لما كنا صغار XD

[Razielia]

على طاري الذكاء..ذكرتيني بموقف يضحك..الصراحة يفشل..
اول مادخلت 5 سنوات على طول امي وابوي دخلوني المدرسة لانهم شافوا اني اذكى من الي في سني..
امي راحت معي اول يوم..وقت الحصة الاولى امي قالت بخليج الحين وبرد اخذج بعدين..كانت تبيني اعتمد على نفسي..واول ماخلتني..على طول قعدت اصيح..ولاني كنت (ولازلت)" دراما كوين" انبطحت عالارض امام الجميع وقعدت اصيح واتقلب عالارض..والمدرسات حولي يحاولون يهدوني اللي تقول تبين شكولاته واللي تقول تبين العاب..وانا اصيح واقول:مابي!مابي! لين جت مدرسة(امي كانت تراقب الوضع من غرفة المدرسات ودزتها لي)
وقالت لي تبين ترسمين..وكان معاها الوان ودفتر..وطبعا الرسم كان نقطة ضعفي..ووافقت ودخلوني الصف..وقعدت ارسم شوي بعدين صحت مرة ثانية..وجات امي وسكتتني..بعدين قالت لي بروح شوي وارد..وعلى شان اصدقها حطت شنطتها عالطاوله كدليل انها بترد..وراحت..وانا قاعدة انطر..وكان فيه وحدة غيري تصيح والمدرسة تحاول تسكتها..وبعد جهد جهيد سكتت البنت..ويوم صار الصف هادي ومحد يصيح..قعدت اصيح مرة ثانية ..ويوم شافوني اصيح قعدوا كلهم يصيحون...

في النهاية...امي ردت وخذتني .. بس لان ابوي قال خلاص..بكيفها..وخذوني البيت..وانتهت القصة..
وبعد هالفضيحه...صاروا امي وابوي مايدخلون احد من اخواني المدرسة لين يصير عمره ست سنوات


موقف ثاني: ..يوم كنت صغيرة كنت وايد احب الرسم...ولما امي شافت الشهادة مالتي ولقت كل المواد ناقصة درجة او نص درجة الا التربية الفنية كانت درجة كاملة..بعدين امي قالت: هذا اللي فالحة فيه ..هههه

[Arashi]

صار الصف هادي ومحد يصيح..قعدت اصيح مرة ثانية ..ويوم شافوني اصيح قعدوا كلهم يصيحون...

هههههه عاد هم اشعليهم يصيحون؟ XD
انا لما صحت محد صاح معاي XP

الا التربية الفنية كانت درجة كاملة..بعدين امي قالت: هذا اللي فالحة فيه ..هههه

هو القهر لو تنقصين في التربيه الفنيه <_<
المواد الثاني تدرسين لها وتضمنين العلامه
لكن الفنيه يبي لها موهبه وهالشي صعب -__-

[Akira]

اااااااااخ اعرف شعور الكتمه هذا اللي تقول عنه >_<

yea ’. كان شعور فظيع و مقرف

انا ويامي كنا نبلل بلاط الحمام (الله يعزكم) بالماي والصابون وتنزحلق

عادي أسويها لكن البلاط خطير له زوايا حاده XD اتخيل شكلي أسويها ألحين lol

الجواب كان: على شان يبخرون المكان!!! طبعا امي وابوي ماتوا ضحك..

ههه ’. جوابك مقنع بالنسبه لعمرك

[Arashi]

لما كنا صغار في بيتنا القديم كانت جنبنا عماره بطابقين << تسمينها عماره؟ خخخخ
وعيال الجيران كانوا يحذفون بيتنا بحصى وزباله (الله يعزكم)
فأنا ويامي عصبنا وقررنا الانتقام...فأراشي الشريره فكرت بفكره جهنميه <<< كالعاده خخخ
وهي ان نسوي كور من الطين ونحذفها على طوفتهم (حتى ولد خالنا دخلناه في المعركه هع هع)
وبس...والبيت انترس كور طين تقولون فيه حب شباب XD
وبسبب هذه الحادثه اضطر صاحي العماره انه يصبغها من يديد

[Maybach8100]

انا كنت اقشر على نفسي اتعلق بعسف النخل

وكنت ارقى الجدرررران اكسر اللمبات

[Fantasy Legend]

يا سلام حلوه المواضيع هاذي:
نحنا لم كنا صغار كانت عمارتنا 6 شقق بس المهم في كل شقه في كم ولد وبنت وكنا كلنا اصحاب مننا امكن 15 كنا نقطع كرتون ونطلع الدور الاخير ونحطه على الدرج وبصدورنا ننزل سباق مين اول واحد يوصل باب العماره وكان تشوف ضحك هاذ ينقلب وهاذا يطيح وهاذا يصقع في الحافه ويصقع في خويو والله بس كانت ايام من جد روعه وضحك ووناسه ,,

[dely10]

هههههههههههههههههههههه

مره وانا صغير كنت طالع مع ابوي ...

ابوي قالي بينزل بيشتري شي من الجمعيه قالي انطرني......

هههههههه ايدي كانت تحكني... عقلي ما ادري شبلاه

المهم

تخيلت نفسي سايق ماهر وقلت بجرب حركااات الافلام
وقمت من مكاني وقعد مكان ابوي

وحركت الغير d ودست بانزين
الحمد لله ما صار فيني شي

بس دعمت بسور الجمعيه وركبت الصبه وانضخ راسي
وابوي ما ادري كان شعوره معصب زعلان خايف هههههههههه
ضايق خلقة على سيارته >>> الله يعينه
عدت على خير
ومن عقبها كل البيت يخشون مفاتيحعم عني XD

[Arashi]

ههههههه حلوه لعبتكم فانتاسي ليجيند XD

ديلي...الحين عرفت ليش اهلك يخشون عنك المفاتيح




اذكر وانا صغيره كنت ألعب مع ولد خالي اللي اكبر مني بثلاث سنوات
كان يستقوي علي ويضربني...بس بعد كنت ألعب معاه خخخ شنسوي ماعندنا حد
عالاقل رباني تربية جدعان
المهم كان لما يزورنا دايما يشغلني: اراشي جيبي ماي..اراشي غسلي لي خوخ..اراشي blah blah blah
فقلت مره انتقم
صبيت له ماي في قلاص وخلطت معاه ملح وخل وشوية شطّه وتفلت فيه..عععععع
شربه ولا كأن فيه شي..ماعجبتني النتيجه
فلماره طلب مني اتصل له في بيته
تعمدت أضرب رقم غلط وطلع له هندي (عاد الهنود دايما يردون عليك لما تضرب الرقم غلط )

[Fantasy Legend]

ديلي...الحين عرفت ليش اهلك يخشون عنك المفاتيح

اي والله من جد هههههههه,,

وتفلت فيه..عععععع

اعععععععععععععععععععع ,, بس من جد شي يحطم بعد ذا كله شربه ولا كانو حصل شي ,,

(عاد الهنود دايما يردون عليك لما تضرب الرقم غلط )

ههههههههههههههههه حلوه ,,

[dely10]

ديلي...الحين عرفت ليش اهلك يخشون عنك المفاتيح

ههههه عرفتي الحين اني خطير

صبيت له ماي في قلاص وخلطت معاه ملح وخل وشوية شطّه وتفلت فيه..عععععع

ويييييييييييييييع اراشي يامجرمة


___________________


سمعو هالسالفه

عندنا زوارع كل خميس ,, وكل عمامي واعيالهم اييون ابيت جدي
وكنا نمشي ونكسر ,,, وجدتي المسكينه تخش باغراض البيت هههه

في احد الزوارات تهاوشت مع ولد عمي كان شايف نفسه كله علباله انها اقوى واحد في العالم
المهم
بدزن سبب فلعني بلعبه.. وانا عصبت عليه والحق بكل البيت من غرفه لغرفه
وولد عمي من الخوف يدعم اطوف
تعب من الركض وما لقى الا جدتي يحتمي فيها
منخش وراها وانا الا افلعه على راسه مثل مافلعني
ابي احذفه ماني قادر
منخش وراها وجدتي تصدني

عاد انا عصبت وصرخت هاااااا وحذفت اللعبه والا ... والا... افلع جدتي@_@!

ومسكينه تعورت وطاحت
من الخرعه انحشت
ويدوروني
ويدوروني
وانا قاعد بالحديقه
ادمع >>> ابد موقاعد ابجي ههههههه

وجدتي احلفت على امي وابوي مايعاقبوني ولا يطقوني ههه

عاد انا نيشان .... بس ما ادري شلون فلعت جدتي !!

[Fantasy Legend]

زوارع

اش يعني ؟؟ معليش اللغه شويه معدوم فيها انا ,,

افلع جدتي@_@!

هههههههههههههههههههههه جبت العيد ,,

[dely10]

^^^
لوول الغلط مني
قصدي زوارة >> زيارة عائليه

[Arashi]

عاد انا عصبت وصرخت هاااااا وحذفت اللعبه والا ... والا... افلع جدتي@_@!

ماذااااااااااااااااا

مسكينه يدّتك تكسر الخاطر

انا لو مكانك انتظر لين يدّتي تطلع واسوي عمري هديت

بعدين اروح اكمل الهوشه

الله يحفظ يدّتك ويخليها لكم بصحه وعافيه ^^

----------------------------------------------------------------


على طاري الهواش

كان عمري 12
وكانوا عمامي خاطبين خوات من بيت غريب مانعرف اهلهم
فمره رحنا زياره لهم انا ويامي وولد عمتنا
وجفنا عندهم اولاد وبنات في عمرنا استانسنا
الا روونا الويه الثاني من اول يوم
قاموا يتحرشون فينا ويفلعونا بمساند ويتضاربون معانا
والله ماتصدقون
ولدهم اكبر مني بسنه وضخم دب دبيب متين غوريللا ويضربني!
عاد ماعرف يضرب من
قمت ركضت وراه وقام هو وعيال خواله وقفلوا الباب عشان ماوصل لهم
رفست بابهم رفسه ان ريولي دخلت في الباب
قليلين ادب


وانتقمت منه لما زارنا بيت يدّي وقمت عطيته وحده من رفسات Ryo وانسدح عالارض
v
v
v
v
فوق اخوي الصغير

[dely10]

الله يحفظ يدّتك ويخليها لكم بصحه وعافيه ^^

آمين يارب,, جزاج الله خير
ويخليلج يدتج

وانتقمت منه لما زارنا بيت يدّي وقمت عطيته وحده من رفسات Ryo وانسدح عالارض

هههههههه يالمجرمه ,,, والله انج مو هينه
شلج تتهاوشين مع الدب ,,,زين ما فقصج لووول

[رعبه]

لووووووووووول
سوالفكم ممتعه + تجلب الكثير والكثيييير من الذكريات ^^<< لاعاد تقرين ترجمات >.<"
بما انكم بعالم الهوشات خل انطل سالوفه ع السريع واروح افحط بعيييد >> شدخل XD

يوم كنا صغار << خخخخ الله يقلعك اراشي العنوان رايق صار مقدمه تحل مكان كلمه "كان ياما كان"
اي عزيمه او اي جمعه تكون ببيتنا اول
كنا نقلب على عيال الجيران وصديقاتنا
ونقيم حروب ومعارك
المشكله ان بعد ما يروحون عيال عماني او خوالي
السلم يدب ونرجع نلعب وكان ما كنا بمعركه من دقايق
ولما كنا صغار لووول
النهايه XD