماريا) فالهجوم بحيث يلعب أوزيل (دي ماريا) فالجهة اليسرى ويتأخر لإستلام الكرة وبدأ الهجمة

وهذه التشكيلة قابلة للتحول ل 4-4-2 بتأخر أحد المهاجمين الثلاثه

هذه وجهة نظري وتحليلي المتواضع لخيارات مورينهو

الحلو فالموضوع أن البدائل كثيرة بوجود لاعبين أمثال دي ماريا.. بيدرو ليون.. كاناليس.. أوزيل.. وفارت (إذا بقى) وأخيرا غرانيرو ولا ننسى بن زيما فالهجوم

الله يبارك فيك ^^ , بخصوص الباقات احنا نتمنى بس إن ما يسوونها الجزيرة و يخلون الHD للي يبي بس مو لزوم على الكل ^^
أنا أتوقع إن أوزيل يلعب بجانب كاناليس أو كاناليس يكون وراه كلاعب نص يمشي الباصات , و ألونسو و سامي وراهم أنا عندي بروحه يلعب أحسن من لما يلعب و معاه أحد ثاني و نفس الشيء لاس , بس لاس ممكن يلعبه ظهير أنا عندي أحسن من أربيلوا بس خل يقعد كم مباراة على هالمركز و راح يطلع مو صج ^^ , عندنا 5 لاعبين يلعبون ارتكاز , أرشح مامادو إن يطلع مع إن ممكن يفيدنا لكن يبيله كابيلو يدربه عشان يرجع لأيامه , ممكن يلعب بالهجوم 2 أجنحة إلي هم رونالدو و دي ماريا و القلب هيجوين , الدفاع على هالإصابات صعب نقرر بس يمكن كارفالهو و راموس قلبين و مارسيلو ظهير يسار و أربيلوا أو لاس ظهير يمين.

Tockuchi
تدري أنك من الناس الي أحبهم بالمنتدى مثل fussooly و تبهرني ردودهم دائما و تعجبني و ترضيني و تقنعني
حبووووووب ولله
و أنا سئلت عن أوزيل لان صدق موضوع يضيق الصدر راس حربة وحيد هجوين بس بن زيما بصراحة ضايع .
يعني مدري أنا بس بتاكد هل هو بينفع يهاجم لان النقص بالهجومو كرستيانو بالعقل مرينهو بيشوفه بالجاح أحسن سريع على الرواق و مهاري و بيصنع أهدف و بيرفع بشكل سليم
يسدد من بعيد كويس يعني مكانه جناح مهاج أحسن من يكون مهاجم صريح او راس حربه
و القاهرني الحين الوسط
( 1- محمد ديارا . 2- لاسانا ديارا. 3- بدرو ليون. 4- تشابي ألونسو . 5- كانالياس . 6- فان دير فارت . 7- كاكا . 8. سامي خضيرة . 9 . جاجو . 10. جرانيرو . 11- دي ماريا . 12- أوزيل . )
؟؟؟؟؟؟؟؟؟؟؟؟؟؟؟ مرينهو وش يفكر فيه ؟؟؟؟؟؟؟؟
بيلعب على المرتدات و بيقفل على الدفاع و الوسط زي ما سوى بالأنتر ..؟؟



لالالالالالاالالالالالالا ما جاء على بلاي يصير كذا مو مهم الفلوس المهم الأسلاك >< تعرف نايلسات و عربسات
شي يرفع الضغط
ولله يا قلبي شوف اذا بتجي للحق لازم يضمنون حقوقهم بالطريقة ذي خوفاً من الصرقه مثل الدريم بوكس
لاكن أعتقد الجزيرة بتبث hd و تكتفي ما أعتقد أن عنها سيوله زي أبوظبي
لان نقل المبارات بالجودة العالية يكلف كثير عكس نقل sd و ما قل
الله يستر و تبي الجد برو مو مهم من ناحيتي الفلوس و لا يهمني الأسلاك و التعب أهم شي أستمتع بالجودة و الفله و الأصوات

أوزيل ممكن يلعب ورا المهاجمين , يعني ممكن بنزيما و هيجوين بالهجوم ووراه أوزيل و الأجنحة بالوسط رونالدو و دي ماريا و ووراه ألونسو ووراه خضيرة بس ما أتوقع جذي يكون النص
و حبيب والله و ما تقصر ^^

هو صادق في المبارايات الودية عليه استعباط مو صاحي

ايضا سمعت انه صارت له اصابة ياليت احد يتاكد من الخبر

صارتله إصابة طفيفة في الكاحل و انسحب من التدريبات.

-----------------------------------

أخبار : أوزيل يؤكد إسلامه و أنه يصلي و يقول بأن القرآن الكريم يمده بالقوة و الثقة.