الموضوع الرسمي | نقاش الالعاب العام

[yami vergil]

^^^
حيالله بشيخ Team silent XD

سكوير انكس شركة معفنة

مب بدرجة تعفن كابكوم XD

[(Walter Sullivan)]

^^^

حيالله بشيخ Team silent XD

هلا يامي الله يحييكي ...

مصره تلبسيني هذا اللقب

[The Snipers]

على طاري نير تدرون ان الاستيو المطور إلي هو cavia تقفل -_-
كل من سكوير ما عطت اللعبة دعاية كافية -_-
من جد سكوير شركة معفنة -_-"

[Naked_Snake]

السلام عليكم

و انا اتصفح النت لقيت هذا الملف http://www.redmondpie.com/jailbreak-...-how-to-guide/

يحكي على اللعب دون قرص اصلي على السوني 3 عبر جايل برايكر
هل هذا صحيح ؟

مشكورين على التفاعل

[yami vergil]

^^^

والله ؟ @@

حساافه بس اظن السبب هو ان امريكا واوروبا مايميلون الا لالعاب الحروب وال shooting
مش مهم عندهم القصه وايد هم يبون يذبحون ويكفخون وبس XD
ذوقهم مايعجبني بصراحه >_> وهاي الي خلى اللعبه تفشل
احنا المساكين رابطينا بامريكا واوروبا >_>

بس شلون سكوير هي السبب ؟؟ الغالبيه يظنون ان في تقصير في التنويع في الوحوش
والmagic ... انا عادي اشوفه اوك
بس اللعبه فيها نوع من البرود يبيلها اثاره اكثر

[The Snipers]

بس شلون سكوير هي السبب ؟؟

انا ما دريت عن اللعبة إلى بعد ما نزلت >.>"
ما سوو لها دعاية ولا سمعنا عنها في المعارض حتى -_-
كل هذا تقصير من سكوير

بس اللعبه فيها نوع من البرود يبيلها اثاره اكثر

هاذا اصلاً طابع اللعبة المميز
وهو ان العالم كئيب و بارد حتى الـost جاي جزين عشان يناسب اجواء اللعبة الحزينة ^^
حتى النهايات ولا نهاية سعيدة و كلها قوية بالذات النهاية c
انا اشوف ان سبب اعجابي بهاللعبة هو انها قدمت شي جديد و افكار جديدة
ما خرب عالم الفيديو جيمز إلى الامريكيان و ألعاب الشوتر -_-

[THE ROCK IS THE BEST EVER]

شريت امس Atelier Rorona

ولعبت فيها ساعتين

اللعبة جيده لكن مزعجني فيها ان كل شيء تسويه ياخذ ايام واذا ما انتبهت تروح عليك المهمة ولا سويتها ويجيك حيم اوفر

وايضا كل شيء يحتاج فلوس ومن الصعب تحصلها بسهولة

لكن على العموم اللعبة جيدة

[Arashi]

انا اتكلم عن طريقه عرض الاحلام وروايه Kaine مو عن اللعبه ككل
جربي تلعبينها ممكن تحبينها
السواندتراك خيااالي افضل سواندتراك سمعته هذا الجيل <

3

الساوندتراك ماعليه كلام
بس الكويستات ممله
حاليا أكتفي بمتابعة القصه

والساوند تراك ماعليه كلام جدا رائع مثل ثيم Kaine

انا عجبتني اغاني الBosses اغلبها حماسيه

حاولت مع اراشي مش متحمسه للعبه وايد ^^

المشكله الكويستات تخلي الاحداث تمر ببطئ

لماذا لم تقرأها كلها ؟؟

ليش ماقلتوا لي عنها؟

على طاري نير تدرون ان الاستيو المطور إلي هو cavia تقفل -_-
كل من سكوير ما عطت اللعبة دعاية كافية -_-
من جد سكوير شركة معفنة -_-"

اللعبه ما تحتاج دعايه
كفايه تجوف تريلر واحد وتنجذب لها
انا كنت خلاص قريب واشتريها بس لما عرفت ان فيها كويستات طفشت
لكن بعد قاعده اتابع القصه مع يامي وهي تلعب
اغلب الناس تحب الكويستات فأتوقع ان اللعبه تستحق على الاقل 8من10
ليش فشلت؟ مادري

بس شلون سكوير هي السبب ؟؟ الغالبيه يظنون ان في تقصير في التنويع في الوحوش
والmagic ... انا عادي اشوفه اوك
بس اللعبه فيها نوع من البرود يبيلها اثاره اكثر

انا اجوف تقصير في الماجيك مثل ما قلتي وفكرة انج تنهين اللعبه كم مره
الناس الحين مب مثل اول مالهم مزاج يتعبون حالهم

حتى النهايات

ولا نهاية سعيدة و كلها قوية بالذات النهاية

c

كنت حطيته في نص سبويلر
بس هالشي متوقع في النهايات كلها
القصه

مليانه مآسي

[Judge Balthier]

شباب من جرب nier هل تستاهل العبها ولا لا ,وهل فيها حاجات مش ولا بد ( في الدين ).

[Xe'Ngura]

مين منكم شاف دعاية الكنكت على قناة ابو ظبي @_____@
قبلها ايضأً كان في دعاية للفيفا 11 !
شكله الشركات بدأت تهتم اكثر بالمنطقة (:

[yami vergil]

انا ما دريت عن اللعبة إلى بعد ما نزلت >.>"
ما سوو لها دعاية ولا سمعنا عنها في المعارض حتى -_-
كل هذا تقصير من سكوير

في هذا معاك حق
بس ماتوقعت ان في واايد ناس عجبتهم اللعبه @@

هاذا اصلاً طابع اللعبة المميز
وهو ان العالم كئيب و بارد حتى الـost جاي جزين عشان يناسب اجواء اللعبة الحزينة ^^
حتى النهايات ولا نهاية سعيدة و كلها قوية بالذات النهاية c
انا اشوف ان سبب اعجابي بهاللعبة هو انها قدمت شي جديد و افكار جديدة
ما خرب عالم الفيديو جيمز إلى الامريكيان و ألعاب الشوتر -_-

هذا صحيح ولكني كنت اقصد ان بداية اللعبه وايد كويستات سخيفه خارجه
عن موضوع اللعبه وتقريبا في ربع اللعبه بدا الاكشن
وفعلا انا سمعت ان Cavia معروفه بقصصها التراجيديه
والفكره صحيح جديده ^^
اصلا عندي احساس ان في كم سنه بتتحول الالعاب كلها
العاب شوتر وارهاب وقتل ... الالعاب السنعه
راح تندثر قريبا <<< بعيد الشر ان شاء الله

حاليا أكتفي بمتابعة القصه

حياج XD تابعي معاي

ليش ماقلتوا لي عنها؟

للحين ماوصلت XD

انا اجوف تقصير في الماجيك مثل ما قلتي وفكرة انج تنهين اللعبه كم مره
الناس الحين مب مثل اول مالهم مزاج يتعبون حالهم

في واايد بس انا احسن اثنين عندي
Dark hand and dark lance

شباب من جرب nier هل تستاهل العبها ولا لا ,وهل فيها حاجات مش ولا بد ( في الدين ).

نعم حلوه اللعبه لكن في شي
في شخصيه اسمها Kaine مبالغه في لبسها بزود
انا لو ولد ماكنت بلعبها بس لانها مش شخصيه رئيسيه
ومشكلتي معاها في المشاهد السينمائيه فقد فمشيتها
وهذا احد الاسباب الي خلتني استعير اللعبه وما اشتريها
بس ممممم فيها افكاتر ومعتقدات خاصه لكل قريه وهالسوالف

[Al-RaQmi]

شريت امس Atelier Rorona

ولعبت فيها ساعتين

اللعبة جيده لكن مزعجني فيها ان كل شيء تسويه ياخذ ايام واذا ما انتبهت تروح عليك المهمة ولا سويتها ويجيك حيم اوفر

وايضا كل شيء يحتاج فلوس ومن الصعب تحصلها بسهولة

لكن على العموم اللعبة جيدة

مبروك واخيرا ^^
هذي هي اللعبة .. الكونفيرت -التنقل بين المناطق -النوم كل شي محسوب بالايام
المهام الفرعية هي مصدر رزقك .. كلم البائعين وخادمة القصر ونفذ طلباتهم تحصل فلوس
عندك الدوائر الصغيرة بقرص الزاوية العليا ينبهك بزمن المهمات الفرعية تتلون اول حاجة باللون الاخضراء وكل ماضاق الوقت تغيرت الى برتقالي ثم احمر ثم اسود وبكذا انتهى وقت المهمة
و تتكنسل .. لكن ماتضر كلم الشخص مرة ثانيه وراح يعطيك مهمه جديدة

بالنسبة لي قفلت السنة الاولى من اللعبة .. اعجابي زاد باللعبة .. حبيتها اكثر ^^
الساوند في تحسن + الشخصيات بدات تكثر وتفاعلها مع بعض ممتاز
==

على طاري نير تدرون ان الاستيو المطور إلي هو cavia تقفل -_-
كل من سكوير ما عطت اللعبة دعاية كافية -_-
من جد سكوير شركة معفنة -_-"

معفنة من جد .. اهتمام الشركة باسم السلسة اكثر من محتوى نفس اللعبة
فاينل وكينقدوم .. وبراسايت في الطريق .. اجزاء بالبركة وماتستاهل الضجة وسنين الانتظار
==

مب بدرجة تعفن كابكوم XD

لووووووووووووووووول .. +1

==

شباب من جرب nier هل تستاهل العبها ولا لا ,وهل فيها حاجات مش ولا بد ( في الدين ).

ممتازة جدا عيبها الوحيد الارت بس ..
التراك -الجيم بلاي -القصة لا يعلى عليها انصحك فيها
ماتطرقت للدين في اي حاجة .. قصة خيالية مثلها مثل اي لعبة

[The Snipers]

اللعبه ما تحتاج دعايه
كفايه تجوف تريلر واحد وتنجذب لها

تريلر .. انا ما لقيت تريلر في اليوتيوب اصلاً في وقت نزولها
باين ان محد درى عنها @@"

انا كنت خلاص قريب واشتريها بس لما عرفت ان فيها كويستات طفشت

الكوستات اشياء جانبية تقدرين تعدينها و ماتخلصينها
إلى إذا كنت تبين تجميعن التروفيات

اغلب الناس تحب الكويستات فأتوقع ان اللعبه تستحق على الاقل 8من10
ليش فشلت؟ مادري

اول مرة اسمع ان الناس تحب الكوستات Oo
اصلاً انا اتفق معك كوستات نير مملة حيل ^^"
+ معليش ما انتبهت اني كتبت سوبلير ^^"

هذا صحيح ولكني كنت اقصد ان بداية اللعبه وايد كويستات سخيفه خارجه
عن موضوع اللعبه وتقريبا في ربع اللعبه بدا الاكشن

مثل ما قلت لاراشي مو مجوبرة انكك تلعبها اول شي ركزي على اللعبة و القصة ^^

اصلا عندي احساس ان في كم سنه بتتحول الالعاب كلها
العاب شوتر وارهاب وقتل ... الالعاب السنعه

و هذا إلي بيصير -_-
لا تستغربين ان سكوير تنزل nier 2 و يصير في الحرب العالمية الثانية و يبغى ينقذ بنته p:
على فكرة تدرين ان نير لها نسختين
نسخة لليابان و نسخة للغرب
نسخة الغربية :
طبعاً كافيا حولت قصة نير عشان تناسب الغرب يعني خلوا شكل البطل عنيف
و غيروا القصة من ان ينقذ اخته إلى ان ينقذ اخته
والله ما يستاهلون هذا جزاهم انهم منزلين نسختين عشان يجذبون الاعبين الغربيين @-@
انا متأكد ان النسخة اليابانية انها احلى T_T

معفنة من جد .. اهتمام الشركة باسم السلسة اكثر من محتوى نفس اللعبة
فاينل وكينقدوم .. وبراسايت في الطريق .. اجزاء بالبركة وماتستاهل الضجة وسنين الانتظار

ايه والله انتظار3 او 4 سنين على اللفاضي و غير الدعاية و الهايب الزايد في المعارض في النهاية لعبة ما توصل للأجزاء إلي قبلها -_-
ام باراسايت ايف 3 انا بديت اكرهها لأن اللعبة صارت شوتر حيل .. باين من العروض -_-"

[FARES360]

[Naked_Snake]

السلام عليكم

و انا اتصفح النت لقيت هذا الملف http://www.redmondpie.com/jailbreak-...-how-to-guide/

يحكي على اللعب دون قرص اصلي على السوني 3 عبر جايل برايكر
هل هذا صحيح ؟

مشكورين على التفاعل

......................