السلام عليكم
ياشباب .. انا كنت حاط على جوالي Mobile Authenticator حق واو على الأيفون .. وكان شغال زي الحلاوة لمدة 4 شهور تقريباً .. لكن فجأة امس جيت ابشبك على اكاونتي وكل ما احط رقم الأثنتكيتر يقوم يعلق الـ Login على مربع فاضي بدون حدوث اي شي, وبعدها جربت ادخل على اكاونتي من الموقع وكان يفتح عادي بدون اي مشاكل!
لذلك انا شكيت ان اللعبة نفسها فيها شي وماتدخلني, ولقطع الشك باليقين رحت جربت اكاونت الثاني, وعليه Mobile Authenticator بعد, لكن على جوالي الأخر البلاكبيري وطلع الأكاونت شغال زي الحلاوة, وبعدها جربت 3 اكاونتات من الشباب علىها اثنتكيتر .. واشتغلت زي الحلاوة! .. ماعدا اكاونتي ..
وبعدها سويت تجربة ثانية وشلت الأثنتيكتر بكبره من الأكاونت وجربت ادخل ودخل! وبعدها ركبت اثنتيكتر جديد عالأكاونت بـ Serial Number جديد وكل شي جديد! ولكن للأسف نفس المشكلة!
ولذلك عجزت بالأخير وكلمت بليزارد عن طريق الـ Skype , وجلست انا والموظف ساعة نحاول يمين يسار ومافي فايدة! وبالأخير سألني وقال لي انت مسوي Jailbreak لأيفونك؟ (للي ما يعرفون وش هو الجيل بريك, هو عبارة عن اداة تتركب على الأيفون علشان تنزل برامج مجاناً ولكن بالمقابل تشيل حماية جهازك) والمهم قلت للرجال ايه انا مسوي Jailbreak وقال لي انا ما اقدر اجبرك انك تشيله من جهازك, لكن هناك حل واحد .. حاول انك تقفل الأنترنت من الأيفون وتجرب تشبك عاللعبة, ويوم جربت على طول اشتغل اكاونتي داااايركت!
بالأخر طلع في واحد مهكر الأيفون وعليه Trojan مستقعد لي ! .. وللمعلومية يوم كانت اجرب ادخل على اكاونتي بالمرات السابقة كانت تجيني رسالة عالأيميل تقول لي ان الأكاونت جاته محاولة Hack وقفلناه عليك لذلك غير الباسورد .. وعلى هالموال!
الزبدة .. اني اذا فكرت اشغل النت من جوالي حالياً.. بعدها بدقايق توصلني رسالة تقول لي انهم قفلوا الأكاونت .. ولازم تغير رقمك السري!
وقلبت النت ادور حاجة تشيل الـ Trojan من الأيفون .. ولكن بدون جدوى!
الحل الوحيد انك تشيل الـ Jailbreak وطبعاً اللي يعرف للأيفون, راح يدري انه No jailbrak = the iphone is useless :S
لكن السؤال الأهم والأكبر والمحير .. كيف راعي الـ Trojan راح يعرف الـ User and Pass ?
وشكراً
المشاركة الأصلية كتبت بواسطة abr2002
