موضوع للفرفشه. كم خسرت على نفسك من فلوس من يوم ماقررت تلعب حديد + اكلات فيها بروتين
(( بسم الله الرحمن الرحيم ))
احب اصبح على جميع الاعضاء بالخير والمسرات وجعله يوم مليء بالنشاط والقوه والحيويه والفائده طبعاً لي 5 ايام تقريباً وانا ادخل المنتدى وقراء مشاركات افادتني كثيراً وتبون الجد قريت اغلب المواضيع طبعاً اغلب المواضيع كانت تتكلم عن التمارين والأسـئله والمكملات الغذائيه وهذا شيء جميل لكن كانت تطربني بعض المواضيع الي تكون(( شاطحه)) اي بمعنى اصح خارجه عن مواضيع التمارين والمكملات الغذائيه .. كانت تعطيني بآآآآور وحماس بين كل موضوع وموضوع فحبيت اطرح فكره ونقاش عشان نستفيد ونكسر الروتين شوي ..
الموضوع الي حاب اطرحه للنقاش موضوعين في موضوع !!
الموضوع الأول عباره عن كم خسرت للحين من مبالغ ماليه في لعبه الحديد سوا كنت جديد او قديم تقولي مادري اقولك عطني شيء تقريبي !!
الموضوع الثاني كل واحد يكتب افضـل ورخص اكله وجد ان فيها بروتين وســعرها مناسب ورخيص ياليت يذكرها ويوضحها لنا اذا كانت تحتاج للتوضيح !!
طبعاً رآح ابداء بنفسي مع اني جديد على اللعبه وبعطيكم كم خسرت للآن من يوم ماقررت العب حديد + بعض الآكلات الي فيها بروتين وبأسعار مناسبه للفائده اتمنى من الجميع ذكر السعر وتوضيح المنتج اذا كان المنتج يحتاج توضيح..
طبعاً قبل لا فكر إني العب حديد ماكنت اتوقع ان فيه هالخساير ذي كلها سوا مال او وقت لكن كل شي يهون لجل الصحه ولجل الفائده طبعاً اتكلم وانا مالتمست شيء للحين لأني توني باديء في اللعبه ولكن عندي تفائل اني راح احصل نتيجه بإذن الله ... بنسبه لخسايري حتى الآن 850 ريال تقريباً هذا فقط للمكملات وهو اول كورس لي في اللعبه بصرآحه غاليه شوي لكن زي ماقلت لجل الفائده كل شي يهون هذا مايتعلق بالمكملات الغذائيه ..
بنسبه للأكلات الي تحتوي على البروتين وبسعر لا بأس به ... طبعاً الكل يعرف صدور دجاج والتونه واللحوم والسمك وووالخ لكن وش رايكم لا قلت لكم الأندومي !!!! الأندومي فيه نسبه بروتين حلووه بنسبه للسعره سعره بريال
ونسبه البروتين الي فيه ماتحظرني لكنها ممتازه على كلام بعض الشباب الخبره وعندكم الكاجو واللوز اسعارها حلوه ومناسب وفيه نسبه بروتين حلوه يعني خذ لك كيلو كاجو وكيلو للوز ونت رايح لنادي طحن لك شوي منه لذيذ ومافيه كرستول وفيه نسب بروتين
هذا كل ماعندي اتمنى من الجميع المشاركه لكي تعم الفائده لكم خالص تحياتي
المشاركة الأصلية كتبت بواسطة متمرس حديد
