اكثر المواقف احراجا برائي

[جمايكي]

السلام عليكم
- اي المواقف التالية اكثر احراجا برأيك؟؟؟؟

- ولو في واحد حصلت لـه يقول لناا؟؟



* انك تكون ماشي وواثق من نفسك وتقع فجاءة أو تتزحلق..........



* تكون مندمج في الكلام وفجاءة تكتشف ان من تكلمه نائم.............




* ان تقول نكتة او كلمة وتضحك وتضحك بس مافي احد يضحك معك.............




* انك تكون في محل من الزجاج وانت ماشي تضرب بالزجاج.............



* ان ترد علي على احد " وكان يكلم غيرك" وانت تظن انه يكلمك................





هعهعهع

[yami vergil]

* ان ترد علي على احد " وكان يكلم غيرك" وانت تظن انه يكلمك................

يوووووووووووووووووووو اشكثر صارت لي .. لان الدلوعات يتكلمون في التليفون بالسماعات والسماعه تكون مخشوشه تحت الشيله
فأحسب يكلموني >_> عقب انا اطلع الهبله بسبة دلعهم ><

ننتظر اكشنات باقي الاعضاء ولا تنسى انت بعد تحط ردك هع

[misty hestory]

* ان تقول نكتة او كلمة وتضحك وتضحك بس مافي احد يضحك معك............

ههههه الحمد لله ما صارت لي

انك تكون ماشي وواثق من نفسك وتقع فجاءة أو تتزحلق.........

هذي صارت لي في زواج طبعا كنت كاشخه بكعب ولما طلعت المنصة طحت و جتني نوبة ضحك بعدها قمت ومشيت عادي ولا كأن شي صار لكن قهرتني اختي نذلة سوت نفسها ما تعرفني
لكن ما عليه طلبت اغنية من الطقاقه ورقصت بعد <<< قويةعين

[yami vergil]

هذي صارت لي في زواج طبعا كنت كاشخه بكعب ولما طلعت المنصة طحت و جتني نوبة ضحك بعدها قمت ومشيت عادي ولا كأن شي صار لكن قهرتني اختي نذلة سوت نفسها ما تعرفني
لكن ما عليه طلبت اغنية من الطقاقه ورقصت بعد <<< قويةعين

هههههههههههههههههههههههههههههههههههههه يوووووووووووو misty فطستيني ضحك على اخر جمله لما قلتي طلبتي اغنيه من الطقاقه ولا كأن صار شي
ههههههههه ما شاء الله عليج هذا احسن شي سويتيه عشان يروح الاحراج ^_^ good job girl

[جمايكي]

yami vergil
هههههههههههههه
متعـوده على هذي الحركه
ربي يعطيك العافيه

[جمايكي]

misty hestory
هذي أقـــوى مخـرج سويتيه
هههههههههههههههههههههههههههههههههههههههه
هههههههههههههههههههههههههه
بسس والله جا في محله



أنا صارلي اكثر من مره نفس موقف yami vergil
وصارلي ذا الموقف بعد
* انك تكون في محل من الزجاج وانت ماشي تضرب بالزجاج.............
بسس موفي محل زجاج
على الابواب الالكترونيه اللي على المولات الباب يكون خربان اوانا ساهي بشي واصف الجهه المقفوله هع

[misty hestory]

هههههههههههههههههههههههههههههههههههههه يوووووووووووو misty فطستيني ضحك على اخر جمله لما قلتي طلبتي اغنيه من الطقاقه ولا كأن صار شي
ههههههههه ما شاء الله عليج هذا احسن شي سويتيه عشان يروح الاحراج ^_^ good job girl

اهم شي عندي ارقص
عاد لو تشوفين التهزيء الي حصلته في البيت مدري وش يبوني اسوي !!!!

ذي أقـــوى مخـرج سويتيه
هههههههههههههههههههههههههههههههههههههههه
هههههههههههههههههههههههههه
بسس والله جا في محله

لا تظن هذا حسن تصرف مني جت بالصدفة^^

[yami vergil]

هههه ميستي ليش يهاوشونج بالعكس غطيتي على الموضوع.. عيل تصيحين نفس مايسوون بعض البنات ؟؟

الجمايكي انا الحمدلله ولا مره صارت معاي ماشوف زحاج المحلات بس تصير في البنات الي يتغشون مساكين خخخ

في موقف ثاتي سخيف يصير معاي .. مثلا تسألني فلانه سؤال وعقب وانا اجاوب عليه احسبها تسمع لي الا حضرتها
قاطعه اذنها مع ناس ثانيين وتدخل في سالفتهم وانا اتكلم ... واايد انحرج ... هاي في ناس من هلي فيهم هالطبع

[جمايكي]

ميستي بسس الصدفه جات في وقت حلو ههههه

[جمايكي]

يام تدري ان هذا الموقف يحصلي دايم مدري ليه والله صارت عندي عقده من الابواب المتحركه

ههههههههههههههه يوووووووو هذا الموقف باااايخ توسلف ومافي احد يمكـ
والله في كثير من أخوياي يسون هذي الحركه

[قلب الحياة]

يسلموا
ومشكوووووووور

[yami vergil]

ههههههههههههههه يوووووووو هذا الموقف باااايخ توسلف ومافي احد يمكـ
والله في كثير من أخوياي يسون هذي الحركه

سوي مثلي .. انا صرت شلون اعاملهم .. لما يسألوني سؤال ارد بكلمه ولا كلمتين لان شرط بتصير هالحركه لو
تميت اخذ واعطي معاهم >_>

في موقف محرج ثاني يصير معاي ... انا عندي مشكله مع الدرج المتحرك في المولات .. ماعرف اركبه الا لازم انتظر
فتره عشان احط رجلي في الوقت المناسب والناس طابور تنتظر وراي دورهم XD

[جمايكي]

قلب الحياه الله يعطيكـ العافيه

[جمايكي]

لا انا الحمد لله الدرج المتحرك ماعندي معاه مشاكل
ههههههههههههههه

[THE-HELL]

السلام عليكم
صدقا كل هذه المواقف محرجة
ومن المواقف التي حصلت معي

* انك تكون في محل من الزجاج وانت ماشي تضرب بالزجاج.............

مرة دخلت على محل بابه زجاج ولما انتهيت اردت ان اخرج لم انتبه ان الباب مغلق و ضربت بالزجاج

* ان تقول نكتة او كلمة وتضحك وتضحك بس مافي احد يضحك معك.............

اخ كم اكره هذا الموقف وللاسف حصل كثيرا معي الجميع ساكت وانا الوحيد الذي يضحك